وحش الصعيد الجزء الثاني

والخدمه في البيوت
ورد
ان شاء الله يا خالتي وانا هخرج وهدور على شغل انا عارفه خالي على قد حاله وما يقدرش يصرف على مصاريف كليتي
صباح
ما لكيش دعوه في الشغل انا عامله جمعيات علشان خاطرك وامك الله يرحمها كانت شايله فلوس معايا علشانك ما تحمليش هم يا ضنايا ايه رايك تستني للصبح وما تمشيش في الوقت ده الدنيا ليل
ورد
مش هقدر استحمل دقيقه واحده كمان في البيت خلاص كرهته ما بقتش قادره حتى اتنفس فيه بالاذن يا خاله
صباح
ربنا معاكي يا بنتي اول ما توصل رني عليا وطمنيني عنك
ورد
حاضر يا خاله بعد اذنك
خرجت ورد من السرايا وطلعت على بيت خالها حسنين وفتح ابنه مصطفى
مصطفى
ورد يا مرحب يا مرحب اتفضلي
ورد
خالي موجود يا مصطفى
مصطفى
ايوه موجود تعالي
دخلت ورد وشافت خالها حسنين
حسنين بقلق
في ايه يا ورد حوصل حاجه يا بتي
ورد
اتخانقت مع قاسم صاحب السرايا وسبت السرايا ومشيت يا خالي عارفه اني هتقل عليك اليومين دول بس انت عارف ما ليش حد غيرك اروح له
حسنين
ايه الكلام ده يا ورد البيت بيتك يا حبيبتي تقعدي فيه زي ما انت عايزه حتى لو احنا هنخرج وانت تقعدي فيه وبعدين ايه سبب الخڼاقه
ورد
رايدني اسيب الجامعه واقعد اخدمه في السرايا رغم ان انا اصلا مش شغاله فيها بس لما بيطلبوا مني حاجه بعملها وما بتاخرش
حسنين
ايه الكلام الفارغ ده معقول ما تزعليش نفسك يا بنتي خلاص ما تشيليش هم حاجه ما ترجعيش هناك ثاني وانا صباح هبقى اكلمها واطمن عليها
بت يا فاطمه خدي بنت عمتك دخليها معك الاوضه عشان تنام معاكي
فاطمه
حاضر يا يبقى ابوي تعالي معايا يا ورد
ورد دخلت معاها الاوضه وقالت لها
معلش يا فاطمه انا عارفه ان هضايقك في الاوضه شويه بس انا ممكن انام على الارض ما فيش مشكله
فاطمه
ايه الكلام ده يا ورد عيب عليك احنا اخوات يلا رصي هدومك في الدولاب على ما احضر العشا وناكله كلنا سوا
ورد
معلش يا فاطمه انا ما ليش نفس لاي حاجه انا هقعد هنا في الاوضه
فاطمه
ما فيش الكلام ده هتاكلي يعني هتاكلي مش عايزانا نكرمك ولا عايزه تعملي نفسك ضيفه انت صاحبه بيت هنا يلا رصي هدومك على ما اجي لك
خرجت فاطمه من الاوضه وقالت لابوها ومصطفى
انا هروح احضر لكم الوكل يا ابوي علشان كمان ورد تتعشى معانا
حسنين
ماشي يا بتي روحي
مصطفى بعد دخول فاطمه المطبخ قال لحسنين
بقول لك ايه يا بوي احنا هنعمل ايه في مصاريف جامعتها
حسنين
ربك يدبرها يا ولدي انا مش هسيب بنت اختي في الوقعه دي اختي الله يرحمها كان نفسي هتشوفها دكتوره وانا عايزه احقق لها الحلم ده وربنا يقدرني وحاول ادفع لها المصاريف
مصطفى
يا رب يا ابوي
بعد نص ساعه اتجمعوا كلهم على السفره
حسنين
وانت الجامعه بتاعتك دي يا حبيبتي بتروحيها كل يوم
ورد
ايوه يا خالي بروح كل يوم انا مش عايزاك يا خالي تحمل هم حاجه ولا مصاريف ولا حاجه انا كده كده هنزل واشتغل وهصرف على نفسي
حسنين
ايه الكلام الفارغ ده يا ورد تنزل تشتغلي وخالك موجود لا يا بنتي انا هعمل المستحيل علشان تكملي علامك لكن انك تنزلي تشتغلي وتمرمطي نفسك لها ما هقبلش بالكلام ده واصل
ورد
الله يخليك يا خالي ما تخلينيش احس اني ثقيل عليكم خربت لكم حياتكم انا عايزه اصرف على نفسي بنفسي وما اخليش حد يشيل همي وبعدين امي الله يرحمها كانت شايله لي قرشين اهو يسندوني على اللي هشتغل بيهم
حسنين
هي كلمه وما فيش غيرها ما فيش شغل مصاريف كليتك انا هدفعها ما تحمليش هم يلا يا حبيبتي اتعشي وادخلي استريحي شويه اكيد بعد المشاكل اللي حصلت دي تعبانه
ورد
حاضر يا خالي
وبعد العشا دخلت ورد وفاطمه الاوضه وورد نامت على طول من التعب
في اليوم التاني كان قاسم وعبد الغني جدو قاعدين على السفره
عبد الغني
كيفك يا صباح مالك قلبه وشك ليه على الصبح
صباح
ما فيش حاجه يا عبد الغني بيه انا بخير بس ما نمتش زين امبارح
عبد الغني
ربنا معاكي لو عايزه تستريحي النهارده ما فيش مشكله خلي ورد تقف مكانك
صباح
ورد مشيت عبد الغني بيه
عبد الغني
مشيت راحت الكليه بتاعتها يعني لما ترجع يا ستي
صباح
لا ورد مشيت وسابت البيت خالص علشان ما تضايقش حد بقعده