جوزي طلقني علشان رفض ابيع كليتي ـــ كامله ـــ بقلم هويدا زغلول

طين وودن من عجين ومش هيرضي يسلف اي حد فينا فريح نفسك ومش تروح له احسن لك
محمد 
الله يطمنك يامسعد الله يطمنك ياخوي ده الناس الفقر دي وايه الشغلانة اللي مايعلم بيها الا ربنا دي والاسم ايه قال موظفين في الحكومة والناس بتحسدنا يجو يشوفو الهم اللي احنا فيه
مسعد 
ااه والله عندك يابني بس هنعمل هو في حاجة بعد الضهر تكون شغلانة كويسه وقولنا لا
إبراهيم 
والله انا بقالي فترة بدور على حد يركبني تاكسي اشتغل عليه واخر النهار نتحاسب
مسعد 
لا مش احسن حاجة انك تشتغل عند حد عنده تاكسي أصله هايجي اخر النهار بقا يقولك مونت العربية حطيت زيت ده في خبطه هنا ده في خربوش هنا ويفضل يعمل لك فيها صاحب ملك بقا وكده
ابراهيم
يعني قفلتها في وشي يخربيت فقرك
مسعد
ياعم انا بنورك طيب مانا كمان نفسي اشتغل بعد الضهر اي حاجة مش لاقي
محمد
انا اتعرض عليا اشتغل في سوبر ماركت بعد الضهر بس فلوسها قليله اوي
مسعد
ياعم اهو اي حاجة تسند الزير اي شغلانة والسلام
محمد
خلاص هفلكر في الموضوع وربنا يكرمنا
وعند فاتن نزلت عند حماتها واول لما شافتها قالت
انتي لسه فاكرة تنزلي لي يامرات ابني ايه هو انتي عايزة اطلع انادي لك واجيبك من السرير..
فاتن
ملوش لزوم التريقة دي ياحماتي انا نزلت اهو في ايه بقا
الحما
في ان عندي شوية هدوم عايزة تتسغل يافاتن وانتي مطنشة خالص ايه اغسلهم انا وخلاص ولا ايه
فاتن
حاضر هدخل اغسلهم اي خدمة تانية ياحماتي اؤمريني
الحما
لا ياختي ادخلي اغسلي شوية الغسيل ولو في حاجة تانية هبقا اقولك تعمليها
ودخلت فاتن تغسل لحماتها واتصلت عليها اختها علا وقالت لها
ازيك ياعلا عاملة ايه وصلاح جوزك عامل ايه معلش ياعلا انا كنت جايه ابص عليكي لما امك قالت لي تعبانة بس معرفش أفضى
علا
ولا يهمك يافاتن المهم سؤالك عني ياحبيبتي انتي عامله ايه
فاتن
انا الحمد لله ياحبيبتي
دخلت حماتها عليها وقالت لها
انتي ياختي هتفضلي ترغي طول النهار في التليفون وتسيبي الغسيل ماتخلصي بقا
فاتن
حاضر بس بكلم اختي بس ياحماتي في ايه هو الغسيل هيطير
الحما
لا ياختي الشمس هي اللي هتطير انا كنت عايزه الهدوم تتشمس قبل الليل وياريت بقا تخلصي مش وقت رغي ده
فاتن
حاضر ياحماتي حاضر
علا
ايييه ده يافاتن ايه الوليه دي هي بتكلمك كده ليه الله يكون في عونك ياحبيبتي طيب اقفلي وروحي شوفيها عايزة
فاتن
معلش ياعلا هبقا اكلمك بعدين ياحبيبتي بس هخلص لها شويه الغسيل دول مع السلامه
وعند علا كانت قاعده هي وجوزها وقالت لنفسها 
ياساتر يارب هي فاتن اختي عايشه ازاى مع الناس دول
رد أحمد جوزها وقال لها
ايه ياعلا انتي بتكلمي نفسك ياحبيبتي مالك
علا
صعبان عليا فاتن اختي يا احمد تصور بكلمها في التليفون تقوم تزعق فيها عشان بتتكلم في التليفون هو في كده
احمد
طيب وهي بتزعق لها ليه بقا هي هتتحكم فيها ولا ايه وجوز اختك فين من ده كله بقا
علا
جوزها اكيد في شغله بس حتى لو كان موجود كان هيعمل ايه يعني اكيد امة بتعمل كده قدامة يعني اصل فاتن اختي دي غلبانة اوي وعلى نياتها كده
احمد
ملناش دعوة ياعلا وبعدين بتقولي اختك غلبانة اكيد بتعمل كده عشان تعيش
ورجع إبراهيم البيت ودخل عند امة وقال لفاتن
شوفي لي اي لقمة أكلها يافاتن لحسن انا مفطرتش بعد مانكدي عليا الصبح
الحما
وهي تنكد عليك ياحبيبي ولما هي انكد عليك انت بتسكت لها ليه
فاتن
ماتخليكي محضر خير ياحماتي الله وبعدين هو السبب في النكد مش انا حتى اساليه اهو عندك
إبراهيم
خلاص بقا يافاتن وادخلي اعملي الاكل ولا اسيب لك البيت وامشي
الام
الله يكون