العنيده وعمده الصعيد الجزء السابع بقلم هويدا زغلول

عايز يتحكم فيا وفي تصرفاتي
عايده
طبعا لازم تبقي شديده معاه مش لازم يمشيكي على مزاجه يعني موضوع زي اللي انت حكيتي لي عنه البنت اللي عايزك تبعدي عنها مش من حقه يقول لك ابعدي انت ليكي حريه الاختيار تصاحبي مين وما تصاحبيش مين بس زي ما انت قلتي عايز يفرض سيطرته وخلاص
رضوى
انا مش عارفه اعمل ايه يا عايده حاسه ان احمد متغير معايا مش حساه زي الاول كان طول الوقت بيتمنى انه يرضيني دلوقتي طول الوقت عايز يتخانق معايا
عايده
يا حبيبتي اول الجواز حاجه ولما يعدي فتره على الجواز وتخلفوا حاجه ثانيه ايه المشاكل بتكتر والمشاغل بتكتر ما بتبقوش زي الاول ده الطبيعي يعني اساليني انا
رضوى
هو انت اتطلقت ليه عادي رغم انك مهتميه بنفسك جدا وست شيك واسلوبك حلو
عايده
اصل الباشا كان غاوي لعب قمار وكان بيشغلني علشان خاطر اصرف على لعب القماړ بتاعه قلت ما بديهاش بقى اطلق واخلص وانا كده كده بصرف عليه يبقى اصرف على نفسي اولى
رضوى
معاكي حق فعلا بس اهلك سكته ووافقوا انك تطلقي
عايده
انا اصلا في اول الجواز ما كنتش موافقه على العريس ده واهلي اللي اجبروني اتجوزه علشان يخلصوا مني ومن الهم اصل انا عندي اربع بنات كمان اخواتي غيري وكلهم كانوا محتاجين يتجهزوا ويتجوزوا في اول عريس دق الباب ابويا وافق عليه
رضوى
بس ده حرام ومعنى كلامك انه اكيد ما وافقوش على الطلاق بسهوله لانك هترجعي لهم وانت مطلقه
عايده
ما انا قلت لهم انا هعيش في شقه لوحدي وهصرف على نفسي ومش محتاجه لحد انا كده كده بصرف على نفسي ولغايه دلوقتي اجرت لي شقه وقعدت فيه وهم بيجولي كل فتره يزروني وخلاص
رضوى
ربنا يعينك يا عايده انت واحده طموحه ومكافحه وربنا هيكرمك
عايده
يا رب يا حبيبتي ربنا يسمع منك
عايده لسه هتكمل كلامها شافت احمد داخل وكان باين عليه الضيق
احمد
السلام عليكم
عايده ورضوى
وعليكم السلام
عايده
طيب يا رضوى انا همشي انا بقى دلوقتي علشان ورايا شغل بالاذن
رضوى
ما تقعدي يا بنتي اتغدي معانا
عايده
الف هنا على قلبكم معلش هبقى اجي لك وقت ثاني يلا سلام
خرجت عايده من البيت واحمد قال
هو انا مش قلت لك قولي لي علاقتك بيها تقومي تجيبيها البيت هو ده اللي هتسمعي الكلام يا رضوى طب على الاقل قدريني بلاش انا قدري جدك واخوك اللي جم واتكلموا معاكي
رضوى
وانا عملت ايه لده كله يا احمد صاحبتي وجايه تقعد معايا شويه اقول لها لا ما تجيش
احمد
انا بجد ما بقيتش طايق العيشه دي ما فيش مره تسمعي الكلام من غير تجادليني وتعانديني انا زهقت
رضوى
زهقت من ايه هو انا بقول لك تكلم مين وما تكلمش مين مش من حقك تتحكم في حياتي ولا تصرفاتي
احمد
مش من حق جوزك امال من حق مين تقدري تفهميني يا هانم واضح اني
اتسهلت معاكي جامد عشان كده سايقه فيها
رضوى
ما تتكلمش معايا بالاسلوب ده يا احمد
احمد
انا مش هتكلم معاكي خالص وسايبها لك وماشي
وفعلا احمد خرج بره البيت وهو متعصب ورضوى قعدت ټعيط