حماتي _الثانبه

منك انتي واختك وما تحصلش مشاكل بينكم ولا تبقي وليه قادره وشريره ده انتو هتبقو تلات اخوات
مسحت هبه دموعها وقالت
طيب يا بابا انا ايه المطلوب مني بالظبط وانا هعمله 
علي 
بصي بقي يا حبيبة بابا انا الي عايزه منك انك تقنعي البومه اختك ونروح كلنا بيت الست كريمه عشان نقرا الفاتحه ويعرفو انكم موافقين 
هبه 
حاضر يا بابا هقولها والف مبروك مقدما تصبح علي خير
علي 
علي فين اعمليلي شاي وجهزيلي لقمه اكلها الاول. واهو هانت وتنامي براحتك وتيجي اللي تشوف طلباتي ..
سمعت هبه كلامه وراحت جهزت ليه العشا وعملت شاي وبعدين دخلت عشان تنام وتاني يوم وقت الضهر كانت هبه نايمه ودخلت عندها سمر وقالت بصوت عالي
سمر
يا هبه انتي يا بت يا هبه اصحي يلا ابوكي يتحسد سابلنا فلوس وقالي عشان ننزل انا وانتي نجيب حاجات رمضان
هبه قعدت علي السرير وقالت 
لا اتعودي علي كده ما هي خلاص جايه اللي هتمشي ابوكي علي عجين ما يلخبطوش ويملالها البيت خير الله يرحمك يا ماما ويعوضك خير عن اللي شوفتيه
سمر
جرا ايه يا بت انتي ايه الكلام اللي انتي بتقوليه ده ولا ده تأثير الصدمه ههههه
هبه بدموع 
الصدمه جايه يا اختي اهي انتي عارفه ابوكي راضي ليه علينا وبيعملنا اللي نفسنا فيه عشان نوافق انه يتجوز فاتن بنت كريمه
سمر قعدت جنبيها وقالت 
لا لا مش فاهمه انتي قصدك علي مين انا مش فاكره كويس
هبه 
انا قصدي علي البت فاااتن بنت عرفه بتاع الكبده
سمر بسخريه 
ااااه افتكرتها توقعت كده علي فكره هو واحد زي ابوكي هيطلع اصيل مثلا ويفضل عايش علي ذكري مراته لا ده انا استغربت حتي انه لسه هيفكر يتجوز دلوقتي وما اتجوزش تاني يوم خرجتها
هبه پبكاء
هو ليه ديما انا اللي عبيطه
سمر 
قومي يا هبه وبلاش تتعشمي خير في ابوكي لان لو كان فيه خير كان بقي لامك الله يرحمها
وفعلا راحت هبه مع سمر وجابو الحاجات بتاعت رمضان وسمر كانت مبسوطه انهم بيشترو حاجات بس هبه كانت مدايقه وراحت لخالتها ناهد وقالتلها اللي حصل وناهد ردت عليها وقالت
ناهد 
حقه يا بنتي ما حدش يقدر يقول حاجه
هبه 
حقه يا خالتي يتجوز واحده تناسبه مش واحده من دور بناته
ناهد 
هو حد فينا يقدر يقول لابوكي حاجه ولا كمان هنروح ننقيله عروسه ونقوله والنبي اتجوز دي
هبه بضيق 
وهي بنت زي دي تناسب ابويا ولا بيتنا دي كانت سمعتها علي كل لسان يا خالتي وخصوصا لما كانت مخطوبه للواد الصايع اللي اسمه عمر البرنس
ناهد 
يا عالم يمكن ربنا يهديها لما تتجوز وتبقي دي شقاوة بنات
هبه 
ولو كانت فعلا زي ما بيتقال عليها انها شړانيه ومش كويسه هنعيش مع بنت زي دي في بيت واحد
ناهد 
هيبقي نصيبكم بقي وما فيش في ايدينا اي حاجه نعملها ولو طلعت كده فعلا يبقي تقعدي انتي واختك