حماتي راحت _ الاولي _بقلم هويدا زغلول
بحسن وراحلها وقال
ايوه ياست الكل اديني جيتلك اهو ها طلبتيني ليه يارب ياما تكوني فكرتي وهتوافقي
الام
بصراحة يا حسن انا فكرت يابني ولقيت اني ميرضنيش انك تتبهدل وټتسجن ياحبيبي خود ياحسن ورق الشقة اهو يابني وبيعها بس اسمع لو جابت مبلغ كبير تاخد جزء تسد منه وديونك وتشيلي جزء لخرجتي وكفني يابني انا مش ضامنة عمري
حسن باس ايديها وقالها
بعد الشړ عليكي يا أمي ياغاليه ربنا يديكي طولت العمر وبعدين ده المال كله هيبقا مالك انتي ياما
الام
تسلم وتعيش ياحبيبي بس يارب متقلش على منال مراتك لما اجي أعيش معاكم في الشقة
تتقلي ايه بس ياما ده اسمه كلام برضو دي منال هتشيلك من الأرض شيل
وفعلا اخد حسن الورق وجاب حماتي تعيش معانا في الشقه ولما شوفتها قولت
اهلا وسهلا ياحماتي نورتي البيت
الام
ده نورك يامنال يابنتي تسلمي
منال
والله ياحماتي انتي متعرفيش انا بحبك اد ايه وربنا يعلم انا بقول لحسن ايه عنك
الام
ماهو حسن قالي يابنتي ربنا يخليكم ليا يامنال هو انا ليا غيرك انتي وحسن ابني
حسن
يلا يامنال دخلي الشنط بتاعت امي في اوضتها وحضريلها لقمة تأكلها انا عايزك تعملي كل الاكل اللي امي بتحبه
منال
من عنيا ياحسن حالا والاكل يكون جاهز
ايه ياعم حسن انت اتاخرت عليا في دفع الفلوس وبعدين المهلة اللي كنت مديهالك خلصت خلاص
حسن
اهدي بس عليا ياحج مصطفى والله الفلوس انا بجهزهالك اصلي هبيع شقة الحاجة ومستني بس تتباع واجبلك فلوس لحد عندك اديني بس اسبوع كمان
مصطفى
ماشي ياحسن هو اسبوع واحد مفيش غيرة والفلوس تكون عندي والا انت عارف انا هعمل ايه
وفضل حسن يدور على حد يشتري واخيرا باع الشقة بتمن حلو جدا وكبير ولقيتة جايب شنطه الفلوس وجه وقالي وهو فرحان
شوفتي يامنال الشقه جابت مبلغ حلو اوي ازاى
بسم الله مشاء الله ياحسن كل دي فلوس
حسن
ااه يابت شوفتي دنا هسدد ديوني واخد جزء احط لأمي باسمها في البوسطة وجزء اعمل بيه مشروع
منال
نعممم ياخويا وتحط لأمك فلوس في البوسطة ليه بقا ان شاء الله
حسن
ايه اللي ليه دي مش فلوسها دي يامنال
منال راحت قفلت باب الاوضه وقالتله
وطي صوتك لتسمعك دلوقتي الفلوس دي ياحسن هتسد منها ديونك وتعمل مشروعك والباقي نشيلة في البنك للزمن ده احنا لسه ياحسن هنجيب عيال وهحتاجو مصاريف كتير
حسن
طيب وامي يامنال مش هتاخد حاجة من الفلوس دي
منال
امك ايه بس ياحسن ماهي بتاخد معاش اد كده وبعدين ماهي قاعدة معانا بتاكل وبتشرب ومبسوطة اخر انبساط يعنى مش محتاجة الفلوس دي
طيب ماهي هتعرف اني بعت الشقة بالمبلغ ده
منال
مانت مش هتقولها ياحبيبي ان الشقة جابت الفلوس دي كلها انت هتقول انك بعت الشقة ويدوبك المبلغ اللي جبتة سددت ديونك ونكتم على الموضوع
حسن
طيب وكده مش هيبقا حرام علينا يامنال
منال
يبقا حرام لو انت رميتها في الشارع انما دي عايشة في بيتك وفي حمايتك
وفعلا حماتي سالت حسن عن الفلوس وقالها زي ماتقفت معاه وهي قالتله
خلاص يابني وماله ياحبيبي طالما سددت ديونك خلاص المهم ان خلصت الديون بدل ما لقدر الله كنت ټتسجن
حسن
انا مش عارف اقولك ايه ياما كان نفسي تجيب مبلغ كبير عشان احطلك جزء في البوسطة لكن محصلش
الام
ولا تزعل نفسك ياحبيبي وبعدين منا عايشه معاك انت ومنال اهو والشهادة لله هي مش مخلياني محتاجة حاجة خالص
وفعلا حسن حط فلوس في الدولاب واتصلت على سعاد اختي عشان اروح اجبلي دهب وقالتلي
وهو حسن لما يعرف انك جبتي الدهب ده كله مش هيزعل منك يا منال
منال
يابت منا هاقوله واعرفه طبعا امال يعنى هخبي عليه انا قولت بس اجيبه الأول وبعدين اقوله عشان لو قولتله انا هجيب مش هيوافق
سعاد
طول عمرك ناصحه يامنال بس شوية دهب انما ايه حلوين اوي
وابدت عيون سعاد اختي تلمع على الدهب وزي ماتكون مستخسراة فيا
ورجعت البيت وقولت لحسن وقالي
ينهار اسود يامنال بتقولي جبتي بالفلوس كلها دهب ليه يامنال
منال
عشان الدهب قيمتة بزيد ياحسن وهنعرف نبيعة بعد كده ويجيب ضعف المبلغ انا بفكر في مستقبلنا ياحبيبي
حسن
انا مش عارف اقولك ايه بس اسمعي انا لو امي عرفت هتبقا مصېبة وهتفضل تسأل جبتو الفلوس منين وانا معرفها اني مش معايا
منال
متقلقش
