مشيت امي ــــــــالجزء الثاني ـــــ بقلم هويدا زغلول

تمام ارجوكم عايزين نشتغل في هدوء
ودخلت هبه مع خالد وجوه قال لها وحشتيني يابنت اللذينة
هبه
انت كمان وحشتني اوي
خالد
هو ايه اللي جابو معاكم ده مش قولتي هتيجي انتي وامك بس لا وكمان جايبين امي معاكم انتو متخلفين ياهبه
هبه
على فكره بقا هو صمم يجي معانا وامك قالت لأمي انها عايزة تيجي معانا طبعا امك متعرفش حاجة عن الموضوع وفاكرة اني هعمل عمليه بجد
خالد
طيب يلا قومي غيري هدومك والبسي لبس العمليات ده واجهزي في ممرضة هتدخل دلوقتي هتعملك اللازم عشان نحبق الدور وكانك عامله عمليه بجد
وفعلا نفذت هبه وخالد الخطة وبعد ساعتين خرج خالد وقالهم
الحمد لله العمليه نجحت هي بس تفوق من البنج هتبقا زي الفل وممكن تخرج النهارده عادي
وليد
طيب هنطمن عليها امتى يادكتور
خالد
شوية كده وهتطمن عليها
وعدي يوم في العيادة عند خالد وبعدها رجعو البيت وهبه عملت نفسها تعبانة جدا ومش قادرة تتكلم كانت بتمثل صح وقالت لوليد
اسمع ياوليد انا عايزة اجي اعيش معاك عند مامتك في بيتها
وليد
انتي بتقولي ايه ياهبه تيجي معايا ازاى طيب وولاء
هبه
مالها ولاء وبعدين انا مالي انت لازم تقولها انا هبقا ام ولادك يعني انا اللي اولى بيك مش هي
وليد
طيب استني لما الحمل يعدي عليه كام شهر كده بس ان شاالله حتى بعد تلات شهور لما تبقي في الشهر التالت
هبه
امممم طيب فكرة برضو ياحبيبي خلاص اللي تشوفه
وليد
طيب انا اطمنت عليكي اهو اروح انا بقا عشان خاطر ولاء متاخدش بالها اني بتأخر عليها
هبه
ماشي ياوليد روح ولا اني كنت عايزاك تفضل معايا عشان تعبانة وكده
وليد
معلش ياحبيبتي ان شاء الله لما تيجي تقعدي معانا هبقا قدامك علطول يلا سلام
ومشي وليد رجع البيت وكانو ولاد سهير عاملين دوشة ودخل وقال
ايه ياعياال في ايه عاملين دوشة كده ليه ايه ياسهير ماتلمي عيالك
سهير
الله يعني اعمل فيهم ايه ياوليد وبعدين تعالي هنا انت كنت فين طول النهار دي ولاء كانت قلقانه عليك وبتقول تليفونك مقفول انت كنت عند التانيه صح
وليد
هووووس وطي صوتك ياسهير عشان ولاء مش تسمعك اسكتي ايوه كنت عندها أصلها عملت العمليه النهاردة وبقت حامل في تؤام ولاد ياسهير انا فرحان اوي
سهير
بجد الف مبروك ياخويا لولول........ وحط ايده على بوقها قبل ماتكمل وخرجت من اوضتي ولقيت حماتي كمان خارجة من اوضتها وانا قولت لهم 
ايه ده في ايه انتي بتزرغطي ليه يا سهير
سهير بارتباك
هاه لاااا يامرات اخويا اصل فرحت لما شوفت وليد جاي واكمنك كنتي قلقانة عليه فانا لما شوفت اطمنت فرزغط ههههه
وليد
ههههه سهير دي مشكلة ياولاء ومجنونه
ولاء
اه صحيح يا وليد انت كنت فين طول النهار برن عليك طول النهار وانت تليفونك مقفول
وليد.
ااه انا كان عندي شغل كتير وتلفوني كان فاصل وبعدين هو انا عيل صغير ياولاء انا داخل انام اصلي مرهق من الشغل طول النهار
وسابنا ودخل الاوضه
وبعد تلات شهور لقيت وليد داخل بهبه مراته علينا وانا قولت له
مين دي يا وليد
هبه
انا مراته ياعنيا ايه انتي متعرفيش انه متجوزني لا ده انا كمان ام عياله التؤام اللي في بطني مش انا قولت لك تقولها ياوليد
ولاء بدموع
الكلام ده صحيح ياوليد بقا انت يطلع منك كل ده اتكلم قولي هي بتقول ايه
وليد
اهدي ياولاء ايوه هي دي الحقيقة انا اتجوزت هبه وهي حامل
اڼهارت وفضلت اعيط وامه واخته حاولو يهدو فيا وسهير قالت
معلش ياولاء لازم ترضى بالأمر الواقع ده ياحبيبتي وبعدين دي حامل دلوقتي يعني خلاص كده مش هينفع يسيبها
ولاء
يعني انتي عايزاني اعيش مع ضرة ياسهير انتي ترضيها لنفسك