العنيده وعمده الصعيد الجزء الثامن بقلم هويدا زغلول

احنا بمعرفتنا ودي مكسبها عالي انا عامل دراسه جدوى وان شاء الله كل حاجه تمشي زي ما انا مخطط لها
دياب
ان شاء الله ربنا معاك
عامر
مالك يا دياب حاسك مهموم ومتضايق في ايه
دياب
ما فيش حاجه يا عامر بس شويه مشاكل في الشغل وهتعدي.
عامر
لا يا دياب مش مشاكل في الشغل احكي لي يمكن اقدر اساعدك
دياب
مش عارف حاسس بشعور وحش ما اعرفش ايه سببه بقول لك ايه يا عم انا مش قادره اتكلم اصلا انا هقوم اروح
عامر
خلاص يا دياب اللي انت رايده خد بالك على نفسك انا ورايا كذا مشوار كده هروح وبعدين هروح
دياب
تمام تيجي بالسلامه
دياب سابو وركب عربيته ومشي اما عامر تليفونه رن وكانت فرحه قفل الخط ولكن رنت اكثر من مره رد
عامر
انت عايزه ايه انا مش قلت لك ما تتصليش بيا وصل ما عم تفهميش ولا ايه
فرحه
ليه بتعاملني كده يا عامر انت عارف اني بحبك
عامر
وانا قلت لك 100 مره انا ما بحبكيش اغنيها لك يعني يا فرحه روحي شوفي حالك يا بنت الناس بعيد عني انا مش رايدك ما تتصليش علي واصل
فرحه
ارجوك يا عامر ما تقفلش الخط اسمعني عشان خاطري
عامر
يعني انا بعد ما اسمعك مش هتتصلي تاني يا فرحه
فرحه
ڠصب عني يا عامر ما تعرفش حبك عامل في قلبي ايه لو ما كلمتكش قلبي عامر يوجعني ارجوك يا عامر اديني فرصه واحده نقرب من بعض
وانا متاكده انك هتحبني زي ما بحبك بالضبط بلاش تبعدني عنك يا عامر
عامر
ارجوك يا فرحه ما تحرجنيش اكتر من كده انت تستاهلي واحد احسن مني 100 مره بس مش انا بكره ربنا يبعث لك ابن الحلال اللي يصونك وتحبيه انت ما بتحبنيش انت موهومه انك بتحبيني
فرحه
هو انا عيله علشان اتوهم وبعدين هتوهم ليه
عامر
وهتحبيني ليه وانت اصلا ما شفتنيش غير مرتين على بعض ومن بعديها وانت طول الوقت بتحاولي تجري ورايا ارحميني اسمعيني يا بنت الناس انا مش هقدر اديكي فرصه انا بحب واحده تانيه قلبي محجوز لواحده غيرك
فرحه
كيف يعني وحبيتها امتى خالتي ما قالتليش حاجه زي دي وبعدين انت بتحبني انا مش هي ومين البنت دي
عامر
هي مين ما تخصكيش يا فرحه وامي نفسها ما تعرفش فيا ريت تخليكي في حالك وتبعدي عن حياتي بقى وشوفي حالك بعيد عني
عامر قال كلامه وقفل السكه وهي قالت
هعرفها يا عامر وساعتها مش هسيبها في حالها وهحرق قلبك عليها كمان
في بيت سلطان
سالم
عملت ايه يا سلطان سددت نص الفلوس
سلطان
ايوه يا بوي وديتهم البنك وبعت الارض ب 2 مليون وخدت ال 5 مليون من دياب ادي 7 مليون لسه 3 مليون مش خابر اجيبهم منين دول
سالم
هتدبر يا ولدي انت بس ما تقلقش قول يا رب وربنا هيقف معانا
سلطان
ان شاء الله يا بوي انا هدخل اوضتي ارتاح