شحاته بامر حماتي بقلم هويدا زغلول

في الجو الثلج ده وقلت ماشي حاجتي بقى اشيلها من الاوضه واديها فين ان شاء الله ارميها في الشارع
وفاء
امال هم يجوا يحطوا هدومهم فين يا اختي
ناديه بعصبيه
هم هيقعدوا كم يوم وهيمشوا وهما هيقيموا عندنا هنا يا حماتي وبعدين انت المفروض تاخديني جنبك بما انك نايمه في اوضه لوحدك
وفاء
لا يا حبيبتي انا من يوم ما جوزي راح ما حدش بيخش اوضتي ولا بينام فيه اه ما اعرفش انام جنب حد
ناديه بعصبيه
خلاص بقى خلي بنتك وجوزها يخلي هدومهم في شنطهم انا مش هشيل حاجتي
وفاء بضيق
ماشي يا ناديه اعرفي بس انك بتعانديني بالمنظر ده هطلعه عليك اصبري
خرجت وفاء وهي مټعصبه من ناديه
ناديه بحزن
يا رب ارحمني بقى من العيشه دي يا تاخذني زي ما اخذت جوزي وفي بيت اختي ساره كنت يكلمها 
في التلفون وقالت
سارة بهدوء 
ايوة يا نادية مالك صوتك متغير كدة لية
نادية بدموع 
تعبانة يا سارة مبقتش قادرة استحمل
سارة 
طب في اية بس يا بنتي احكيلي هو احنا لينا غير بعض يا حبيبتي
نادية 
شوفي يا ستي وبعدها قولت ليها علي كل حاجه
سارة پصدمة 
يا جبرتها عايزه تنيمك في الارض في البرد ده علشان بنتها وجوزها وعيالها لا بقى بنتها وجوزها ياخدوا عيالهم جنبهم دول عيلين وانت نامي جنب عيالك والحق ما يزعلش حد كفايه انك سايبه لهم اوضتك
ناديه
ما بقيتش عارفه الست دي بتفكر ازاي وبصراحه شايفه الدنيا عامله ازاي علي بابا وماما ومس هينفع اروح ليهم بعيالي
ساره
استحملي يا ناديه هتعملي ايه بس الوليه دي منها لله والله مش كفايه انك سبتي شقتك 
ويعتي كل حاجه علشان كانت عايزه تطلع عمره
ناديه
معاكي حق ما فيش حاجه اعملها غير اني وانا 
غلطانه ان عملت كده بس كانت عايزه تطلع عمره علي ابنها الله يرحمه المهم انت عامله ايه جوزك عامل ايه
ساره
اهو عايشه وجوزي بيعمل كل اللي يقدر عليه عشان خاطر يوفر كل حاجه للبيت بس مش عارف غير امه واخته اللي واخدين فلوسه على طول
ناديه
وهو بيسمع كلامهم يا بت بيديهم ليه هي الدنيا مستحمله ما كل واحده معاها جوزها
ساره
ازاي انا اخد فلوسي كلها ما يصحش لازم امه جزء واخته جزء مش اخوها الكبير برده وده ابنها من حقهم
ناديه
يا بت قولي له ما ينفعش يدي لامه بيته محتاج
اقعدي معاه وفهميه وكده كده اصلا ابوه معاه فلوس قد كده على قلبه بيخلي مراته تاخد من ابنه ليه
ساره
مهما اتكلمت وقلت بطلع انا اللي وحشه وغلطانه في الاخر انتي عايزاني اقطع صله الرحم بامي واختي انتي عايزه تعملي لنا مشاكل في العيله وانتي وانتي سيبيني في حالي يا ناديه ده انا خلاص هطق منه
ناديه
معلش يا بنت يا ساره مش عارفه وقعنا مع عيلتين هم الهم بس انا جوزي الله يرحمه كان كويس ومحترم الحلو ما بيدومش صحيح
ساره
معاكي حق ابقي هاتي العيال يا بت وتعالي اقعدي معايا يوم افطري معايا ما انت عارفه عماد مسافر وما بيجيليش في الاسبوع غير مره واحده
ناديه
حاضر يا ساره هحاول اشوف حماتي هترضى ولا لا ما انا ما بعرفش اخرج الا باذنها ولا اعمل لك مشاكل يا بت وحماتك تتاضيق
ساره
اللي بيجي يا اختي يديني حاجه يجي ياخدها تيجي لي براحتك ما حدش ليه عندي حاجه
ناديه
مش عايزه اعمل لك مشاكل يا ساره
ساره
لا مشاكل ولا حاجه يا بت اسمعي مني هاتي العيال في يوم كده اي يوم فاضيه فيه هاتيهم ونقضي اليوم سوا مع بعض بقى لنا كتير ما شفناش بعض يا بت يا ناديه
ناديه
حاضر