العنيده وعمده الصعيد الجزء التالث والعشرين بقلم هويدا زغلول

جايه هنا عايزه اقف لوحدي اتفضل مع السلامه
دياب
لا مش همشي يا شمس انا عايزه اتكلم معاكي لو ما اتكلمتش هيجرى لي حاجه
شمس
تتكلم معايا في ايه هو في حاجه بينا عشان تتكلم معايا فيها اتفضل بقى روح وسيبني في حالي
دياب
ايوه في يا شمس حاجات كنت غبي فيها وما قدرتهاش وهي بين ايدي وجاي اخد بالي منها بعد ما راحت من ايدي انا كنت اغبى واحد في الدنيا يا شمس ودلوقتي ندمان على اللي عملته
شمس
انت بتتكلم عن ايه دي بلاش الغاز اتكلم بصراحه انا مش ناقصه
دياب
انت كنت في ايدي وانا اللي سبتك تروحي كنت هتبقي لي وعلى اسمي وانا اللي بغبائي ضيعتك كنت بتجري ورايا وبتحبيني وانا اللي بايدي طفيتك لغايه ما رحت تتخطبي قدام عيني لسلطان عرفت وقتها اني خسرتك عرفت ان اني حبيتك لما الغيره خلصت علي وانا شايفك معاه ماسك ايدك بيكلمك في كلام حب بيبقى نفسي اخلص على نفسي من الۏجع اللي حاسس بيه
شمس
الكلام ده ما عادش منه فايده خلاص كل واحد ماشي في طريق يا ولد عمي هو احنا الاثنين طرقنا مختلفه وانا دلوقتي مخطوبه لسلطان وكلها سنه وهتجوزك ما فيش داعي على الكلام اللي زي ده
دياب
سلطان ما يستهلكيش وبعدين انت بتحبيني انا تقدري تسيبيه ونتجوز انا وانت زي ما كان جدي عايز
شمس
لا يا دياب انا مش هظلم حد معايا انا كنت بين ايديك وانت اللي رفضت كنت بحبك وانت برده اللي رفضت واهنتني ونزلت من كرامتي ياما علشانك بس انت ما كنتش بتقدر ده بالعكس كنت بتزيد فيها وبتجرحني اكثر يمكن ما حبتش سلطان لسه بس سلطان قلبه طيب مع مرور الوقت هحبه وهنساك تماما
دياب
حرام عليك يا شمس انا بحبك ليه بتعملي كده ليه تجرحيني وټجرحي نفسك يا بنت الناس وبعدين انت مش هتظلمي سلطان عادي اثنين ما توافقوش سوا
شمس
لا يا دياب وبعدين بتحبني منين وسبت بسنت لسه قاعده في البيت لغايه دلوقتي ولا ناوي تتجوزنا احنا الاثنين
دياب
لا انا قلت لها تمشي وهي فعلا هتمشي بس مستنيه شهر لغايه ما تدبر امورها وتلاقي مكان تقعد فيه
شمس
وكمان اتخليت عنها بعد ما خليتها تسيب جوزها علشان خاطرك قد ايه انت غدار يا دياب
دياب
انا مش غدار يا شمس انا اكتشفت اني ما حبيتهاش وحبيتك انت بس ما كنتش عايز حد يختارك ليه كنت عايزه اختار انا بنفسي علشان خاطري يا شمس اديني فرصه ثانيه
شمس
ما عادش فرص يا دياب الفرصه بتيجي للبني ادم مره واحده وانت الفرصه كانت عندك مره واثنين وثلاثه بس انت اللي رفضت يبقى خلاص يا ولد عمي انت ابن عمي وبس وما لكش اي صفه تاني لا نسيت واخويا كمان بعد اذنك
شمس سابته ومشت وهو قعد