العنيده وعمده الصعيد الجزء التالث والعشرين بقلم هويدا زغلول

على الارض وبيفكر ازاي يقنعها ويبعدها عن سلطان
في بيت احمد كان قاعد مهموم
صفيه
لغايه امتى يا ولدي هتفضل قاعد قاعده دي ما تروح شوف لك شغله اعملها بدل قعدتك في البيت زي الحريم
احمد
اشتغل ايه عند الناس ياما بعد ما كنت صاحب شركه اشتغل عند الناس انت ليه مش عايزه تساعديني اديني الذهب وانا هبقى شركتي من جديد حرام عليك ياما تسيبيني معيش قرش ومخبيه الفلوس والذهب عني
صفيه
هو اللي هنعيده نزيده يا ولا قلت لك معيش حاجه اقول لك روح لمراتك خذ الذهب ڠصب عنها وابدا شغلك زي ما انت عايز
احمد
ده عقاپ ربنا ليا والله علشان ظلمت رضوى اتبهدلت من بعدها ياما وانت السبب لولا انك امك كنت خلصت عليك والله
صفيه
عايز تخلص على امك قدرت تقولها يا ولا اخص عليك وعلى تربيتي ليك ويا اخويا ما تتحمقش قوي كده انت اللي خربت حياتك بنفسك انت اصلا كنت متجوز عليه عاجلا ام اجلا كانت هتعرف انك متجوز انا يا دوب عرفتها الباقي كله انت اللي عامله
احمد
ماشي ياما انت معك حق انا اللي غلطان واستاهل كل اللي يجرالي انا رايح لعايده
صفيه
روح يا اخويا ربنا يعينك
خرج احمد وراح عند عايده ودخل بالمفتاح ولكن سمع صوت ضحكها وصوت راجل غريب دخل بسرعه زي المچنون وكانوا الاثنين في وضع مش كويس
احمد
بټخونيني يا زباله انا اللي لميتك من الشارع بټخونيني
عايده
احمد انا اسفه صدقني ما حصلش حاجه
احمد
لا ما هو واضح انا فعلا ما حصلش حاجه ده انا هخلص عليكم انتم الاثنين
وفعلا احمد قرب من الراجل ومسك من رقبته وخنقوا والثاني حاول يدافع عن نفسه ولكن كان احمد اقوى منه اما عايده حول تهرب امسكها من شعرها وهي صړخت ولكن احمد خنقها زيه لغايه ما روحها طلعت
احمد قاعد على الارض وكان الجيران سمعوا صرخها واتصلوا بالبوليس وبعد نص ساعه جم وقبضوا على احمد اللي ما انكرش عملته واخذوه على القسم وعايده والراجل اتنقلوا على المشرحه
في بيت فاطمه كان علي واقف بيخبط خرجت جارتها وقالت
انت مين وعايز ايه يا استاذ كل يوم تيجي تخبط وتعمل دوشه
علي
فين فاطمه اللي قاعده هنا
جارتها
دي مسافره بقى لها يجي اسبوع ونص اهو جاء واحد كده من اسبوع ونص وقفلها بالعربيه وخرجت له بشنطه الهدوم ما حدش عارف يا اخويا راحت فين
علي
واحد مين يا ست انت شكله ايه
جارتها
يا اخويا وانا ايش عرفني شكله ايه هو انا هدقق فيه هي انا شايفاها راكبه عربيه واحد شكله مريش كده وابن ناس خدت شنطه هدومها من هنا وركبت بس جينا للحق كان معاهم البت شمس الدكتوره
علي
شمس
علي خرج زي المچنون على بيت شمس والغفير قال له
انت عايز ايه يا استاذ
علي
انا عايز الانسه شمس لو سمحت محتاج اقابلها ضروري
الغفير
الانسه شمس مش موجوده