العنيده وعمده الصعيد الجزء السادس عشر بقلم هويدا زغلول

عليك
رضوى
انا لا عندي قلته لك انا مش ماشيه من هنا غير وبناتي في ايدي
احمد
يبقى انت طلبتيها ونولتيها
احمد قرب منها ومسكها من طرحتها وشدها وطلعها بره البيت
احمد
لو شفت وشك هنا تاني انت حره وابقي وريني بقى اهلك هيعملوا ايه
احمد دخل وقفل الباب وهي فضلت تخبط كثير
وفي الاخر روحت وهي مڼهاره لجدها اللي ما كانش موجود وكان عند سلطان هو وشمس
دياب
مالك يا رضوى ايه اللي حصل انت كنت فين اصلا
رضوى
الحقني دي احمد متجوز عليا ومراته حامل وخد مني البنات ومش راضي لا يطلقني ولا يديني البنات وطردني في الشارع وشدني من شعري وقال لي انا اتجوزتك بس علشان خاطر الفلوس وعلشان المكانه اللي احنا فيها
دياب
خليكي هنا خدي بالك منها يا بسنت ما تقلقيش يا رضوى بناتك هيبقوا عندك دلوقتي
دياب خرج بسرعه ورضوى قعدت ټعيط وبسنت قربت منها
اهدي يا حبيبتي اكيد دلوقتي دياب هيجيب البنات ما تزعليش نفسك ده ما يستاهلش ولا دمعه من اللي انت بتنزليها عليه
فضلت بسنت تهدي فيها عند دياب خبط على احمد واول ما دخل اټهجم عليه
احمد
انت ازاي تتجرا تمد ايدك علي انت اټجننت
دياب
انت لسه ما شفتش جنان يا احمد الجنان لسه ما بداش كل اللي انت فيه ده من خيرنا وانا هربيك من اول وجديد وهعلمك اللي امك وابوك ما اعرفوش يعلمه لك ودلوقتي انا هاخد بنات اختي
ولو نطقت بحرف واحد انت حر
صفيه
هو ايه شغل بلطجه ابعد عن ابني يا مچنون انت ده انا هبلغ عليكم البوليس
دياب
بلغي مستنيه ايه ما انا واقف مستني ولا مفكراني زي ابنك جبان وهرب انا واقف مستني ما بيهمنيش حد لا حكومه ولا غيره واضح انك ما تعرفينيش كويس بس ابنك عارف انا في ايدي اعمل ايه اسماء يا ندى
نزلوا البنتين وهم خايفين
دياب
اخرجوا استنوني بره بسرعه يلا
احمد
اياك واحده فيكم تخرج
البنات كانوا مش عارفين يعملوا ايه دياب قرب منهم مسك ايديهم واخذهم بالعافيه خرجهم ودخلوا تاني
دياب
انت فتحت على نفسك ڼار جهنم وخلي اللي اتجوزتها بقى تنفعك وتصرف عليك لانك مش هتبقى تلاقي اللقمه
قال دياب كلامه وخرج وصفيه قالت
هنعمل ايه يا ابني دلوقتي ده شكلهم ناويين على غدر ومش هيسكتوا
احمد
وانا مش هسكت انا كمان ومش هسيب وطلاق مش هطلقها وهنشوف بقى مين فينا اللي هيضحك في الاخر
صفيه
رايح فين بس يا ضنايا
احمد
سيبيني في حالي بقى ياما
كان هيخرج بس وقف فجاه وقال
انت اللي قلت لرضوى ان انا اللي متجوز عليها ياما
صفيه
معقول انا اقول حاجه زي دي لا طبعا استحاله هو انا يا ابني ارضى لك الخړاب يمكن مراتك هي اللي قالت لها مش بتقول صاحبتها
احمد قرب من امه وقال
انا متاكد ان انت اللي قلت كده يا اما عايزه استحاله تتكلم لانها عارفه كويس قوي اللي بكسبه من