سقطت اخت جوزي

ابعتي لي اسم البرشام على الواتس دلوقتي يلا اسيبك بقا وابقي اسألي ياسهير
وعند حمات هبه قالت لابنها
الحما 
مفيش اخبار عن مراتك يايوسف ناوي تطلقها امتى بقا خلينا نخلص من الهم ده
يوسف 
انا لسه هاروح اقعد مع اخوها واتكلم معاه عشان مش ناوي اديها حاجة من الجهاز ومش هاتشوف منه حاجة
الام 
ايوه كده يايوسف هي لازم تبريك من كل حاجة ااه اوعي تديها حاجة دي متستاهلش حاجة خالص وانت اوعي تحن لها اوعي
يوسف 
ربنا يستر بقي يا امي أنا شايف 
ان كل عيل بيجي برزقه
الحما 
تاني هنتكلم في الحوار ده مش خلاص كلنا 
قفلنا ولا اي
يوسف 
خالص يا امي ارجوكي هو انتي عايزه اي حاجه 
تفتحي فيها لمشاكل ولا اي
وانا كنت في البيت لقيت الباب بيخبط فتحت 
وكانت منيره
امل 
منيره حبيبتي تعالي ادخلي والله كنت .لسه هتصل بيكي وبعدها دخلت اقعدت وقالت
منيره 
خودي يا امل جيبت لك البرشام ده عشان تديها للي تنخفي دي تحطي منه في العصير اللي هتشربة وعلطول هيجيب نتيجه
امل
انتي متأكدة ان البتاع ده هجيب نتيجة طيب هي مش هيحصل لها حاجة انا خاېفه تاخده من هنا وتروح من هنا وتجيب لي بلوه
منيرة
متقلقيش مش هيحصلها حاجة مش هي تقريبا كده في أول الشهر التالت
امل 
تقريبا كده
منيرة 
يبقا خلاص هو مجرد متاخده الحمل هينزل علطول وننفض بقا من موالها ده بلا هم بس انتي تعامليها كويس وبلاش تحسسيها انك مش طايقاها عشان تطمن لك ولما يحصل حاجة متشكش فيكي
امل
حاضر هعمل كده
ولقيت هبه جايه علينا ومنيرة قالت
منيره 
ازيك ياهبه ده لسه كنت بسال عليكي امل دلوقتي دي عماله تقولي البت هبه دي غلبانة وبنت حلال وبتدعيلك من الصبح
هبه
تسلمي يا ابلة منيرة امل دي اختي الكبيره وانا بعزها جدا
منيرة
وهي كمان بتعزك اوي دي بتقولي الحمل تاعب هبه وربنا يكملها على خير صحيح الف مبروك ياحبيبتي ربنا يكملك على خير الا صحيح جوزك مش ناوي يرجعك البيت تاني ملوش حق والله بس انا سمعت ان امه هي اللي ممشياه
هبه
ايوه فعلا امه هي اللي ممشياة وقالت له يطلقني لو منزلتش اللي بطني وهو بيسمع كلامها وعايزني انزله
منيرة
طيب ليه هي بتعمل كده مش فاهمة يعنى مع ان اي حما بتفرح لما تلاقي مرات ابنها حامل اشمعنا الوليه دي يعني
هبه
ايوه اي حما بتفرح انما دي زعلت وقالت انزله قال عشان ابنها على اد حاله ومش هيعرف يصرف عليه متعرفش ان كل عيل بيجي برزقة
منيرة
عندك حق ياهبه كل عيل بيجي برزقة صحيح انما دي هتعرف الكلام ده ازاى دي وليه حرباية وسمويه طول عمرها يلا ربنا يهديها او ياخدها وانتي ياحبيبتي ربنا يخلي لك اخوكي محمود
هبه
اه والله لوما محمود عليا معرفش كنت عملت ايه ربنا يبارك فيه ويوسع رزقه
امل
طيب وانا ياست هبه ايه مليش نصيب من الدعوات دي ولا ايه
هبه
ازاى يا امل انتي ربنا يخليكي ليا انتي اختي وحبيبتي هو انا ليا بركة غيرك
منيرة
ايوه كده ربنا يخليكم لبعض ياحبيبتي انتو ملكوش الا بعض طبعا دي امل بتحبك ياهبه اوي وبتدعيلك
هبه
ااه منا عارفة ربنا يخليها طيب انا داخله جوه اريح شوية عن اذنكم
وسابتنا هبه ودخلت ومنيرة قالت بقولك ايه انا
منيره 
همشي بقا لحسن اتاخرت على العيال وانتي اعملي زي ماقولت لك الا بالحق انا هعدي على حمات الزفته اللي جوه دي واشوف مايتها ايه من ناحيتها
امل
ماشي يامنيرة بس دي وليه سو اصلا ومش عايزه تسمع سيرتها
منيرة
يلا انا هحاول كده عشان اخليها تقول لابنها يرجعها يلا انا ماشية بقا
ومشيت منيرة وانا عملت عصير موز باللبن وحيطت في برشامة ودخلت لهبه قولت لها
امل 
خودي ياهبه عملت لك عصير موز باللبن عشان تتغذى اصلك اليومين دول خاسة ومش عجباني
هبه باستغراب
انتي عماله لي بنفسك يا امل العصير وده من امتى الحب ده كله انتي من يومين مكنتيش طيقاني
امل
ااه انتي قصدك يعنى لما اتعصبت عليكي يابت انتي قلبك اسود اوي انا بس كنت يومها زهقانه وطلعت زهقي فيكي متزعليش ده انا بحبك
هبه
ولا يهمك يا امل انتي غاليه عندي وانا طول عمري يعتبرك اختي الكبيرة عشان كده مش بزعل منك
امل
طب يلا اشربي الكوباية دي كلها يلا ياحبيبتي يلا خليكي تغذي اللي في بطنك ومن هنا ورايح انا اللي هعمل كل