وحش الصعيد الجزء الثاني

هناك
قاسم
مشيت كيف يعني وازاي تمشي من غير ما تقول لنا هي وكاله من غير بواب ولا ايه
صباح
والله يا قاسم بيه ورد ما هيش شغال هنا ورد كانت عايشه معايا زي ما كانت عايشه مع امها الله يرحمها مش معنى انها عايشه معايا انها خدامه هنا انتم لما بتطلبوا منها حاجه ما كانتش بتكسفكم وبتعملها لكن حضرتك زودتها قوي يا قاسم بيه لغايه ما خليتها تمشي من البيت
قاسم بعصبيه
انت مش عارفه كمان خليها تغور من اهنا مش فارق معايا
عبد الغني
ممكن حد يفهمني حصل ايه علشان كل ده هيحصل احكي لي صباح
صباح حكت له كل حاجه عملها قاسم وعبد الغني قال
خلاص سيبيها ترتاح في بيت خالها كم يومك ده وبعدين ترجع تاني لما تهدى وهي ما لهاش علاقه بشغل البيت ما تزعليش نفسك انت فضلك علينا كبير يا صباح
صباح
ما فيش داعي ترجع يا عبد الغني بيه كده كده ابن اخويا يريدها للجواز واكيد في الفتره الجايه يتقدم ليها ويتجوزها وما تجيش هنا تاني
قاسم
تتجوز امال كليه ايه اللي عايزه تكملها
صباح
عادي يا قاسم بيه ابن اخويا هيخليها تكمل تعليم بعد الجواز
قاسم قام بعصبيه وخرج بره من غير ولا كلمه
عبد الغني
حقك عليا يا صباح انا عارف انك متضايقه من اللي عمله قاسم بس انا مش عارف هو بيعمل ليه كده
صباح
ما فيش داعي ليه اسفك انت ما لكش ذنب يا عبد الغني بيه بعد اذنك هروح اشوف شغلي
صباح دخلت المطبخ وعبد الغني راح لقاسم وكان قاعد في الجنينه
عبد الغني
ليه يا ولدي تعمل في نفسك كده دي صباح دي اللي مربياك على يدها تعاملها بالطريقه دي وكانها شغاله عندك هي اه بتشتغل وبتاخد مرتب بس دي واحده من العيله يا ولدي ما ينفعش تعاملها بالطريقه دي ولا تعامل بنت اختها بالطريقه دي واديها ريحتك وهتتجوز قريب
قاسم
تتجوز تتعلم معاش فارقه معايا وكويس انها مشت من هنا
عبد الغني
ربنا يهديك يا ولدي من شيطانك اللي مسيطر عليك انا قلت لك خليك وحش في وسط الدياب مش تضايق اللي منك واللي اتربيت معاهم انا طالع استريح يا ولدي تعبان
قاسم بقلق
اجيب لك دكتور يا جدي
عبد الغني
لا يا ولدي انا هبقى زين لما انام لي ساعتين ولا حاجه واخذ العلاج يلا بالاذن
عبد الغني ساب قاسم وطلع غرفته يرتاح اما قاسم قعد يفتكر ورد وهم صغيرين
فلاش باك
كانوا قاعدين في الجنينه تحت الشجر
طلع قاسم علبه
ورد
ايه ده يا قاسم
قاسم
تقبلي مني الهديه دي دي هديه بتاعه ميلادك بصراحه شفت الانسيال ده عجبني قلت اجيبه لك وخليتهم كمان يكتبوا اسمك عليهم
ورد
بجد مش عارفه اشكرك ازاي شكله جميل جدا بس كلفت نفسك ليه يا قاسم وجبت فلوسه منين شكله غالي
قاسم
انا حوشت وجبته لك من مصروفي ما تشيليش هم المهم البسيه يلا خليني اشوفه كيف شكله وانت لابساه
ورد لبسه الانسيال وقاسم بص لها وقال
جميل جدا بس انت اللي محلياه
ورد
قاسم قلنا ايه بلاش الكلام ده يلا انا لازم امشي دلوقتي علشان عندي درس مهم لما اجي نكمل كلام
قاسم
طيب تيجي اوصلك
ورد
امي تزعق لي خليك انت وانا هروح واجي بسرعه مع السلامه
باك
قاسم
انا اتغيرت وانت كمان يا ورده اتغيرتي وما بقيناش العيال بتوع زمان
عدى اسبوع على اخر الاحداث وكان عبد الغني وقاسم بيستعد علشان يروحوا مولد سيدي عبد الرحيم القناوي ورجو العربيه وطلعوا ووصلوا عند المفارق ونزل قاسم والجد وكان في موتوسيكل بيعدي بسرعه وماسك السلاح والجد شافه وكان هيضرب على قاسم الجد لف بسرعه وخد اكتر من طلقه مكان قاسم اللي اټصاب في بطنه وكان تعبان جدا قرب من جده وهو بيزحف المجرمين طلعوا بالموتوسيكل بسرعه..
قاسم بدموع
جدي جدي فوق انت هتبقى كويس يا جدي
عبد الغني
جيب حقي يا قاسم اوعى تسيب حقي ولا حق ابوك الله يرحمه شوف مين اللي عايز يعمل كده ويخلص عليك زي ما اخلص على ابوك يا ولدي
قال كلامه وروح وطلعت للي خلقها وقاسم اغمى عليه من التعب والاسعاف وصلت واتنقلوا على المستشفى هو وقاسم وطلع له تصريح بالډفن وكان قاسم في غرفة مڼهار
عند اسماعيل واولاده
اسماعيل وهو بيكلم واحد من المطاريد على التليفون
انت يا غبي ټضرب ابويا بدل قاسم انا
قايل لك الصغير تخلص علي ابويا و تصيب بس قاسم
يا باشا هو اللي وقف قدام الطلقه بعد ما شفنا واحنا بنوجه الطلقه على قاسم و بعدين قاسم اټصاب بطنه هو كمان يعني يمكن يودع هو الاخر
اسماعيل قفل السكه في وشه بعصبيه وقال ل نوفل
هو ده اللي اخترته يا بيه خلص على ابوي
نوفل
ابوك اللي عمل كده شافهم هيخلصوا على قاسم حماه وبعدين كده كده ابوك كان هيودع قريب ما حصلش حاجه يعني وهو قاسم في المستشفى محجوز يعني ممكن برده نبعث له اي حد يخلص ونخلص ويبقى خلصنا من الاثنين