العنيده وعمده الصعيد الجزء السابعه والعشرين بقلم هويدا زغلول

من كده انا جاهز وانتم جاهزين ما فيش زعل التاخير انا كنت عايز بعد ما شمس كده تقوم بالسلامه وتقدر تمشي على رجليها نعمل فرحنا
دياب
ليه السرعه دي انت لسه خاطبها ما بقالكش اسبوعين عايز تتجوزها في خلال شهر ليه ان شاء الله الناس تقول عليها ايه
القناوي
ناس مين بس يا دياب اللي بتتكلم عنهم
دياب
الناس لما تلاقيها اتخطبت بقى لها اسبوعين واتجوزت في خلال شهر ولا اثنين يقولوا فيها حاجه بقى علشان كده جوزناها
سلطان
حاسب على كلامك يا دياب وبعدين مش كل الناس بتفكر التفكير المتخلف بتاعك ده احنا عائلات مرموقه واغنيه مش محتاجين نجهز نفسنا علشان خاطر نستنى سنه ولا اثنين
دياب
انا ماشي اعملي اللي انتم عايزينه اتحرقوا كلكم
دياب خرج من المستشفى متعصب وسلطان ضحك
ما كنتش متوقع انه هيتعصب قوي كده
القناوي
معلش يا ولدي هو ما يقصدش
سلطان
يا قناوي بيه انا حكيت كل حاجه لشمس تقدر تتكلم على راحتك
شمس
ما كنتش اتوقع يا جدي انك تخبي عني حاجه زي دي مش كان المفروض تقول لي
القناوي
معلش يا شمس كنت عايزكم تقربوا من بعض بما ان الغبي الثاني مش عايز يتكلم قلت اخليه يتكلم ڠصب عنه وخلاص فاضل على الرز تكه ويستوي
سلطان
لا هو استوى خلاص وحاسس انه هيبدا يخطط لحاجه دياب علشان ېخرب الجوازه
شمس
طب احنا هنعمل ايه يا جدي
القناوي
نسيبه اسبوعين كده يتبهدل فيهم علشان يتعلم ان الله حق ويندم على كل اللي عمله معاكي واسلوبه وطريقته معايا ومعاكي وانه دخل الحربايه بسنت دي علينا انا حفيدي ده ما عرفتش اربيه ودلوقتي هربيه من اول وجديد
شمس
بس كده ممكن يزعل لو عرف ان احنا كنا بنضحك عليه يا جدي
القناوي
ما يعرف احنا هنخاف منه ولا ايه انا عايزك تبقي جديده معايا شمس عايزك تحسسيه في كل لحظه انك مش طايقاه ومش عايزاه وانه خسرك خالص وانك هتتجوزي سلطان وانك بقت مشاعرك بقت تتحرك ليه وانك موافقه على جوازك منه مش اجبار عايزه يندم في كل لحظه
شمس
حاضر يا جدي اللي تشوفه انا هعمله
سلطان
خلاص اتفقنا انا هروح دلوقتي على شغلي ويبقى لنا كلام ثاني بعد اذنكم
خرج سلطان والقناوي قرب من حفيدته وقال
انا بعمل ده كله علشان مصلحتك يا شمس انا عارف انك رايده وبتحبيه بس البعيد حمار كان لازم حاجه تحركه لو كنت اعرف انه هيتعلم الادب لما يعرف انه ممكن يخسرك كنت عملته من زمان
شمس
ربنا يخليك ليا يا جدي وما اتحرمش منك وصل انت الخير والبركه في حياتنا
القناوي
ويخليكم ليا يا بتي انا ما ليش غيركم في الدنيا وعايزه اطمن عليكم قبل ما اروح وقابل وجه كريم واهاليكم يسالوني عنكم عايزه ارد وانا مطمن
شمس
بعد الشړ عليك يا جدي ده انت هتشوف عيال عيالنا واتجوزهم كمان ان شاء الله
القناوي
هناخد زماننا وزمان غيرنا خلاص العمر
راح يلا انا هسيبك ترتاحي دلوقتي وهروح على الشغل عند دياب
شمس
ليه يا جدي
القناوي
الشغل فوق راسي وانا ما بقيتش حمل الشغل عامر كان بيعمل كل حاجه بنفسه هروح لدياب يدير الشركه لغايه عامر يرجع
شمس
ربنا معاك يا جدي مع السلامه