العنيده وعمده الصعيد الجزء الثامن بقلم هويدا زغلول

شويه. 
سالم
اتفضل يا ولدي
طلع سلطان اوضته وشاف رساله من شمس وهي بتقول
اعتذارك مقبول
سلطان بعت
كيفك يا شمس اوعي تفكر اني بعثت لك علشان خاطر اضايقك ولا حاجه
شمس
لا ما فيش حاجه يا استاذ سلطان انا خابره انت ليه بعثت الرساله وقلت لك اسفك مقبول
سلطان
عرفت اللي جدك عملوا معايا ولا لا
شمس
تقصد ايه يا استاذ سلطان مش فاهمه قصدك
سلطان
يعني انه رجع لي الارض اللي كتبتها باسمك رغم اني رفضت بس هو اللي اصر
شمس
جدي بيشوف المناسب ويعمله انا ما اقدرش اقول له حاجه وهو مش لازم ياخذ رايي في حاجه زي دي مش فارقه يا استاذ سلطان
سلطان
طيب يا شمس بلاش كلمه استاذ دي ما انا بقول لك يا شمس قولي لي يا سلطان على طول
شمس
بقول لك ايه انت تناديني بدكتوره شمس وانت استاذ وبعدين ما تكلمنيش اساسا احنا بنتكلم ليه مع السلامه
سلطان
اسمعيني بس بلاش السرعه بتاعتك دي كنت عايزك في موضوع مهم
شمس
ايه هو بقى الموضوع عارف لو طلعت حاجه ملهاش لازمه
سلطان
عايزك تيجي تعالجي المواشي اللي عندي في كذا واحده تعبانين تيجي تطلي عليهم
شمس
ليه مفكرني مجنونه هاجي لغايه عندك
سلطان
اللي حصل حصل وانا اعتذرت وندمت عليه وانا احتمال اعمل لك حاجه يعني بالذات بعد كل اللي عملوه اهلك معايا
شمس
بقول لك ايه شوف دكتوره تانيه غيري انا مش جايه في حته
سلطان
انت عارفه الظروف اللي انا فيها دلوقتي وان المصاريف على القد واقل دكتوره هتاخد قد كده لكن انت هتقدري تستحملينا وتصبري علينا حبابه
يرضيك يعني المواشي يحصل لها حاجه بكماله الخړاب
شمس
انا هستاذن جدي الاول وبعدين ابقى ارد عليك تصبح على خير
قفلت شمس الرسائل مع سلطان
وتاني يوم الصبح صحيت شمس وفاطمه شمس رجعت على بيتها وفاطمه راحت على شغلها
في بيت شمس
شمس
صباح الخير يا جدي صباح الخير يا دياب
القناوي
صباح النور يا بتي وشك منور النهارده يعني على غير العاده خير
شمس
ما فيش حاجه يا جدي بس فاطمه جالها فرصه حلوه انها تسافر بره مصر وانا فرحانه لها بصراحه
القناوي
قصدك هتسافر مع عامر وافقت يعني
شمس
انا اللي اقنعتها توافق يا جدي كنت كمان عايزه اقول لك على حاجه واخذ رايك فيها
القناوي
طبعا يا بتي قولي فيها ايه
شمس
بصراحه امبارح سلطان بعث لي رساله اعتذار وانا قلت له اعتذارك مقبول فقال لي انا عايزك تيجي تشوفي المواشي اللي عندي لانها تعبانه وان هو معهوش فلوس كثير يقدر يعالجهم وقال لي اني استحمله في الفلوس واشوف له علاج للمواشي ايه رايك يا جدي
دياب
طبعا ارفضي هي محتاجه كلام هو بيستعبط هو ليه عين كمان يطلب حاجه بعد اللي عمله وبعدين كفايه مساعدتنا ليه كمان هنعالج له المواشي
القناوي
في ايه يا دياب انت اټجننت ولا ايه الراجل قصدها في خدمه واحنا لازم نقف جاره اسكت انت وما لكش دعوه بالموضوع ده خلاص