جوزي طلقني علشان رفض ابيع كليتي ـــ كامله ـــ بقلم هويدا زغلول

في عونك ياابراهيم يابني مش عارفه ايه اللي مصبرك على الهم ده والنبي ياواد انت بس شاور كده وانا اجوزك ست ستها
ابراهيم
ياما هو انا ملاحق على طلبات فاتن وبنتها لما هتجوز تاني والنبي تسكتي كفايه اللي انا فيه الواحد مش طايق نفسه
الام
معلش ياضانيا ربك يفرجها عليك ان شاء الله
وخرجت فاتن بالاكل وقالت له
الاكل اهو يا ابراهيم انا طالعه شفتي بقا عشان هعمل فيها شوية حاجات كده
إبراهيم
روحي يافاتن روحي
ومشيت فاتن وابراهيم قال لأمه الا بقول لك ايه ياما انا كنت عايز منك حاجة كده بس ياريت متكسفنيش
الام
قول ياعين امك عايز ايه
ابراهيم
ماتجيبي الحتتين الدهب اللي معاكي ابيعهم عشان اشتري تاكسي واشتغل عليه
امه اتعصبت وزعقت وقالت له
نعممم ياروح امك عايز ايه الدهب دهب ايه ياحبيبي اللي عايز تبيعه ده انت ياواد شارب حاجة ولا شارب حاجة
إبراهيم
والله ولا شارب ولا نيلة بس انتي شايفه العيشه اللي احنا فيها دي عيشه مايعلم بيها الا ربنا والبيت مش بيبطل مصاريف
الام
وانا مالي ياحبيبي لم ايدك انت والسنيورة مراتك وبطلو مصاريف وبعزقه على الفاضي
إبراهيم
على اساس يعني اني بجيب الالفات وبتتصرف ماهو كله على يدك وعارفه اني موظف و في نظر الحكومة طور ومربوط في ساقيه طيب ده انا نفسي يبقا معايا فلوس اصلا والنبي ياما ماتفتحيني الله يخليكي
الحما
ماهو انت لو كنت متجوز واحده ناصحة زي النسوان بتعرف تحوش وتجيب لها دهب كان زمانك معاك بس نقول ايه بقا جبت لي واحدة فقرية
اقعد ابراهيم ياكل ومردش عليها وعند مسعد رجع البيت لقى مراتة احلام تعبانة قال لها
ايه يا احلام انتي لسه تعبانة انا كل لما ارجع من الشغل الاقيكي تعبانة مفيش مره تبقى كويسة
احلام
اعمل ايه يعني يامسعد ماهو ڠصب عني هو انت راضي حتى توديني للدكتور عشان اكشف واشوف اعمل العمليه
مسعد
ما انا هجيب لك فلوس منين يا احلام اروح اسړق انا ولا اعمل ايه ارحميني انا مش ناقص غم الله يخليكي
احلام
حاضر يامسعد خلاص مش هتكلم تاني انا اصلا كل بدعي ربنا ياخدني عشان ترتاح مني ومن مصاريفي
مسعد
يوووه كل يوم بقا الاسطوانة المشروخة بتاعتك دي وبعدين انتي لو رحتي تفتكري يعني انا هرتاح والنبي بطلي كلامك ده واديني مستني الڤرج
احلام
ماشي يامسعد اللي تشوفه اعمله انا خلاص مش هشتكي تاني ولا هاقول لك اني عايزة اكشف او اعمل عمليه هسيبها على ربنا وهو الشافي
وفي الوقت ده جات عندهم نادية اخت مسعد ودخلت وقالت
الف سلامه عليكي يا احلام ربنا يشفيكي ياحبيبتي
احلام
الله يسلمك يانادية تشربي ايه
نادية
لا ياحبيبتي اقعدي مش عايزة اتعبك انا بس كنت جايه عشان عارفه ان مسعد كان محتاج فلوس عشان يوديكي للدكتور عشان التحاليل ويشوفو العمليه دي هتتعمل ولا لا
احلام بحزن 
الحمد لله على كل حال يا احلام لما ربنا يكرم مسعد ويقبض ان شاء الله هنروح للدكتور
مسعد 
ايوه لما ربنا يسهل بقا انا هجيب منين يعني
ناديه 
طيب خود دول يامسعد اكشف على مراتك ووديها للدكتور وابقي رجعهم بعدين
مسعد 
ايه الفلوس دي يا ناديه انتي جبتيها منين مانا عارف ظروفك كويس لا لا انا مش واخد منك حاجه
نادية 
الله جرا ايه يامسعد ما انا بقول لك انك هتردهم لما يبقا معاك الله المهم تطمن على مراتك بس الاول وبعدين الفلوس دي انا كنت عامله جمعيه والست كتر خيرها قبضتني النهارده وانا مش محتاجة امسك بقا
احلام 
انا مش عارفه اقول لك ايه بس يانادية ربنا يخليكي لينا يارب ونعم الأخت والله
نادية
ماتقوليش حاجة يا احلام المهم نطمن عليكي