مشيت امي ــــــــالجزء الثاني ـــــ بقلم هويدا زغلول

حق ياماما هو موكوس فعلا هو وامه كفايه انه رامي طوبتي انا وعياله ومخليني قاعده عندك علطول عشان ميصرفش عليهم
وليد
ولا يهمك ياسهير انا ولادك دول بكرة هخليهم مش محتاجين حاجة ابدا بس ادعي لي بس اتلايم على ميراث ولاء
سهير
ربنا يخليك لينا ياخويا
وعند ماما في الفيلا ندى اختي قالت لها 
ياماما ولاء اختي وحشتني اوي انا نفسي اشوفها انتي حتى منعاني اني اتصل بيها طيب خليني حتى اسمع صوتها
الام
وبعدين معاكي ياندي مش ولاء دي هي اللي اختارت انها تبعد عننا وتروح تعيش مع الناس اللي هي عندهم دول خلاص هي حره بقا
ندى
يعني ايه ياماما يعني خلاص كده هنسيب ولاء اختي بعيد عننا لا انا مش موافقه حضرتك على كده خالص
الام
خلاص ياندي خلصنا من الموضوع ده هى لما تعرف انهم ڼصبو عليها هترجع هنا تاني وساعتها مش هدخلها برضو
وكنت قاعده في اوضتي لقيت وليد جاي يقولي
عامله ايه يا قلبي انتي كويسة
ولاء
اه ياحبيبي انا تمام الحمد لله
وليد
انا عارف انك زعلانة عشان خاطر اللي مامتك عملته لما جات هنا انا ميرضنيش ان يبقا في عداوة بينك وبينهم بسببي لو عايزاني اطل.......
وقبل ما يكمل كلامه حطيت أيدي على بوقه وقولت له
متكملش يا وليد انا مش هقدر اعيش من غيرك ايه اللي انت بتقولو انت عايز تطلقني لا طبعا انا مش موافقه
وليد
يعني مامتك متسالش عنك وكمان تحرمك من الميراث اللي هو حقك وعايزاني اخليكي معايا ده انا ابقى اناني ياولاء ياحبيبتي انت لازم تاخدي حقك ومش تتحرمي منه بسببي
ولاء
وانا مش عايزة اي حاجة منهم ماشي ماما قست قلبها عليا خلاص هي حرة بقا انما انا هفضل عايشه معاك هنا في بيتك ده انا بحب هنا
وليد بضيق بس من مايبين
ااه ياحبيبتي احسن ومالو خليكي معايا وبلاش تدوري على حقك انا اصلا ميهمنيش الفلوس ولا حتى عمري طمعت في فلوس ابوكي دي
ولاء
مانا عارفه ياحبيبي عشان كده انا بحبك اوي وهفضل عايشه معاك على الحلوه والمره
وبعد ماعدي يوم راح وليد لهبه بالفلوس اللي معاه من بيع الشقه وقال لها
الفلوس اهيه ياحبيبتي هاتروحي امتى بقا عشان تعملي العمليه دي عايزك تفرحي قلبي ياهبه واشوف ابني قدامي
هبه
ااه ياحبيبي طيب ده انا ناوية احمل في تؤام ها قول للدكتور يخليني احمل في تؤام
وليد
ايه ده اللي هو ازاى بقا هو ينفع انك تخلي الدكتور يعمل كده فعلا
هبه.
ايوه طبعا هو الدكتور ابن خالتي قالي انه ممكن يخليني ابقي حامل في تؤام
وليد
ياريت ياهبه ياريت طيب انتي ناويه تروحي امتى عشان اجي معاكي
هبه
تيجي معايا ليه بقا ماهي ماما هتبقي معايا ياحبيبي
وليد
لا معلش انا لازم ابقي معاكي عشان ابقي مطمن عليكي ياحبيبتي ومبقاش قلقان كده
هبه بارتباك
خ خلاص ط طب هبقي اتصل بالدكتور خالد واشوفو هيحدد ميعاد امتى للعمليه دي
وتاني يوم راحت هبه ومعاها امها وخالتها ام خالد ووليد في العياده بتاعت وليد واول لما دخل قال
مشاء الله ياهبه ده ابن خالتك ده باين عليه دكتور كبير وشاطر شايفه العيادة بتاعته نضيفه ازاى ولا الناس اللي منتظرين اد
هبه
طبعا ياحبيبي اومال ايه ده خالد ده ساعد ستات كتير اوي انها تخلف لا ده شاطر اوي
وخرج خالد وقالهم
اهلا ياجماعه ازيك ياهبه جاهزه عشان نعملك التحاليل عشان نجهزك للعمليه
هبه
اااه ااه يادكتور انا جاهزة وقالت بتمثيل انا خاېفة اوي ياوليد ارجوك متسبنيش ياحبيبي هاه
وليد
انا معاكي متقلقيش ياحبيبتي
الام
خلي بالك منها ياخالد هاه
خالد
اطمني ياخالتي بس انتو هتفضلو هنا ومحدش يدخل من الباب اللي هناك ده