العنيده وعمده الصعيد الجزء السابعه والعشرين بقلم هويدا زغلول

الحلقة السابعة و عشرين
من العنيدة و عمدة الصعيد
ثريا
في دي معاك حق بصراحه هم ولاد اصول وساعدوكوا وقفوا جنبك وعندهم استعداد يساعدوك كمان لو طلبت
سلطان
اللي انا بقوله ياما هم ناس محترمين لو ما حصلش نصيب انا بنفس اللي هتكلم مع حج قناوي هنخلص الموضوع ما بينا
ثريا
اللي تشوف يا ولدي قوم يلا ريح لك كم ساعه انت ما نمتش من امبارح
سلطان
حاضر ياما بالاذن
ثريا
اتفضل يا ولدي ربنا يريح بالك
ثاني يوم في القسم كان علي قاعد مع سيد
علي
بتبيع صاحب عمرك علشان كم جنيه ازاي قدرت تعمل كده ده انا بحكي لك كل اسراري تقوم تبعني يا سيد طلعت قليل الاصل وواطي

سيد
من غير ما تغلطي يا علي انا قلت لك كم مره بطل اللي بتعمله ده وانت اللي رفضت جالي مصلحه جامده من وراك اقول لها لا انت عارف دفع فيك كم 3 مليون جنيه وانا معيش 3000 جنيه على بعض عايز ايه بقى سيادتك اغطي عليك واخسر 3 مليون جنيه انت اللي جبته لنفسك يا علي مش انا السبب لو كنت سبت اللي انت بتعمله ما كنتش انا قدرت افتن عليك وتتحبس دلوقتي
علي
ما شاء الله والله لا وعندك تبريرات وانا بقيت السبب دلوقتي في انك تحبسني قوم غور من هنا وانا اخرج بس من هنا وهخلص عليك يا سيد مش هسيبك وهنتقل منك
سيد
مش لما تبقى تخرج الاول يا علي انت يا حبيبي ممسوك بكميه مخډرات تاخذ عليها مؤبد اذا ما كانش اعدام يعني ولو خرجت لقيتني ابقى وريني هتخلص عليا ازاي سلام
خرج سيد وعلي قال
والله لاوريك يا سيد الكلب
الصبح كانت شمس قاعده في الاوضه لوحدها الباب خبط
شمس
اتفضل ادخل
دخل سلطان
صباح الخير يا شمس كيف حالتك دلوقتي
شمس
انا بخير الحمد لله ما كنتش تعبت نفسك وجيت يا سلطان
سلطان
فين التعب يا شمس جاي اطمن عليك
شمس
سلطان انا كنت عايزه اتكلم معاك في موضوع مهم بس اتمنى تفهمني
سلطان
قولي اللي انت عايزاه يا شمس ايا كان اللي انت عايزه تقوليه انا هتفهم موقفك ما تقلقيش
شمس
انت واحد محترم وما شفتش منك اي حاجه وحشه بس انا زي ما قلت لك في الاول قلبي مع واحد ثاني ومش هقدر اكمل في الخطوبه دي وانا طول الوقت حاسه اني بظلمك وبخونك
اسفه يا سلطان بس بجد الموضوع مش في ايدي
سلطان
انا عارف يا شمس انك بتحبي دياب ومن زمان مش من دلوقتي انا اه كنت معجب بيكي وكنت عايز اطلبك بجد للجواز
شمس
تطلبني بجد يعني ايه مش فاهمه
سلطان
هفهمك يا شمس بصي يا ستي في اليوم اللي قلت لك انا عايز اكلم جدك فيه كلمته فعلا بس قال لي
فلاش باك
القناوي
انا هاجي لك بكره المكتب يا سلطان علشان نتكلم بهدوء عايزك في موضوع مهم
سلطان
هو في حاجه يكون ناوي بيه