حماتي واختي _كامله _بقلم هويدا زغلول

نايمة ولقيت الواد فوق السطوح ومدخلش عندها
الحما
انتي بتاكلي من الكلام ده تلاقيهم حسو انك طالعه عندهم فهربته لفوق السطوح دي اختك دي متتقدرش دنا كنت بشوف بعيني حاجات يلهووي اسكتي اسكتي وخليني ساكتة انا مالي ياختي
هيام سرحت وفضلت تفكر في كلام حماتها وقالت حاجات ايه ياحماتي ماتحكي لي وفي الوقت ده مصطفى جوزها رجع من بره وقال 
ازيك ياما قومي ياهيام حضريلي لقمة أكلها اصل انا راجع جعان اوي
هيام 
حاضر ياخويا اقعدي بقا عشان تاكلي معانا ياحماتي
الحما 
لا انا هنزل عشان اشوف البت منار بنتي أصلها راجعه ڠضبانة ومش عايزة ترجع لجوزها
مصطفى 
رجعت ڠضبانة تاني هي البت دي مش ناويه تجبها لبر ماتعقليها ياما وتخليها تهمد دي وتعرفيها ان الواحده ملهاش غير بيت جوزها
الام 
حاضر يابني هعقلها انا نازله ياهيام بقا
هيام 
طيب ياحماتي بس خليكي فاكرة الموضوع اللي هتبقي تحكيلي عليه
مصطفى 
موضوع ايه ده ياهيام
هيام 
ملكش دعوة انت يامصطفى دي حاجة كده بيني وبين امك
وعند حماتهم بنتها ڠضبانة من جوزها وعماله تقول انا مش رجاله تاني ياما ده بيعاملني ولا الخدامة ليه ولامه انا تعبت بقا
الحما 
قطيعة تقطعه هو وامة في ساعه واحده هو فاكر انه جايبك من الشارع ولا ايه ومش عارف انك بنت ناس
منار 
اه باين كده وعشان كده تخلي اخواتي يطلقوني منه انا مش راجعاله تاني
الام 
لما اخوكي الكبير حسن يرجع من شغله يبقا يشوف حل مع الموكوس جوزك ده
وردت ليلى مرات حسن وقالت
ليلي 
وهو حسن هيعملها ايه بس ياما وبعدين هي لازم تسمع كلام جوزها وحماتها منا معاكي طول عمري وبسمع كلامك ولا هي عشان بنتك
الحما 
ماتتلمي يابت يا ليلي انا بنتي وحدانيه ومدلعه وعمرها ماتهانت ياختي انتي تنقطينا بساكتك احسن
منار 
جرا ايه ياست ليلى هو يعنى لازم اشتغل خدامة لامه عشان يعجبها انا عمري ما عملت حاجه في بيتنا وانا بنت علي اخر الزمن اروح اتمرمط عند ناس زي دول
ليلى 
الواحدة عشان تعيش يامنار لازم تسمع كلام حماتها وبالزات لو كان الاتفاق من الاول انك هتروحي عندهم وتشتغلي
منار 
وانا مش هشتغل عند حماتي وبعدين ياما ما نسوان ولادك الاتنين عايشين ومتستتين هو انتي كنتي قولتي لواحدة فيهم تعملك حاجة
ليلى 
ماهما مفيش واحده فيهم بتعمل حاجة لاني انا اللي قاعده مع امك وانا الخدامة ليها
الحما 
وانتي بقا مش عجبك ولا ايه ياست ليلى ماهو لو ولادي الرجاله التانين حاكمين نسوانهم كانت كل واحده اشتغلت زيك بالظبط لكن ده واحد فيهم مهني مراته وانا بنتي ياقلب امها اللي متمرمطه عند حماتها
وفي الوقت ده دخل إبراهيم وقالها 
البت دي ياما ترجع بيت جوزها دلوقتي ومن غير شوشره كده انا بقولك اهو
منار 
انا مش هرجع يا ابراهيم وانت ملكش حكم عليا انا عند امي هنا ومحدش يتكلم معايا
إبراهيم 
انا قولت هترجعي يعني هترجعي ولوحدك كمان
الام 
الله جرا ايه يا ابراهيم يعني يبقا مزعلها هو وامه وعايزها ترجع هي برجليها هو ده اسمه كلام برضو
إبراهيم 
اه هترجع لوحدها وتروح تحب على ايد امه عشان تسامحها
الام 
ياسلام وعشان ايه ده كله ياخويا
إبراهيم 
عشان تامر اتصل بيا ياما وقالي ان بنتك غلطت فيه هو وامه وشتمتهم وسبتلهم البيت ومشيت يعنى بنتك اللي غلطانة
منار 
اه شتمتهم عشان امه دي وليه ناقصه اصلا وكل ماعمل حاجة مش عجبها روحت طالعه فيها هي وابنها هو انا ناقصه هم كاتهم القرف
إبراهيم
انا قولت كلمة ياما البت دي ترجع بيت جوزها ومش عايز كتير وقال كلامه ده وسابهم وطلع شقته وامه قالت
ياخويا روح احكم مراتك وبعدين ابقى تعالي اتكلم
منار 
اه ماهو كل واحد في ولادك هيطلعني انا اللي غلطانة وانا مغلطتش ومش راجعة عندهم تاني
ونزلت هيام وقالت في ايه ياحماتي انتو عمالين تزعقو ليه كده مالك يامنار
منار 
مفيش ياهيام انا راجعة زعلانة من جوزي وامه والبيه اخويا اللي هو جوز اختك قال جاي يقولي ايه ارجعي لبيت جوزك لوحدك ده مبيفهمش
هيام 
سيبك منه انتي هنا قاعده في بيت ابوكي وامك ومحدش ليه عندك حاجة يابت بقولك ايه ياحماتي انا عايزاكي في كلمتين كده
الحما 
طيب ياهيام تعالي ندخل اوضتي ونتكلم براحتنا
ليلى قالت لنفسها 
استر يارب انتو الاتنين لما بتتلمو على بعض بتبقا مصېبة ربنا يهديكم
الحما 
خير ياهيام في ايه عايزاني في ايه
هيام 
انا عايزاكي بقا تحكيلي عن هبه واللي كان بيحصل منها