سقطت اخت جوزي

شغل ايه ده اللي انتي عايزة تنزليه لا طبعا طول مانا عايش مفيش حاجة اسمها شغل انتي تعيشي في خير اخوكي وماتقوليش الكلام ده تاني بلا شغل بلا بتاع ويلا انا الحمد لله شبعت هنزل انا بقا على شغلي
وسابنا محمود ونزل راح الشغل وهبه قالت لي
هبه 
خودي يا امل الفلوس دي انا مش عايزاها اصلي هعمل بيها ايه اهم معاكي وسابتهم على ترابيزة السفرة ودخلت الاوضة
وانا دخلت اوضتي واتصلت بمنيرة اختي وقولت لها
امل 
شوفتي يامنيرة البيه جوزي عمال يدي لاخته فلوس لا وكمان بيقولها انا هطلقك من جوزك واخليكي عندي هنا واللي في بطنك ده انا متكفل بيه شوفتي الراجل ده عايز ينقطني ياختي شوري عليا اعمل ايه مع البت دي
منيرة
يلهوي جوزك ده بقا بيستهبل يا امل اسمعي انتي لازم تسقطي البت دي والحمل ينزل ااه ماهي ممكن تخلف العيل وجوزك بقا يتعلق بيه ويقوم يحن للخلفه والعيال وبعدين يقولك طالما انتي مش عارفه تجيبي لي العيل اللي نفسي فيه اطلقك واروح اتجوز عليكي
امل
يلهوي تفتكري محمود ممكن يعمل فيا كده لا لا دنا يجرا لي حاجة هو لو طلقني هاروح فين وكمان هسيب العز والهنا اللي معيشني فيهم ده عشان خاطر البت المفعوصة دي لا
منيرة
طيب خلاص يبقا تسمعي كلامي وتخليها تسقط
امل
ودي هعملها ازاى بقا قولي لي الحل ايه اذا كان هي متبته فيه ومش عايزاه ينزل
منيرة
انا هاقولك بصي انا ليا واحدة صاحبتي شغاله في عيادة دكتور نسا وتوليد انا هسالها تكون تعرف حاجه دوا من اللي بينزل الحمل اكيد هي خبرة وفاهمة كويس في الحاجات دي انا هكلمها وتقولنا نعمل ايه
امل
طيب كلميها بس اوعي تجيبي سيرتي في حاجة يامنيرة مش هوصيكي
منيرة
انتي عبيطة يا امل لا طبعا الموضوع هيبقا بعيد عني وعنك خالص اطمني يلا اقفلي انتي دلوقتي عشان اتصل بيها اكلمها
وقفلت معايا منيرة واتصلت بسهير صاحبتها اللي بتشتغل ممرضة وقالت لها
منيره 
ازيك ياسهير وحشاني يابت والله بقا كده ياندله ماتساليش عليا ولا تيجي تزوريني ده مكنش عيش وملح ده يابت
سهير
حبيبتي يامنيرة تصدقي والله انتي كمان وحشتيني اوي بس معلش ياختي مشاغل والله ده انا كل يوم الصبح في شغاله في المستشفى واخر النهار في العياده يعني انا طول النهار من هنا لهنا اكل العيش مش بالساهل بقا انتي عارفه
منيرة
حبيبتي ربنا معاكي طيب بصي بقا انا كنت بتصل بيكي عشان قصداكي في خدمة كده ضروري ياسهير
سهير
عيوني يامنيرة انتي تؤمري وانا انفذ قولي ياحبيبتي عايزة ايه
منيرة
بصي ياختي انا كنت عايزة حبوب من اللي بتخلي الحمل ينزل دي
سهير
ليه يامنيرة انتي حامل وعايزة تنزلي الحمل اكيد بقا قولتي العيال كبرت ومش هينفع اخلف تاني لا اوعي تعملي كده ده كل بتاع ربنا
منيرة
يابنتي مش انا اللي حامل دي واحدة معرفه ليها اخت كده يعني اكتشفت انها حامل من واحده الله لا يسامحة ضحك عليها بعد ما عشمها بالجواز ربنا يسترها على ولايانا ياختي المهم بقا عشان مطولش عليكي هي دلوقتي خاېفه للحمل يبان وقالت لي اشوف لها حد يخلصها من الحمل ده فحنا قولنا نشوف لها برشام ينزله من غير ماحد يحس بحاجة
سهير
اااه قولتي لي طيب انا هاقولك على نوع برشام تاخده وان شاء الله يجيب معاه نتيجة علطول وتنزل الحمل بس اسمعي اوعي تكون حامل في الشهر التالت ولا الرابع اصل تروح فيها ياختي
منيرة
يعني هو هيفرق الحمل في الشهر الكام ياسهير هي ممكن تكون في التالت
سهير
لو في أوله ماشي انما في الرابع ده يبقا خطړ عليها والبت تروح خلي بالك عرفي قريبتك دي تاخد بالها من الحكاية دي لحسن يحصل حاجة لقدر الله
منيرة
حاضر ياختي وربنا يستر بس متأكدة ان البرشام ده هيجيب نتيجة علطول يعنى
سهير
اومال هما من برشامتين تلاته كده وكل حاجة تخلص بس تاخد منه مره واحده في اليوم بس ماشي
منيرة
طيب هي ممكن تاخدة في العصير او اي مشروب صح
سهير
اه عادي يلا ربنا يسترها على بناتنا انا مش عارفه ايه جرا في الدنيا الواحد من دول يعشم البنت بالجواز ولما ياخد مراده يقولها امك في العشة ولا طارت
منيرة
اه ياحبيبتي يلا هنقول ايه بس منهم لله انتي