جبت ل حماتي هديه _الرابعه _بقلم هويدا زغلول

جبت لحماتي عقربة في عيد الام
الحلقة الرابعة
وتاني يوم راحت ريتال الكافيه اللي قالها عليه ماهر ولقته مستنيها قالت
اتاخرت عليك ولا ايه يا عمو
ماهر
الصراحة اه بقا دي مواعيد دي برضو
ريتال
معلش ياعمو ماهر اصل على بال ماعرفت اخلع من خالتو أصلها مش بتبطل تحكمات فيه
ماهر
امممم اكيد پتخاف عليكي يعنى واحدة بنوتة حلوه وقمر زيك كده اكيد لازم يتخاف عليها

ريتال
ايه ده انت بتعاكسني ياعمو ولا ايه لا خود بالك انا بتكسف
ماهر
يادي عمو اللي مسكهالي دي ياريت بلاش الكلمة دي وخليكي عادي معايا من غير عمو
ريتال
امال يعنى اقولك ايه ياعمو
ماهر
اللهم طولك ياروح ما قولنا بلاش عمو دي بقا قوليلي ماهر وبس
ريتال
خلاص حاضر يا ماهر وبس
ضحك ماهر وقال
ها قولي بقا كنتي عايزاني في ايه
ريتال
مين انا اااه كنت عايزاك في تصدق نسيت
ماهر
ايه مقدرتيش تقاومي جمالي وسحري فنسيتي ولا ايه
ريتال
ياعم روح كده جمالك وسحرك ايه بس متخلنيش اتكلم بقا
ماهر
يابنتي بقاااا بزمتك مش اسحر انا
ريتال
الله يباركلك خليها ماشية بالستر كده المهم هي سهى مراتك قولتلي انها مش عايزة تخلف ليه
ماهر
والله ياريتال انا مش عارف بس انا لما سألتها قالتلي انها عايزة تستنى شوية على الخلفة يعنى بما انها هتحمل وهتخلف وهتسهر والشغل ده وبيني وبينك سهى مراتي دي واحدة كسولة ولا اصلا بتحب تعمل حاجة خالص غير انها تاكل وتنام انا كنت حاجز ليها عند دكتور والمفروض اننا كنا نروح نشوف التأخير منين بس مرحناش
ريتال
طيب مرحتوش ليه
ماهر 
ماهي حماتي كانت عندنا وفجأه كده اغمى عليها وودينها المستشفى زي ماشوفتينا كده
ريتال 
ااه هي بقا اغمى عليها وتعبت وهي عندكم اممممم قولتلي
ماهر
ايوه بالظبط كده صحيح ياريتال انتي كلمتي الدكتور اللي قولتي عليه ده
ريتال ارتبكت وقالت
الدكتور اااه الدكتور اسكت مش انا ملقتش رقمة ومعرفتش اوصله ايه ده ياخبر انا اتاخرت اوي ولازم امشي حالا عن اذنك بقا انا لازم امشي دلوقتي لحسن لو اتاخرت اكتر من كده خالتو ممكن تعمل منى بطاطس محمرة يلا سلام
ماهر
طيب هاشوفك تاني امتى استني وجريت بسرعه من قدامة
عند مروة في البيت قالت لهاني
هي مامتك ناوية تطول عند سهى