حماتي _الثانبه

 
الحلقه التانيه 
كريمه 
قولت ايه يا حج علي ما رديتش عليا يعني
فاتن
ما هو يا اما اكيد هيقول للبنات انه هيتجوز واكيد هيجو معاه صح يا علي يوه قصدي يا حج علي
علي اتنهد وقال 
حاااضر هقول للبنات وبكره زي النهارده كده هجيبهم واجي ونقرا الفاتحه ونفرح كلنا المهم رضاكي يا امي
لوت كريمه بوزها وقالت 

ام مين يا اخويا ده انا وانت واحنا عيال كنا بنلعب سوا ولا هتصغر نفسك علي قفايا
فاتن 
مش وقته الكلام ده يا ماما وبعدين السن ده رقم انا في نظري المعلم علي ولا اجدعها راجل في التلاتين
فرح علي بالكلام اللي قالته فاتن وبعد ما شرب الشاي اخد بعضه ومشي ولما رجع البيت لقي هبه قاعده قدام التلفزيون وقامت بسرعه لما شافته وقالت پخوف
هبه
انا اسفه والله العظيم يا بابا انا داخله انام اهو بس انت اتأخرت وانت عارف انا بخاف وانت ما فيش في البيت من بعد ماما الله يرحمها
علي 
تعالي يا بت يا هبه اقعدي جنبي عايز اتكلم معاكي كلمتين
هبه بقلق 
انت مش هتمد ايدك عليا صح يا بابا
علي 
ليه هو انتي لسه صغيره عشان امد ايدي عليكي وبعدين انا لو كنت بمد ايدي او بزعق كان من خۏفي عليكي يا بت وانا مش عايز بناتي يغلطو في حاجه ويبقي ما فيش منهم
قعدت هبه جنبيه وقالت 
خلاص يا بابا وانا مش زعلانه منك والله وهسمع كلامك علي طول
علي ابتسم وقال 
شاطره يا بت يا هبه وطيبه زي امك انتي كله كوم والحربايه اختك اللي طالعه لامها دي كوم تاني
هبه 
والله يا بابا سمر كمان طيبه اووي وبتحبك جدا بس هي كل الحكايه پتخاف منك
علي
وتخاف مني ليه المهم سيبك من سمر وتعالي انا عايز اكلمك في موضوع بيني وبينك يا حبيبة بابا
هبه 
تحت امرك يا بابا انا سمعاااك اهو خير إن شاءلله
علي
قوليلي يا بت يا هبه انتي تعرفي فاتن بنت عرفه بتاع الكبده الله يرحمه
هبه 
ايوه يا بابا اعرفها بس انت ليه بتسأل عنها
علي وهو بيمثل الحزن
البت طيبه اووي وبتصرف علي امها العيانه وعلي اخواتها الصغيرين وجات واترجتني اديها فلوس سلف اكتر من مره وقال ايه محرجه ترد الفلوس دي ازاي وهي مش معاها فلوس فانا قولت في عقل بالي ليه اتجوزهاش واسترها في بيتي واصرف علي امها واخواتها وعشان الناس ما تقولش حاجه غلط عليا
هبه بدموع 
ايييه يا بابا انت هتتجوز علي امي 
علي
ما امك الله يرحمها يا هبه وانا برضو راجل وليا احتياجاتي وبكره انتي واختك هتتجوزو ومش هيبقي في غيري هنا لوحدي وهبقي عايز اللي يشوف طلباتي
عيطت هبه وقالت 
انما مستعده ما اتجوزش واقعد مع حضرتك وما اتجوزش خالص بس ما تتجوزش وبعدين فاتن دي صغيره دي اكبر من سمر بسنه واحده
علي 
وماله يا بت دي تبقي حاجه حلوه وتبقي قريبه