عملت مصېبه في حماتي

لازم توديها عند اختك تشيلها زي ماكانت شيلاها انا جبت أخرى انا بقولك اهو
نبيل 
انتي اټجننتي في عقلك يا احلام بتعلي صوتك عليا وعايزاني امشي امي من البيت انتي شكلك اتهبلتي باين امي مش هتخرج من هنا انتي سامعه ولا لا يا احلام
احلام 
لا مش سامعة وانت بقا لازم تتصرف بدل ما سيبلك البيت وامشي
نبيل 
انا اللي هسيبلك البيت وامشي كتك الهم ياشيخة
احلام 
استني يانبيل رايح فين نبيل يا نبيل
وفضلت انادي عليه مرضش عليا لقيت حماتي عمالهتشاورلي تشاورلي عايزة تشرب روحت عندها وقولت
احلام 
انتي عايزة ايه ياوليه انتي ماهو كل ده من تحت راسك انتي وضړبتها بالقلم وقعت من على الكرسي في الأرض
فضلت حماتي ټعيط بصوت مكتوم كل ده ودينا بنتي كانت واقفه وشايفه وانا معرفش انها شافتني وقولت 
احلام 
يا دينا يا دينا تعالي بسرعه انتي واختك ارفعو معايا تيتة ياولاد يلا بسرعة
امل 
ايه اللي حصل ياماما تيته مالها وقعت ازاى من على الكرسي
احلام 
معرفش يابنتي دي وقعت لوحدها كده
لقيت حماتي بټعيط وبتبصلي ودينا بصتلي پصدمة وقالت يلا يا امل قومي تيتة ندخلها جوه
احلام 
بالله عليكم يا بنات محدش يقول 
حاجه ل ابوكم انتو عارفين هو عامل ازاي
لو عرف انها وقعت ڠصب عني مش هيحصل 
كويس
امل 
تمام يا ماما يلا بينا ندخلها جوا يا دينا ودخلوها جوه وطلعن دينا قالتلي
دينا
حرام عليكي يا ماما انا شوفت انتي بتعملي ايه مع تيته
احلام
اخرسي يا بت انتي اياكي تقولي حاجه من اللي حصلت دي قدام ابوكي
دينا 
حتي لو مقولتس قدام ابويا هتروحي فين من ربنا يا ماما دي يا حرام محتجالنا
احلام
امشي غوري من وشي ولو نطقني بكلمه ما تعرفيش انا ممكن اعمل فيكي ايه
دينا 
مش هتكلم دلوقتي يا ماما بس لو ده حصل تاني او شوفت تيته تعبانه انا هتكلم واقول لبابا علي كل حاجه
احلام 
يا بنتي دي لحظة عصبيه وانا يعني اللي بعمله معاها قليل
دينا 
اتمني كده بجد يا ماما تيته طيله وكلما بنحبها وبنحبك انتي كمان ومش عايزين حاجه وحشه تحصلها او تحصلك ودخلت اوضتها
وانا قولت لنفسي
انا لازم بقي اتصرف واخلص من حماتي دي انا مش هفضل كده مضيعه صحتي عليها وكنت نايمه ورجع نبيل بالليل وقالي
نبيل
هو ايه اللي حصل لماما يا احلام
احلام 
ايه اللي حصل يا نبيل ما فيش حاجه حصلت هو انت حد قالك حاجه ولا ايه
نبيل 
ايوه امل قالتلي ان ماما وقعت النهارده مش تخلي بالك منها ولا انتي قاصده
احلام
لا والله هو ايه اللي قاصده انا مستحيل اعمل حاجه زي دي في ماما
نبيل
طيب لو سمحتي خلي بالك منها يا احلام انا مش عايز اخلي ماما هنا ومش هخليها تروح اي مكان فبلاش نخسر بعض
احلام 
اوعي تقول كده تاني يا حبيبي انا بس قولت كده في وقت عصبيه انما ماما دي في عنيا
نبيل
ايوه كده يا حبيبتي ربنا يكملك بعقلك
وفي بيت ناديه سلفتي
سامي
انتي بقالك ساعه قاعده ماسكه الموبيل بتاعك بتعملي ايه
ناديه 
بدور علي واحده تقعد مع ماما عشان نبيل كلمني وقالي ان مراته تعبانه شويه
سامي
طيب وكان عليكي ايه من الاول ما كنتي جيبتي ليها البنت دي هنا
ناديه 
لا طبعا لو جيبتها هنا كنا انا وانت اللي هندفع الفلوس بتاعت البنت دي انما هناك اخويا نبيل علي قلبه قد كده ويدفع بقي
سامي
بزمتك يرضيكى ان عيالك يعملو فيكي كده
ناديه
اوف بقي بطل كلامك اللي مالوش لازمه ده لو سمحت وسيبني اعمل اللي يريحني وجات تاني يوم عندي ومعاها بنت عندها 25 سنه وقولتلها
احلام
خير يا ناديه مين دي اللي انتي جيباها معاكي لتكون واحده هتخليها