العنيده وعمده الصعيد الجزء التاسع والعشرين بقلم هويدا زغلول

مبسوط ان اول واحد فكرت فيه هو انا يعني لما جد تعب اول واحد خطړ على بالك كان انا كان ممكن تتصلي بسلطان
شمس
ايه اللي عم تقوله ده هو سلطان يبقى حفيده علشان اتصل بيه
دياب
لا مش حفيده بس الواحده لما بتبقى حاسه من امان ناحيه شخص معين لما بتقع في مشكله اول واحد بيخطر على بالها بيكون هو
شمس
انت عايز تفهمها كده افهمها مش فارقه معايا المهم ان جدي يبقى كويس وبطل كلام فارغ وما تنساش ان انا مخطوبه
دياب
انا بقى معتبرك مش مخطوبه ولا يهمني خطوبتك دي بربع جنيه يا شمس ويكون في معلومك جواز مش هتتجوزيني لو اخر راجل في الدنيا مش هتتجوزيه لو مش هتتجوزيني مش هتتجوزي غيري علشان تبقي عارفه
شمس
انت مفكر نفسك مين علشان تتحكم فيا بالطريقه دي انت مالك طول ما جدي عايش انت ملكش كلمه علي وحتى بعد العمر الطويل لجدي مش هيبقى ليك اي كلمه علي
دياب
هنشوف يا حبيبتي كلها فتره صغيره خالص وهنشوف كلمه مين فينا اللي هتمشي عليك وهتتجوزي مين في الاخر وان ما خليت لك سلطان ده يلف حوالين نفسه وما بقاش انا
شمس
دياب بلاش غباء وبلاش تعمل حاجه تخليني اكرهك اكثر ما انا بكرهك
دياب مسك ايديها وقال
اياك تنطق الكلمه دي تاني انت بتحبيني مش بتكرهيني انت فاهمه ڠصب عنك بتحبيني حتى لو فضلت تديها لي من هنا ل 10 سنين قدام هتفضلي تحبيني
شمس
ابعد ايدك يا متخلف ايدي هتتكسر
دياب
هقطع لسانك اللي بتقل ادبك بيه ده يا شمس هعديها لك المره دي علشان خاطر جدي بس
شمس
ربنا يهدك يا دياب واشوف فيك يوم يا شيخ عمرك ما هتتغير هتفضل متكبر وشايف نفسك على خلق الله انت كنت تستاهل واحده زي بسنت واحده متكبره وشايفه نفسها وانت زيها الطيور على اشكالها تقع يا عمده البلد في المستقبل
دياب
ادعي براحتك يا شمس بتدعي على جوزك المستقبلي والله حلو ايه الكلام ده اتجوزك بس وهربيكي اصبري
شمس
نجوم السماء اقرب لك يا دياب لو اخر راجل في الكون مش هتجوزك
قالت كلامها ودخلت عند جدها ودياب قال
اما نشوف هتعملي ايه يا شمس
عند سلطان كان قاعد عند الارض بتاعته وشاف بنت قاعده جنب الارض قرب منها وقال
انت قاعده كده ليه يا انسه انت مش عارفه ان الارض دي ملك سلطان سالم
البنت
وايه يعني ملك سلطان سالم اعمل له ايه يعني
سلطان
تعملي ايه كيف يعني قاعده عند ارض تعملي ايه انت عايزه تسرقي المحاصيل
البنت
اسړق ايه يا مخبول انت انت شايفني حراميه وليه ولا يكونش باين عليا ان حراميه
سلطان
انا بقول لك كنت بتعملي ايه هنا يبقى تردي وتقولي لي كنت بتعمل ايه من غير كلام كثير
البنت
وانت لما شفتني كنت شايفني بعمل ايه بسرق من محاصيلك ولا بلعب في الارضيه