العنيده وعمده الصعيد الجزء السادس عشر بقلم هويدا زغلول

وراها وهتخاف كل ده يروح يبقى ما فيش غيرك انت اللي يعمل عامله زي دي
صفيه
حتى لو هي پتخاف على مصلحتك ده كيد نسا تلاقيها غارت ولا حاجه وراحت بعتها لها وقايله لها من رقم غريب
احمد
وانت ايه اللي اعرفك بقى انه من رقم غريب مش يمكن باعته لها من رقمها
صفيه
اها اه ممكن برده انا بخمن معاك يا ولدي
احمد
انا مش عارف ليه انت بصره تخربي حياتنا اذا كنت انا ولا ياسمين مش عارف ليه بتحبي تقلبي البيت وتخربيه قلت هاجي اقعد عندك يومين ما قلتش لا بس يحصل كل ده واخسر كل حاجه ليه كده هو انا مش ابنك مش پتخافي على مصلحتي
صفيه
والله يا ولدي انا كنت عايزه اغيظها بس ما كنتش اعرف ان ده كله هيحصل اقسم لك بالله يا احمد
احمد 
انا مش عارف اقول لك ايه انت ام انت
قال كلامه وخرج
صفيه
هو انا عملت ايه يعني ده كله حق عليا خلصته منها
في بيت سلطان كان قاعد القناوي وشمس وسالم وسلطان وام سلطان
ام سلطان ثريا
ما شاء الله يا شمس يا بتي انت كيف البدر المنور
شمس
متشكره حضرتك ده من ذوقك
ثريا
انا مش بجاملك يا بتي انا بقول الحقيقه قولي لي بقى تشربوا ايه على ما الوكل يتحضر
شمس
ما فيش داعي تتعبي نفسك
القناوي
ايوه بعدين نبقى نشرب اللي احنا عايزينه
سالم
خليها بعد الغداء احنا كده كده هنطول في القعده النهارده ما جبتش دياب ليه معاكي يا حاج وعامر
القناوي
عامر مسافر بكره وبيجهز نفسه هيسافر امريكا وسلطان عنده شغل في الشركه علشان كده ما قدرش يجي قلت اجيب شمس واجي لك انا وهي
سالم
الدار نور بوجودكم يا قناوي بيه
القناوي
تسلم يا سالم عامل ايه يا سلطان في شغلك سددت القروض اللي عليك ولا لسه
سلطان
الحمد لله يا حاج سددت ما عادش غير حاجات بسيطه وقريب اسجلهم هو انا خلاص ربنا بيفرجها عليا وهسدد اللي عليا حاجه في حاجه
القناوي
براحتك يا ولدي انا مش مستعجل عليهم على الاقل من مهلك
ثريا
وانت بقى يا شمس اشتغلت في مصر ولا لا يعني سمعت انك واخده شهاده الدكتوراه من القاهره
شمس
اتعينت في القاهره شهرين وبعدين نقلت على الصعيد
ثريا
وتفكيرك اتغير لما قعدت في القاهره ولا زي ما انت على التفكير الصعيدي بتاعنا
سالم
ايه اللي عم تقوليه ده يا ثريا
شمس
لا عادي هو مش بالبلد التفكير بيتغير كل ما الانسان بيتثقف كل ما تفكيره بيتغير ما لهاش علاقه بالمحافظات يعني ممكن انسان يبقى جوه البلد هنا وتفكيره يتغير كلي
ثريا
معك حق يا شمس انت بقى ماسكه مزرعه جدك بس ولا بتشتغلي في اماكن ثانيه
شمس
لا بشتغل في اماكن تانيه بس على حسب ما بطلب
سالم قرب من مراته وقال
اسكتي شويه انت ايه فاتحه تحقيق مع البت سيبيها في حالها
سلطان 
متشكرين على علاج يا دكتوره بعثت العلاج ونسيتي تبعتي معاه