مرات ابني _الاولي_بقلم هويدا زغلول
انت في الصفحة 1 من 4 صفحات
الام
يابنتي ازاى بس انا تعبانة ومش قادرة انا هاجيب لك كرسي تحطي عليه رجلك احسن
مها
الام
يرضيك اللي مراتك بتعمله فيا ده يا اسامه
ده انا امك
اسامه
اه يرضيني وبلاش بقي تعملي بتحبني انا عارف انك پتكرهني هو انا هنسي اللي عملتي
وقبل مانبدا حكايتنا اعرفكم علي نفسي انا اسامه عندي 38سنه واتجوزت مرتين وفي يوم
اسامه
انا خلاص يا أمي قررت اكمل نص ديني واتجوز زي ما انتي كنتي عايزة
الام
بجد يا اسامة هتتجوز وتفرح قلبي يابني ده احلى خبر سمعتة في حياتي
أسامة
انا قولت بقا طالما الشقه جاهزة وكل حاجة عندي هستنا ليه وبعدين ياست الكل انتي وعدتيني انك تساعديني بمبلغ مش كده برضو
الام
وانا عند وعدي ياحبيبي بس كده من عنيا الاتنين بس ياترى بقا العروسة هتبقا مها بنت خالتك ام فاروق جارتنا مش كده
لا يا أمي مها مين وبتاع مين انا مش هتجوز مها دي اصلا انا حاطط عيني على واحده تانية خالص
الام بضيق
يعني ايه يا اسامة انت عايز تتجوز واحده غير مها ليه يابني دي البنت مؤدبة ومفيش في اخلاقها وبعدين كفايه انها جارتنا وعارفين أصلها وفصلها ياعالم اللي انت هتجيبها دي عامله ازاي
أسامة
يا أمي اللي انا هتجوزها دي زميلتي في الشغل وبرضو عارف أصلها وفصلها وبنت حلال ومؤدبة يعني مش محتاجة اعرفها اكتر
لا يا اسامة وانا مش هوافق غير على مها جارتنا انا بقولك اهو
أسامة
يا أمي حرام عليكي هو انا يعني ماينفعش اختار الانسانة اللي على مزاجي انا انا عايز هند زميلتي دي انما مها دي مش على هوايا خالص ويكون في علمك يا أمي أنا مش هتجوز غير اللي انا عايزها
الام
خلاص يابني عايز تتجوز اللي مزاجك يبقا تروح تتجوز بعيد عني عشان انا مش موافقه على اي واحدة تانيه
طيب ليه كده يا أمي هو انا عملت فيكي عشان تعملي كده كل ده عشان بحب واحده وانتي مش عايزاها
الام
انا قولت اللي عندي يا اسامة ومش هكررها تاني وياريت تشوف الموضوع ده وتخلص فيه واخوك محمود هنا قبل مايسافر تاني انت عارف ان اجازتة قربت تخلص
ووفي الوقت ده رجع محمود اخويا من برا وامي
قالت ليه
الام
تعالي يامحمود شوف اخوك أسامة عايز يتجوز واحدة غير اللي انا اختارتها له بزمتك يامحمود مها بنت ام فاروق في واحدة في اخلاقها ولا في جمالها
بصراحة لا يا أمي وعلى فكرة يا اسامة امك عندها حق في اختيار العروسة اكتر مننا كمان
أسامة
وهو انا كمان هتجوز زي ماهي جوزتك يامحمود ماهي برضو اللي اختارت لك العروسة
المفروض احنا رجاله يا امي ونقدر نختار عريسنا
بطلي بقي تتعاملي معانا زي الاطفال
الام
اخس عليك يا اسامه معقول ي ابني بتقولي
انا الكلام ده
ي ابني اختيار امك بيبقا سليم ميه في الميه انا متجوز اهو بقالي خمس سنين وعايش انا وسهير مراتي على الحلوه والمره سوا وده عشان امك اللي اختارتها هي ليها نظرة كده يابني
الام
اهو شوفت وسمعت اخوك بيقول ايه انت بقا لازم توافق على مها
أسامة
خلاص اللي تشوفوه يا أمي ماهو انا مش حمل زعلك مني حقك عليا
وتاني يوم الصبح أسامة راح الشغل وقابل هند وقالتله
هند
ها يا اسامة عملت ايه مع مامتك اتكلمت معاها في موضوعنا سوا ولا لسه انا خلاص ظبط الموضوع مع اهلي
أسامة
بصراحة اااا اصل ااا
هند
اصل ايه يا اسامة ماتتكلم في ايه مالك كده متلجلج ومش عارف تتكلم
أسامة
اصل بصراحة ياهند امي مش موافقه وعايزاني اتجوز واحده تانية هي عارفها وعارفه
