جبت ل حماتي هديه _الرابعه _بقلم هويدا زغلول
ومش ناوية ترجع ولا ايه ياهاني
هاني
ليه ياحبيبتي هي وحشتك ولا ايه طيب انا هاقولها ترجع النهارده بالليل
مروة
لا لا ياحبيبي سيبها براحتها وبعدين طالما هي مرتاحة عند اختك سهى يبقا براحتها بقا
هاني
ههههه ايوه كده اعقلي
ودخلت ملك وقالت
انا بصراحة يابابا مش عايزة تيتة ترجع هنا تاني وتخليها عند عمتو سهى علطول
هاني
ايه الكلام اللي بتقوليه ده ياملك ما تشوفي بنتك مروة بتقول ايه عجبك كده
عيب كده ياملك تيتة دي ست الكل وست البيت وعيب تقولي كده
ملك
لا ياماما مش عيب وانا لازم اعرف بابا ان تيتة مش بتحبني وعلطول بتزعق ليا وبتحب نور اكتر مني
هاني
ملك تيتة بتحبك اوي ومش زي ما انتي بتقولي كده وعلى الله اسمعك بتقولي عليها كده تاني واتفضلي بقا ادخلي على اوضتك
ودخلت ملك اوضتها وقال لمروة
عجبك كلام بنتك ده ياهانم
لا ياهاني مش عجبني طبعا بس انت عارف انها مش غلطانة وان ده اللي بيحصل فعلا وانها بتفرق في المعامله بين بنتك وبنت اختك
هاني
انا عارف بس يامروة دي امي يعني مينفعش اغلطها واقولها ان اللي هي بتعمله ده غلط هتقول عليا ابن عاق
مروة
خلاص ياهاني ربنا يهديها بس قوم ادخل لملك وصلحها انت عارف ان ملك حساسه وزمانها زعلانه وبتعيط
حاضر يامروة هدخلها
وفي البيت عند سهى كانت قاعده هي وامها ودخل ماهر من بره مبسوط وعمال يدندن وقال
مساء الخير ياجماعه عاملة ايه النهاردة ياحماتي
ثريا
الحمد لله ياجوز بنتي بخير والله
سهى
بس ايه الروقان ده ياماهر او مره يعني ترجع من برة وتدخل مبسوط كده خير
ماهر
الله وايه يعنى ياسهي لما ارجع مبسوط شوية هو حرام يعني ولا حرام
لا يابني ولا حرام ولا حاجة دي سهى متقصدش ربنا يبسطك كمان وكمان
ماهر
طيب عامله لنا ايه على الفطار النهارده عشان انا قولت لأمي تطلع تفطر معانا
سهى
نعم وبتقولها ليه بقا ان شاء الله من غير ماتعرفني
ماهر
الله في ايه ياسهي وايه يعنى لما اقول لامي تطلع تفطر معانا من غير ماقولك ولا هو لازم اخد الأذن منك عشان اجيب امي عندي
سهى
لا مش ياماهر بس انا معملتش اكل وطلبت اكل من بره
ماهر
