حماتي _الثانبه
في اوضتكم وتقفلو بابكم علي نفسكم وما تحتكوش بيها خالص
هبه
خير ان شاء الله يا خالتي الله يرحمك يا امي لو كانت عايشه ما كانش كل ده هيحصلنا
في الوقت ده دخل زكريا وقال وهو مبسوط لما شاف هبه
زكريا
وانا اقول البيت منور ليه اتاريه بوجودك يا هبه عندنا
هبه ابتسمت وقالت
ربنا يخليك يا زكريا طب امشي انا بقي عشان ما اتأخرش علي البيت وابويا يزعل
مالسه بدري طيب يا هبه خليكي قاعده ونعشي انا وانتي وزكريا سوا
قامت هبه وقالت
معلش يا خالتي خليها وقت تاني ان شاء الله
ناهد
ماشي يا حبيبتي اللي يريحك يلا يا زكريا مع بنت خالتك يا حبيبي وصلها لحد البيت وترجع
زكريا
من عينيا يا ست الكل يلا بينا يا هبه
ونزل زكريا ومعاه هبه وكانو ماشيين جنب بعض وزكريا قالها بهدوء
لو تعبانه من المشي يا هبه انا ممكن اوقفلك تاكسي
هبه
لا لا ابدا انا ماشيه اهو يا زكريا وبعدين المسافه مش بعيده ده كلها خطوتين
زكريا ابسم وقال
وفرتي عليا كتير انا اصلا مش معايا فلوس
ضحكو هما الاتنين وفضلو ماشين شويه لحد برضو ما زكريا سألها وقال
زكريا
قوليلي يا هبه هو ابوكي بقي كويس معاكم بعد ما خالتي الله يرحمها وكده ولا لسه زي ما هو
الحمد لله بقي احسن شويه من الاول بس اهو كله بمصلحته
زكريا
لا مش فاهم كلامك ده معناه ايه مصلحة ايه اللي ابوكي هيعاملكم كويس عشانها هو انتو ماسكين عليه ذله ولا ايه
ضحكت هبه وقالت
ههههههه والله انت الوحيد يا زكريا اللي بتضحكني في وقت انا مش عايزه اعمل فيه اي حاجه غير اني اعيط
زكريا
بصي بعيد عن اي حاجه ابوكي بيعملها انتي بجد يا هبه ما تستاهليش غير انك علي طول تضحكي لان ضحكتك حلوه اووي قوليلي هو شعرك لسه طويل زي زمان ولا قصر اصلك من لما اتحجبتي وانا ما شوفتوش
انت ايه اللي بتقوله ده يا زكريا لو سمحت احترم نفسك والا انا هقول لخالتي
زكريا
براااحتك اوووي يا هبه هانت اهي واقول اللي عايزه وما حدش هيقدر يقولي تلت التلاته كام
هبه
لما تهون بقي ابقي قول اللي عايزه بعد اذنك بقي
زكريا
علي فين هو احنا لسه اتكلمنا
هبه
ايوه اتكلمنا لحد ما وصلنا اهو سلامة نظرك يا ابن خالتي
هبه
مالك يا سمر يا حبيبتي قاعده مدايقه كده ليه
سمر
اول مره نتسحر في رمضان وماما الله يرحمها مش موجوده معانا
الله يرحمها هي فعلا قطعت بينا اوووي يا سمر
علي ساب الاكل وقال پحده
يووووه يادي النكد اللي انا عايش فيه مش طافح
