شحاته بامر حماتي بقلم هويدا زغلول

عيالها و لا مدرستهم يا نوال الحياة دلوقتي صعبة وغير كدة مفيش مكان هنا اصلا البيت شيلنا بالعافية
نوال 
عارفة يا حسين عارفة ربنا يعينها و يعينا علي الحال اللي احنا فيه و نستر البنتين و ساعتها نرتاح من الحمل ده يا حسين
حسين 
يارب يا نوال انا خاېف منقدرش نجهز البت سامية و العريس يسيبها خلاص مبقاش فاضل غير خمس شهور يا نوال ولسه جهزها مكملش
نوال 
طب يا حسين هنعمل اية في اديينا اية اية نعمله الواد مصطفى محترم و لو اتكلمنا معه و قولنا ناجل شوية الفرح ساعتها مش هيقول حاجة 
وهما كدة كدة كتبين الكتاب
حسين 
محروج يا نوال احرج نفسي واحرج البت سامية معايا
نوال 
يا خويا لا احراج ولا حاجه الناس كلها عارفة ان الدنيا مولعة ڼار علي الكل.
حسين بهدوء 
خلاص يا نوال احنا لسه قدامنا خمس شهور نحاول نلم نفسنا فيهم و نجيب باقي الجهاز
نوال 
يارب يا حسين يارب ما يحوجنا لحد ابدا 
وبعدها راح جوزها اختي عندنا وهي فتحت وقالت
سامية بابتسامة 
ازيك يا مصطفى عامل اي كل سنه وانت طيب
مصطفى بابتسامة 
وانتي طيبه 
وحشتني يا سوسو عاملة اية
سامية بابتسامة
الحمدلله
مصطفى بابتسامة 
تجي نخرج بليل يا سامية
سامية بابتسامة 
وماله هستاذن بابا و هشوف هيقول اية يا مصطفى
مصطفى 
طيب مش محتاجة حاجه يا سامية
سامية بهدوء 
لا يا مصطفى ربنا يخليك مفيش حاجه نقصاني
مصطفى بهدوء 
انا مش بعزم عليكي يا سامية انتي مراتي يا سامية و ملزومة وانتي مراتي اصلا اي نعم احنا كاتبين الكتاب بس برضه مراتي وانا عارف جاهز العروسه 
غالي ازاي لو عوزتي اي حاجه لازم تقوليلي انا 
انتي ملزومه مني زي ما قولت ليكي
سامية بابتسامة 
ملزومة منك اول ما ادخل بيتك لكن طول ما انا في بيت ابويا ملزومة منه انت لسه بتجهز نفسك متشلش همي يا مصطفى
مصطفى بابتسامة 
طيب يا ستي نتكلم في الموضوع ده بعدين انا هسيبك وانتي كلمي عمي وشوفي هيقولك اية
سامية بابتسامة 
حاضر يا حبيبي مع السلامة طيب ما تيجي شويه ولا تخليك تفطر معانا هنا انهارده
مصطفي 
لا لا يا حبيبتي خليها يوم تاني شوفي بس لو بابا 
وافق اعدي عليكي بعد صلاه التراويح سلام
سامية قفلت الباب ودخلت لابوها و قالت 
بابا بستاذن منك مصطفى بيقولي نخرج بليل سوا اية رايك
حسين بهدوء 
ماشي يا سامية بس متتاخريش و اوعي تروحي معه شقته
سامية 
متخفش يا بابا انا مش عبيطة و بعدين مصطفى محترم و عمره ما طلب مني اروح معه شقته غير اول ما خلصت و كانت ماما وحماتي معانا
حسين بهدوء 
يا حبيبتي انا عارف ان مصطفى محترم جدا بس واجبي كاب اني اوعي بنتي حتي لو كان جوزك يا سامية انتم لسه معملتوش الفرح
سامية بابتسامة 
حاضر يا بابا متقلقش يلا هسيبكم وادخل اوضتي
نوال بهدوء 
روحي يا حبيبتي خلصي الفطار بقي
في بيت حماتي
وفاء
بقولك يا بت يا نادية البت فريدة هي و جوزها داخلين علينا
نادية 
مش كانوا جايين قبل الفطار يا حماتي
وفاء بهدوء 
وصلوا بدري اقولهم ليه امشيوا بيت ابوها يا حبيبتي وتيجي وقت ما هي عايزه
نادية 
طب ممكن افهم المطلوب مني اية يا حماتي اعتقد انهم صاييمن مش هياكلوا يعني
وفاء 
مالك يا بت بتكلميني كدة ليه
نادية بابتسامة
لا بتكلم ولا بعمل حاجه يا حماتي بخلص الفطار عشان لما يجي ميعاده نفطر وبنتك وجوزها وعيالها هيجوا يفطروا على الجاهز
وفاء
بقول لك ايه يا ناديه اسلوبك مش عاجبني النهارده خلصي ويا ريت تخشي تشيلي حاجتك من الاوضه علشان يجوا هم يحطوا حاجاتهم
ناديه بعصبيه
يعني انا هو ضحكت فين يعني يا حماتي مش كفايه بقى اللي انت بتعمليه فيا ده يعني ابات في الارض