عملت مصېبه في حماتي

تقعد عندي واشيل شيلتها هي كمان
ناديه
لا كفايه عليكي ماما انا قولت تلاقيها تعبتك فقولت اساعدك شويه واجيب الممرضه دي اهو تاخد بالها من ماما
احلام 
والله انا ما بحبش حد غريب يقعد معايا ومع بناتي وجوزي بس اعمل ايه حكم القوي قوليلي بس هو مين اللي هيدفعلها مرتبها
ناديه 
والله ده موضوع بيني وبين اخويا وامي يا مرات اخويا ريحي انتي نفسك بقي من الحكايه دي ويلا بقي انا همشي وانتي يا رباب خلي بالك من ماما ومشيت ورباب قالت
رباب 
هو حضرتك مش عايزاني اكون موجوده هنا يا ابله
احلام 
ايه ابله دي يا بت انتي هو احنا قاعدين في مدرسه ولا ايه
رباب
والنبي ما اقصد طيب حضرتك تحبي اندهلك واقولك ايه ولا ابنك الكبير اسمه ايه عشان اقولك يا ام فلان
احلام 
مش معقول الاشكال اللي ناديه جيباها دي انا اسمي مدام احلام وقومي يلا ادخلي عند الست اللي جوه دي 
وشوفيها عايزه ايه وخليكي عندها واسمعي علي قد ما تقدري اياكي تطلعيها بره الاوضه مفهوم
رباب
حاضر يا مدام احلام بس انا همشي الساعه 7 بالليل وهاجي الساعه 9 الصبح انا عندي ابويا ومراته يطينو عيشتي لو اتاخرت
احلام 
طيب طيب بطلي رغي كتير يلا وادخلي شوفي شغلك وبالليل لما جه نبيل حصل
نبيل 
المهم برضو تاخدي بالك منها وتخلي بالك من امي يا احلام انا ما اطمنش عليها مع الغريبه دي
احلام 
ومدام كده ما خليتهاش ليه تقعد بيها عند اختك ونرتاح
نبيل 
تاني كلام من ده يا احلام هو انتي لازم يعني اټخانق معاكي وطلعت دينا من اوضتها
دينا 
بابا انا كنت رايحه عند هاله صحبتي شويه وهرجع
نبيل 
لا الوقت اتاخر ادخلي وابقي روحيلها الصبحح
دينا 
يا بابا لسه الساعه سبعه والوقت بدري جدا انا هروح عندها نص ساعه وارجع تاني علي طول
نبيل 
وانا قولت لا يعني لا وادخلي يلا اقعدي جوه مع اختك
دينا 
حاضر يا بابا بعد اذنك بس يا ماما انا عايزك في كلمتين ممكن وقومت وروحت معاها عند المطبخ
احلام 
في ايه يا بت يا دينا عايزه ايه وايه الكلمتين اللي انتي عايزاني فيهم علي جنب دول
دينا 
بقولك ايه يا ماما انا لازم اخرج دلوقتي وانتي هتساعديني
احلام 
وانا اعملك ايه يا بت ما انتي عارفه ان ابوكي لما يقول علي حاجه لا يبقي لا
دينا 
بس هو لو عرف اللي انتي عملتيه في تيته النهارده برضو هيزعل فيزعل اني هخرج احسن ما يزعل ان امه اتضربت
احلام 
اااه منك يا براويه انتي طيب اقفي هنا وانا هتصرف مع ابوكي وطلعت عند نبيل
احلام
بقولك ايه يا حبيبي ما تسيب البت تروح لصاحبتها نص ساعه بالظبط ده البت تعبانه وده واحب تزورها
نبيل
طيب هي نص ساعه ولو اتأخرت عن كده ما تعرفش انا هعمل فيها ايه وطلعت دينا وقالت
دينا
والله هي النص ساعه ومش هتأخر عنها خالص يا حبيبي يا بابا وطلعت راحت لصحبتها
وعدي كام يوم ورا بعض وكنت قاعده بكلم واحده صحبتي في الموبيل وبقولها
احلام
مش عارفه يا اسماء اعمل هو بقي كل حاجه امه وبس دلوقتي
اسماء
والله انتي ربنا مبتليكي براجل يلا ما ش داعي للكلام انتي تحمدي ربنا ان الست دي علي كرسي والا كانت هتقلبه عليكي اكتر من كده
احلام 
معاكي حق ده حتي انا كنت عايزه اغير شوية حاجات في الدهب قالر مش معاه فلوس عشان مصاريف امه اللي زادت عليه
اسماء
طيب وانتي هتعملي ايه دلوقتي يا احلام هتسكتي علي الوضع ده
احلام
لا طبعا استني بس عليا وانا هخلص من الست دي بأي طريقه وقفلت مع اسماء وقررت اني هعمل
وباليل كانت رباب بتدي الدوا لحماتي