حماتي راحت _ الاولي _بقلم هويدا زغلول
انت في الصفحة 3 من 3 صفحات
انت ياحبيبي انا هتصرف
وفضلت حماتي عايشة معانا وبصراحه زهقت من خدمتها وفي يوم قالتلي
مشاء الله تبارك الله حلو اوي الغويشة اللي في ايدك دي يامنال جبتيها امتى
منال
الغويشة اااه دي ياحماتي كنت داخلة جمعية مع اختي واول لما قبض جبتها
الحما
شاطرة يامنال يابنتي ربنا يوسع على حسن ويجبلك
منال بضيق
طيب بقولك ايه انا داخله انام شوية مش عايزة مني حاجة
الحما
لا يابنتي انا عايزة سلامتك
وسبتها ولسه هدخل انام لقيت سعاد اختي جاتلي وقولت
اهلا ياسعاد دنا كنت لسه داخله انام شويه تعالي اقعدي مع حماتي وانا هدخل اعملك حاجة تشربيها
عن اذنك ياخالتي انا داخله الحمام
وبعد شويه لقيت سعاد بتقولي انا ماشية يا منال مش عايزة مني حاجة
منال
الله مانتي قاعدة يابنتي مالك مستعجلة ليه كده ومش على بعضك
سعاد
انا انا مش على بعضي ازاى ااه اصل عزت اتصل عليا وقالي انه مروح من الشغل دلوقتي وانا كنت مفكراه هيتاخر هبقي اعدي عليكي بكره ومشيت بسرعة
منال باستغراب
الله مالها البت دي مسروعة كده ليه وانا مالي
ودخلت اوضتي عشان اطلع هدوم من دولابي البسها ملقتش بقيت الدهب اللي عيناه وقولت لنفسي
ورحت على اوضتة حماتي وقولتي
وديته فين يا وليه انطقي
الحما
وديت ايه يامنال
منال
انتي هتعمليهم عليا الشويتين دول تعمليهم على ابنك انما مش عليا انا
الام
يابنتي انا مش فاهمة انتي بتتكلمي عن ايه
منال
بتكلم عن الدهب اللي سرقتيه من دولابي ياحرامية
الام پصدمة
دهب دهب ايه يامنال وانا هسرق دهب ليه يابنتي بس هو انا حرامية اخس عليكي يامرات ابني
منال
ايوه اعملي عليا انك غلبانة اعملي ورحمة امي لفضحك في البيت كله وسط الجيران وفتحت باب الشقة وقولت بعلو صوتي
الام
الله يسامحك يامنال ايه الكلام اللي انتي بتقولي ده عيب عليكي كده يابنتي انا اسړق وهسرقك ليه يابنتي حرام عليكي
منال
هو انتي لسه شوفتي مني حاجة اقعلي هدومك ياوليه لازم افتشك
الام
يابنتي عيب الكلام اللي بتقوليه ده الجيران اتلمت علينا
منال
منا عايزاهم يتلمو وهقلعك وافتشك قدامهم اشهدو ياناس على حماتي الحراميه
وفي الوقت ده طلع حسن وقال
في ايه ايه اللمة دي الناس ملمومة هنا ليه يامنال
تعالي شوف مراتك ياحسن عامله فيا ايه يابني
حسن
في ايه يامنال
منال
امك سړقت دهبي ياحسن ماهو مفيش حد معايا غيرها يبقا هي اللي سرقتني
حسن
طيب اسكتي يامنال وادخلي جوه ونتفاهم في شقتنا بدال مانتي لامه الناس على السلم كده روحي يام إبراهيم انتي وعيالك على شقتك
منال
انا مش هسكت غير لما اقلعها وافتشها ياحسن
حسن
اسكتي بقا يامنال انا هاشوف الموضوع ده وانتي ياما لو الدهب معاكي طلعية وخلاص
الام
اخس عليك انت مصدقها اني سرقتها ياحسن اخس على البطن اللي شالتك
حسن
ماهو ياما مفيش حد غيرك معاها وبعدين ده دهبها يعني من حقها تزعل
الام
وهو عشان دهبها تسرق امك وانت تسكت وتقولي مفيش غيرك معاها حسبي الله ونعم الوكيل
منال
انتي كمان هتتحسبني عليه بقولك ايه ياوليه انتي اطلعي بالدهب بدل مابلغ عنك
حسن
اسمعي الكلام ياما وطلعي الدهب
واول لما حسن قال كده امه وقعت في الأرض وراحت وحسن قال
امي راحت يامنال امي راحت
وفضل حسن قافل على نفسه لا بياكل ولا بيشرب ولا حتى بيكلمني
وعند اختي سعاد عزت جوزها شاف الدهب قالها
دهب مين ده ياسعاد
سعاد اټصدمت وسكتت شوية وقالت
انا هاقولك الحقيقة ياعزت بصراحة كده انا اللي سړقت دهب ده من منال اختي....
