العنيده وعمده الصعيد الجزء التاسع والعشرين بقلم هويدا زغلول

بس العيال وحشتني وكنت عايزه اشوفها حتى هي وحشتني دي ما بتكلمنيش واصل وحتى لما بكلمها بسحب منها الكلام صح علشان تتكلم معايا
رضوى
طيب يا ستي ما تزعليش نفسك ليكي عليا انا هعزمها لك هنا في يوم هي والعيال وتشوفيهم براحتك بدل ما تروحي لهم وتتعبي نفسك
صفيه
والله يا بتي ما عارفه اقول لك ايه كرمك معايا بيكسرني بسبب اللي عملته فيك وفي ابني
رضوى
احنا قلنا ايه يا حماتي ننسى الماضي وما نفكرش فيه خالص اللي فات راح خلاص ومش هيرجع تاني انا هسيبك دلوقتي وهروح على الشركه علشان عندي اجتماع مهم كمان نص ساعه
صفيه
ربنا يعينك يا بتي ويوفقك
رضوى
ربنا يخليك يا حماتي خدي بالك من البنات هم شويه وهيجوا من المدرسه بعد اذنك
خرجت رضوى وراحت على الشركه بتاعه جوزها وكان بيساعدها فيها دياب احيانا وبيعلمها اصول الشغل
كانت رضوى في مكتبها
السكرتيره
استاذ معاذ مستني حضرتك بره يا فندم
رضوى
دخليه
دخل راجل في اواخر التلاتينات
معاذ
ازي حضرتك يا مدام رضوى
رضوى
اهلا بحضرتك يا استاذ معاذ اتفضل
معاذ
معلش تاخرت عليك خمس دقائق بس الطريق كان زحمه شويه
رضوى
ولا يهمك يا استاذ معاذ خلينا نبدا في الشغل لو سمحت
وفضلوا يتكلموا في الشغل حوالي ساعه ومعاذ قال
الحمد لله كده على الاسبوع الجاي اجي لك ونبدا العقود ان شاء الله ينفع اسالك سؤال يا مدام رضوى
رضوى
اتفضل يا استاذ معاذ
معاذ
هو استاذ احمد فين يعني حضرتك اللي بتدير الشركه انا جيت هنا اكتر من مره وهو مش موجود خالص حتى سالت عليه الموظفين ما حدش عارف هو فين
رضوى
احمد مسافر وانا مستلمه الاداره لغايه ما يرجع باذن الله
معاذ
مسافر ولا محپوس في فرق
رضوى
ولما سيادتك عارف انه محپوس بتسال ليه
معاذ
بصراحه انا مستخسرك في واحد زي احمد ده انا عرفت الحكايه من اولها لاخرها وعرفت احمد محپوس ليه وعلشان ايه ومستغرب منك بصراحه انت بتساعديه وبتحاولي كمان تخلي الشركه تنجح زي الاول رغم انه خانك وكان متجوز عليك بتعملي ده كله ليه
رضوى
اعتقد ان ده شيء ما يخصكش يا استاذ معاذ احنا اللي بينا شغل مش عايز تشتغل براحتك مش مهم
معاذ
انت اتعصبتي ليه كده انا باخد ودي معاكي في الكلام ما فيهاش حاجه يعني
رضوى
لا فيها كتير يا استاذ انا لا باخد ولا بديك في الكلام بما اننا خلصنا شغل تقدر تقول لي هنكمل العقود ولا لا ده كل اللي عايزه اسمعه دلوقتي علشان ارتب اموري غير كده مش عايزه اسمع حاجه
معاذ
بصي يا رضوى انا
رضوى
لا استنى قلت ايه انا اسمي مدام رضوى يا ريت ما تشيلش الالقاب اللي بينا
معاذ
ايه رايك يا مدام رضوى تسيبك من احمد خالص انا عرفت انه عامل لك توكيل عام علشان تقدري تديري الشركه وتضم الشركه دي لشركاتي والربح يتقسم علينا احنا الاثنين وصدقيني لو عملت كده هننجح نجاح باهر

قلت ايه