عملت مصېبه في حماتي
انت في الصفحة 1 من 6 صفحات
وقبل ما بدا حكايتي اعرفكم بنفسي انا احلام عندي 40 سنة متجوزة ومعايا بنتين دينا 20 سنة وامل 17 سنه
وفي يوم كانت دينا رايحة الجامعة بتاعتها وسمعت جوزي بيقولها
نبيل
انتي يابت هتنزلي باللبس ده في الشارع هتروحي جامعتك كده
دينا
ماله لبسي يابابا ماهو كويس اهو هو في ايه يعنى غلط
نبيل.
البنطلون ضيق عليكي بقا بالزمة في بنت محجبة زيك كده تلبس اللبس ده انتي ايه عايزه الناس تقول عليا معرفتش اربيكي يابت
والله كل البنات بتلبس كده في الجامعة مش انا لوحدي يعنى
وطلعت من المطبخ وقولت
احلام
جرا ايه يانبيل بتزعق ليه على الصبح بس
هو انت كل يوم لازم تعمل في العيال كده حرام عليك يا راجل سبهم بقي
نبيل
تعالي ياهانم شوفي بنتك المتربية المحترمة لبسه ايه
احلام
مالو اللبس ماهو كويس اهو وبعدين البت محجبة اهيه ولا انت عايز تتخانق على الصبح وخلاص ياساتر منك راجل
يعني مش شايفه البنطلون اللي ماسك عليها انتي ياوليه راضية بكده
احلام
يانبيل دي الموضة والبنات كلها بتلبس كده ياراجل خليك مودرن شوية
نبيل
لا ياختي انا مش مودرن ولا زفت انا راجل دقه قديمة وياريت بقا تخلي بنتك تدخل تغير الهباب ده وعلى الطلاق.......
احلام
خلاص خلاص متكملش هخليها تغيره اسكت بقا واتفضل افطر عشان تنزل لشغلك
احلام
اسمعي يازفته الكلام وغيري البنطلون شوفتي خلتيه حلف عليا بالطلاق
دينا
والله لو اتطلقتي انتي الكسبانة ياماما ده بابا بقا خنيق اوي وكل حاجة بيدقق فيها
احلام
اخص عليكي يا دينا يعنى انتي مش عايزة بابا يبقا معانا ده لوما هو علينا ده اخرتها تقولي عليه كده ده هو اللي طافح الډم عشان يوفرلك فلوس جامعتك ولبسك ده
ياماما انا مقصدش حاجة انا بتمنى ان بابا ربنا يخليه لينا بس هو بقا عصبي زيادة اوي اوي يعنى
احلام
ضغط الشغل ياحبيبتي يلا يلا غيري البنطلون واخرجي عشان تفطري قبل ماتنزلي وياريت تصحي الزفته بتاعت الثانوية العامة عشان تقوم تفتح كتاب
دينا
حاضر يا ماما
وسبتها وخرجت من الاوضه وبصت لاختها
امل
يوووه هو الواحد ميعرفش ياخد راحتة في البيت ده وبعدين انتي عايزاني اقوم عشان اخد كلمتين ملهومش تلاتين لازمة لا ياختي خليني نايمة احسن
دينا
يابنتي انا لما كنت قدك في ثانوي مكنتش بنام يافاشله انتي
امل
لا لا سيبك من الكلام الغريب ده ومن طلب العلا سهر الليالي وكلام الشعارات اللي لا بيودي ولا يجيب ده انا عارفه مستقبلي خلاص اصلا
مستقبلك هتبقي رقاصه مش كده ماهو ده اللي انتي فالحة قومي ياختي انا همشي على جامعتي يلا سلام يافاشله يا رقاصه
وفي بيت اخت جوزى كنت قاعدة مع جوزها بيروت وقالتله ناديه
بصراحة انا تعبت يا سامي من الخدمة لأمي بصراحة وجودها بقا تقيل اوي على قلبي
سامي
مينفعش تقولي كده يانادية انتي امك ست مشلوله وقاعده على كرسي وكمان فاقدة النطق يبقا لازم تخدميها وربنا هينوبك ثواب كبير
نادية
منا تعبت ياسامي وبعدين انا بقول اخويا نبيل ياخدها شوية بقا عنده ومراتة تشيلها هي مش حماتها وليها حق فيها
سامي
لا يا نادية ملهاش حق فيها عشان دي امك انتي وانتي اللي أولى بخدمتها مش مرات اخوكي وبعدين انتي بنتها اللي مخلقاكي وبتقولي تعبت من خدمتها امال مرات اخوكي تقول ايه بقا
نادية
هو انت معايا ولا عليا ياسامي هي امي ولا امك متخليك محضر خير ياخويا
سامي
انا مع الحق يانادية ولازم اعرفك ان اللي بتعمليه ده غلط مش هينفع ترمي امك لمرات اخوكي عشان انتي تعبتي من خدمتها كلام لا
