العنيده وعمده الصعيد الجزء السابع بقلم هويدا زغلول

طلعت الملف علشان تشتغل ولقيت عامر داخل وقال
السلام عليكم
فاطمه
عليكم السلام يا استاذ عامر
عامر
تعالي ورايا على المكتب يا انسه فاطمه عايزك في موضوع مهم
فاطمه
حاضر يا فندم
دخل عامر المكتب ودخلت وراء فاطمه
عامر
بصي وركزي معايا يا فاطمه في شغل بره مصر خالص والمفروض ان السكرتيره الشخصيه هي اللي هتبقى موجوده معايا فانت ايه ظروفك
فاطمه
يعني ايه اسافر بره مصر وليه
عامر
مش انت السكرتيره الخاصه هنا يا فاطمه
فاطمه
ايوه يا فندم بس ما اعتقدش ان السكرتيره بتسافر مع مديرها وبالذات بلاد بره مصر
عامر
لا ازاي لو كنت درستي سكرتاريه كنت فهمتني كويس شوفي انت عرفت طبعا ان احنا خسرنا 10 مليون جنيه الصفقه اللي كنا داخلينها انا هروح هناك هعمل تعاقد مع شركه اجنبيه هناك والشركه دي مضمونه ومن الطبيعي ان المدير لما يسافر بيبقى واخد السكرتيره بتاعته معاه ما انت اللي هتجهزي الورق والمواعيد وكل حاجه
فاطمه
بصراحه مش عارفه يا فندم انا عمري ما سافرت بره الصعيد اصلا مش بره مصر
عامر
طب انا هقول لك حاجه انت قدامك يومين تفكري فيهم زي ما انت عايزه علشان بعد كده تعرفيني علشان اطلع لك تاشيره وباسبور وتقدري تسافري معايا بس يا ريت ترد عليا في اقرب وقت علشان مش قدامي غير اسبوع واحد
فاطمه
حاضر يا فندم تؤمرني باي حاجه ثانيه
عامر
لا تقدري تتفضلي انت
فاطمه
طب هو احنا لو سافرنا هنفضل هناك قد ايه
عامر
مش اقل من شهر ونص يا فاطمه
فاطمه
تمام شكرا يا فندم بعد اذنك
خرجت فاطمه وهي مش عارفه توافق ولا ترفض
في بيت القناوي كان قاعد سلطان وسالم ودياب
سلطان
انا دمي محروق مش فاهم ازاي يتضحك علينا بالمنظر ده
دياب
خلاص يا سلطان ربنا هيعوضك غيرهم
سلطان
ونعم بالله بس انا عليا ديون هسددهم ازاي دول ده انا واخد قروض بال 10 مليون دول على اساس ان الصفقه تنجح وهكسب ضعفهم ده انا كده هتحبس
دياب
احنا ممكن نساعدك في نص المبلغ وابقى سدده على مهلك
سلطان
لا طبعا انا ما اقبلش حاجه زي دي
القناوي
ما تتكلم يا سالم احنا مش بنقول له خدها لله احنا بنقول له سلف لما ربنا يكرمه يسددهم ثاني
سالم
عداكم العيب يا حج اسمع الكلام يا سلطان هبيع الارض واكمل لك الباقي الفلوس وان شاء الله خير يا ولدي وربنا هيعوضنا
القناوي
لا الارض اللي كتبتها شمس هنديها لك تاني انتوا دلوقتي في وقت حرج وكفايه انه طلعتوا قد كلمتكم وكتبتوا الارض ليه انا اصلا عملت لكم التنازل امسك دي العقود
سلطان
لا بس انا خلاص كتبتها باسم ازاي بس دلوقتي تديهاني يا حاج الله يهديك انا مش هاخد حاجه
القناوي
انت عارف كويس ان مش محتاج ارضك يا سلطان انا عملت كده علشان اادبك واعرفك ان اللي عملته غلط وكده كده كنت ناوي ارجع لك الارض دي ثاني انا ما اقبلهاش انا عشان اخليك ټندم وما