حماتي واختي _كامله _بقلم هويدا زغلول
انت في الصفحة 1 من 6 صفحات
قبل ما نبدأ حكايتنا اعرفكم على بطلتنا اسمها هبه عندها 30 سنة متجوزة عندها تلات ولاد عايشه في بيت عيلة وهي واختها سلايف ومتجوزين اخوات بس كل واحد منهم ساكن في شقة
وفي يوم حماتها قالت لسلفتها اللي هي تبقا اختها
الحما
شوفتي اختك جوزها نزل من هنا والواد ابن سلفك طلع لها من هنا مش قولت لك ان في حاجة بينهم مش برتاح لأختك وطريقه كلامها معاها
انتي بتتكلمي بجد ياحماتي يعنى الواد خالد ابن عم حسن موجود عندها دلوقتي
الحما
ااه يابت انا شايفاه بعنيا دول وهو طالع لها
هيام
لا ده انا لازم اعرف الفوله والواد ده بيطلع عندها بيعمل ايه اه دي برضه مهما أن كان اختي
واي حاجه تيجي علي سمعتها لازم تضرني برضهى
وطلعت هيام عند اختها هبه لاقت باب الشقه مفتوح ودخلت وقالت
يووه انت هنا ياخالد وبتغير اللمبة طب والله كتر خيرك انك بتركب اللمبة لهبه
هبه
تعالي ياهيام اصل اللمبه اتحرقت وقولت على خالد يجي يغيرها
هيام
ااه امال عيالك فين ياهبه
هبه
ماهم على السفره اعدين بيذاكروا انتي مش شايفاهم ولا ايه
بصت هيام ناحية السفرة لقت العيال قاعدين
هو انتي كنتي طالعه عايزة حاجة ياهيام غريبه
يعني مش بتطلعي عندي الا كل فين وفين
هيام
ها لأ ااه كنت عايزة توم لحسن خلص من عندي لحد لما اجيب وبعدين هو فيها مشكله أن اطلع
عندك ولا اي يا هبه وفي الوقت ده قرب
خالد وقالت
خالد
انا خلصت اهو يا ابلة هبه انا نازل بقا عشان عندي شغل انتي عايزة مني حاجه تانيه
شكرا ياخالد تسلم يارب
هيام
هو فيه ايه انا هوا قدامك يا واد
مافيش ازيك يا ابله هيام
خالد
ازيك يا ابله هيام ونزل خالد من عند هبه وهيام قالت لها
هيام
هو انتي مش قادرة تعملي اللمبة لنفسك مابدل ما تخلي جدع زي ده يدخل عندك والناس تتكلم عليكي
هبه
جدع مين يا هيام هو خالد ابن سلفي وسلفك يبقا جدع انتي نسيتي اننا دخلنا البيت ده وهو حتة عيل صغير ايه الكلام اللي انتي بتقوليه ده
كان عيل اه ياهبه بس دلوقتي بقا شاب وراجل واي حد هيشوفة داخل عندك هيفتكر ان في بينكم حاجة والناس تتكلم عليكم انا بس بنصحك مش اكتر وبعدين ياختي الكل ملاحظ
إن والواد ده مش بيرتاح لحد في الكلام
الا معاكي وكلنا نفسنا نفهم الفوله
هبه
ناس مين اللي هيتكلمو علينا بقولك ايه يا هيام المفروض انك متقوليش الكلام اللي بتقوليه ده وبعدين ياشيخة ده انا اختك يعني لو اي حد جاب سيرتي تاكليه بسنانك
على العموم انا نصحتك وانتي حره بقا
خافي علي نفسك يا حبيبتي الواد بقي طول بعرض وسبتها ونزلت تحت شقتها وجوزها كان قاعد قالها
مصطفي
انتي كنتي فين ياهيام الواد ابنك وقع العصير ونيل الدنيا تعالي نضفي الأرض
هيام
يلهوووي اعمل ايه بس كل شوية انضف منك لله ياشيخ كل شوية اغسل وانضف وراك هو انت ايه
مصطفى
الله جرا ايه ياوليه انتي بتزعقي للواد كده ليه هو هيفهمك يعني لما تزعقيله مانتي عارفه انه مفيهوش عقل ارحمي الواد ياهياام
هيام
ااه اشمعنا انا اللي اخلف عيل زي ده والزفته اختي عيالها التلاتة زي الفل ومفيش عيل فيهم طالع كده وكلهم شاطرين في المدارس
مصطفى
لا حول الله انتي هتعترضي على حكمة ربنا ياهيام مانتي معاكي الواد التاني مشاء الله عليه كويس وشاطر في المدرسه وانتي عارفه ده طالع كده ازاى من كتر الأدوية اللي كنتي بتاخديها للاعصاب هي نزلته كده نعملك ايه بقا
هيام
ولا حاجة يامصطفى انت تسكت خالص ومتتكلمش تاني انت سامع ولا لا
وتاني يوم طلعت الحما عند هبه
وقالت ليها
هبه
شوفتي ياهبه الوليه اللي اسمها ناهد جارتنا بيقولو هتطلق بس مش عارفة ليه في ناس بتقول جوزها ظبتها مع واحد عندها في شقتها وناس بتقول انها هي طلبت الطلاق منها لنفسها
هبه
متكلمنيش عن حد ياحماتي انتي عرفاني مش بحب اجيب في سيرة حد لو سمحتي يعنى
الحما
الله جرا ياهبه انا كنت جايه افضفض معاكي هو انا قولت حاجة يعني ياختي هو إبراهيم مش هنا ولا ايه
هبه
ابراهيم نايم جوه أصله رجع من الشغل تعبان شوية كده
الحما
اممممم طيب انا نازلة تحت بقا
ونزلت حماتها شقتها وجوزها خرج من الاوضة وقالها
ابراهيم
هي الوليه امي نزلت تحت انا مش عارف هي هتبطل كلام على
