حماتي واختي _كامله _بقلم هويدا زغلول

الناس امتى انا عايز اقولها متطلعش هنا تاني
هبه 
لا يا ابراهيم مينفعش تقولها متجيش هنا دي مهما ان كانت امك برضو وبعدين انا عارفه انها مش هتبطل تجيب في سيرة الناس بس هنقول ايه بس وانا مش بديها وداني وبصدها علطول
إبراهيم 
ربنا يكملك بعقلك ياهبه بس بصراحه ساعت 
بحس انها مش بتحبني معرفش ليه ولا انا 
ولا انتي ولا العيال
هبه 
شيل الكلام الفارغ ده من دماغك 
دي امك يا ابراهيم واكيد بتحبكم كلكم زي 
بعض انا داخله أحضر الاكل وبعدها دخلت
وتحت عند حماتها كانت قاعده مع ابنها الكبير وقالتله
الحما 
بقولك ايه يا حسن خلي ابنك يخف رجله شوية من عند هبه مرات اخوك لحسن ده رجله خدت على عندها بالزات لما اخوك بينزل يروح شغله وابنك شاب والله اعلم بيطلع يعمل ايه عندها وهما لوحدهم
حسن 
ايه الكلام اللي بتقوليه ده ياما هو يعنى خالد ابني هيبص لمرات عمه وبعدين الواد بيطلع يقضي لها أي حاجة هي عايزاها وانت عارفه خدوم وجدع
الام 
انا بقولك وبنصحك وخلاص ياحسن هو انا يعني قولت حاجة غلط ياخويا انت حر بقا
حسن 
بلاش يا امي الكلام اللي يودي في داهيه 
ده ارجوكي مش عايز مشاكل مع ابراهيم
الام 
ابراهيم ابراهيم هو انت مالك يا واد 
علي طول پتخاف منه ليه كده
حسن
مش بخاف منه بس لحد دلوقتي 
مش قادر افهم هو انتي ليه مش بتحبي يا امي
الام 
بقولك اي أنا نازله شقتي ومش عايزه كلام 
كتير
وفي الوقت ده شافت ام هبه وهيام وهي طالعه وقالت لها
الحما 
اهلا يام هبه نورتي تعالي ادخلي عندنا شويه
سعاد
معلش يا ام حسن اصل طالعه لهبه بنتي
شويه ونازله علي طول
الحما
طيب ياحبيبتي اطلعي وماله ربنا يخليكي ليهم
وطلعت ام هبه ودخلت وقالت
الام 
هي الوليه حماتك قاعده في الطلعه والنازلة كده مش بعرف اجيلك غير لما الاقيها في وشي
هبه
هي كده ياماما قاعده ناظرة اللي طالع واللي نازل دي امبارح طالعه تقولي فلاته اتطلقت اصل جوزها ظبطها مش عارفه بتعمل ايه
سعاد
شوفي ياختي الوليه هي مش هتبطل تتكلم على الناس دي فظيعة لا واختك عامله زيها وبتحب تتكلم كده زيها عشان كده مبحبش ادخل عندها
هبه
ماهو بعمايلك دي ياماما بتخليها تقول امك مبتحبش الا انتي ومبتجيش هنا الا عشانك وكلام كده فارغ زيها
سعاد
منا بقولك ياهبه بروح عندها بتاكل دماغي بالكلام وبعدين بتعامل الواد ابنها التعبان بطريقة زفت قدامي الواد بيصعب عليا
وهي ناسيه أنه من ذوي الاحتياجات الخاصة ومينفعش يتعامل بالطريقه دي
هبه
ااه ماهي كل ماتتكلم تقولك اشمعنا انا اللي خلفت عيل كده ومش عارف ايه عمرها مابتحمد ربنا ولا تقول الحمد لله هي شاطرة بس في الكلام بصي انا اصلا مش طيقاها لوحدي
سعاد
في ايه ياهبه مالك هي اختك عملت لك حاجة ولا ايه قوليلي
هبه
لا ياماما مفيش حاجة بس انا مخنوقه منها وخلاص
سعاد
طيب بقولك ايه انا همشي بقا قبل ماتيجي وتشوفني عندك تاكل دماغي
هبه
انتي مش بتقولي حماتك شافتك يبقا اكيد هاتقولها يعنى هي مش بيتبل في بوقها فوله اصلا
سعاد
ماتقولها يلا انا همشي لحسن مرات اخوكي كانت تعبانة من الحمل لما اروح اشوفها عامله ايه
وعدت ايام كتير وفي يوم كانه خالد طالع فوق وهبه شافته وجدته طلعت لهيام وقالتلها
الحما 
الحقي ياهيام الواد لسه طالع عند اختك انا شايفاه بعنية دول
هيام شهقت وقالت 
اييه بتتكلمي جد ياحماتي لااا ده انا لازم اطلع اڤضحها وافرج عليها الناس كلها
وطلعت هيام وخبطت على هبه وفتحتلها الباب وكانت نايمة ولبسه قميص قصير وقالت 
في ايه ياهيام انتي بتخبطي كده ليه هي الساعه كام
فضلت هيام تبص في الشقه وتقولها هو انتي كنتي نايمة ولا ايه ياهبه هو في حد عندك جوه هما عيالك و زقتها ودخلت فضلت تبص في الاوض
هبه واقفه مستغربة من اللي اختها بتعملة
هبه 
وقالت لها هو في ايه ياهيام مالك انتي بتدوري على حاجة ولا ايه
هيام 
ها لا مش بدور على حاجة انا بس مش عارفة كنت عايزه ايه ده نسيت طيب روحي كملي نومك ياهبه انا نازله
وخرجت وقفلت الباب وراها وطلعت فوق السطوح لقت خالد اقعد بيذاكر وقالتله
هيام 
الله انت هنا ياخالد انت بتعمل ايه
خالد 
انا بذاكر يا ابله هيام حضرتك عايزة حاجة
هيام 
ها لا مش عايزة ذاكر ياخالد ذاكر ربنا يوفقك
ونزلت تحت وحماتها قالت لها 
ها يابت ظبتيهم مع بعض
هيام 
لا دي كانت