السلايف _ الثانيه _بقلم هويدا زغلول
انت في الصفحة 1 من 4 صفحات
قصه السلايف
2
الحلقة التانيه
لما شوفت فرح راجعة في وقت متأخر مع ابن عمها زياد وسألتهم زياد قالي
اقعدي ياطنط انا هفهمك كل حاجه بس ياريت تكوني هادية
ايمان
في ايه يازياد طمني يابني قلقتني وهي فرح بټعيط ليه
زياد
بصي ياطنط اللي حصل وحكالي زياد عن كل حاجة لقيت نفسي قومت اضرب فيها
خلاص ياطنط اهدي بس محصلش حاجة الحمد لله جات سليمة
ايمان
يعنى بتقول اللي حصل ده وتقولي جات سليمه يازياد
فرح
والله ياماما بريئة معملتش حاجة
ايمان
انتي تخرسي خالص مسمعش صوتك
زياد
خلاص ياطنط عشان خاطري كفاية اللي حصل عن اذن حضرتك انا نازل
زياد لو سمحت يابني ممكن محدش يعرف حاجة عن اللي حصل ده ولا باباك ولا مامتك
زياد
اكيد طبعا ياطنط محدش هيعرف حاجة اطمني
ايمان
كتر خيرك ياحبيبي تصبح على خير
ومشي زياد وقولتلها بقا كده يافرح انتي تعملي كده انا معرفتش اربيكي
فرح
خلاص والله حقك عليا ياماما مش هعمل كده تاني
وعدت الايام والظروف ضاقت بيا اوي مش عارفه اصرف علي ولادي مصاريفهم كتير ومعاش جوزى مش مكفيني وقولت اتصرف
اتصلت على حاتم اخو جوزي وجالي
حاتم
خير يام فرح كنت عايزاني في ايه
ايمان
بص ياحاتم انت عارف ولادي مصاريفهم كتير وبصراحة كده انا مش هحملهم فكنت عايزة اجر شقتي دي واشوف لينا شقة صغيرة تكون رخصية انت عارف شقتنا دي كبيرة وفي موقع زي ده هتجيب مبلغ كبير كل شهر فقولت اعرفك
طيب وانا رحت فين يا ايمان انا رقبتي سدادة
ايمان
لا معلش عشان خاطر انت عندك عيال ومينفعش اتقل عليك كفاية ولادك
حاتم
طيب ايه رايك تجيبي الولاد وتنزلي تقعدي معانا في الشقة واهو الشقة كبيره وتسيعنا كلنا
ايمان
طيب وصفاء هتفتكر توافق لا دي استحالة توافق انا عارفها
حاتم
سبيلي الموضوع ده انا هتكلم معاها وبعدين انا مسافر وانتو هتبقو قاعدين مع بعض في الشقة
وانا وافقت وقولت لأولادي
اعملو حسابكم اننا هنسيب الشقة دي هننزل نعيش في شقة عمكم
مروة
يعني ايه الكلام ده ياماما انتي عارفه ان مرات عمي مش بتحبنا
ازاى يعني هنسيب شقتنا لا طبعا مش موافقه
ايمان
انتي بالذات متتكلميش خالص انتي سامعة ولا لا
أحمد
ياماما طيب وليه ده كله
ايمان
عشان انا خلاص مش لاقيه اصرف عليكم وقولت هاجر الشقة واللي يطلع نعيش منه على المعاش وكلمة تانية مش عايزة
وعند صفاء حاتم بلغها
صفاء
ايه الكلام اللي انت بتقوله ده ياحاتم لا طبعا مش موافقه انها تجي هنا
حاتم
ماهو مش هينفع اسيب ولاد اخويا يتمرمطو وانا عايش انا قولت ايمان هتيجي وولادها وانتي لازم تقابليها كويس
وفعلا اجرت الشقة ونزلت انا وولادي عند صفاء وحاتم قال
ايمان
انا مش عارفه اقولك ايه ياحاتم ربنا يخليك ومعلش ياصفاء لو كنا هنتقل عليكي صفاء بصتلي ومردتش عليا
حاتم
متقوليش كده يام فرح البيت بيتك انتي وولادك يلا ياولاد دخلو
