السلايف _ الثانيه _بقلم هويدا زغلول
انهاروا من العياط ومرت ايام صعبه علينا كلنا ومرت الايام وجات صفاء في يوم جمعت الولاد كلهم وانا معاهم وقالت
صفاء
انا دلوقتي في البيت ده الأمر الناهي والكلمة هنا كلمتي وتمشي على كل واحد وواحدة هنا
أحمد
بس ماما هنا برضو وهي اللي تتحكم فينا بما اننا ولادها
صفاء
لا ياحبيبي مامتك تخصك وكلامها عليك انت انما اي حاجة هتعملها وهتخص بيتي انا المسؤولة عنك وعن مامتك واخواتك
مروة
يعنى ايه الكلام ده ياطنط هو حضرتك عايزة تتحكمي فينا
صفاء
اظن انا كلامي كان واضح ولا انتي عندك رأي تاني شوفي بنتك يا ايمان
لا طبعا اللي تشوفيه ياصفاء بس يامروة واسمعي كلام طنط
مروة
بس احنا مش موافقين ياماما على الكلام ده
صفاء
انا قولت اللي عندي واللي مش عجبة الباب يفوت جمل
وسبتنا ودخلت اوضتها
فرح
هو حضرتك عجبك الكلام ده ياماما يعنى هي هتمشي كلامها علينا احنا كمان
ايمان
هنعمل ايه احنا قاعدين في بيتها يافرح ولازم نسمع كلامها
زياد
انا مش عارف اقولك ايه ياطنط بس اصل ماما طول عمرها بتحب كلامها يمشي على البيت كله
مروة
اه يازياد كلامها يمشي عليك انت واخواتك انما انا واخواتي ناخد الأوامر من ماما وبس
اسكتي يامروة متتكلميش وزي ماقولتلك الكلمة اللي طنط صفاء تقول عليها تمشي
امجد
مامتنا ومش هتتغير احنا عارفينها يبقا تستحملو معانا بقا ياولاد عمي
فرح
احنا لازم نمشي ياماما نشوف اي مكان تاني نروح نقعد فيه
ايمان
هنروح فين يافرح ملناش مكان غير هنا يبقا ترضو وتسكتو
وحاولت اسكت ولادي عشان يبطلو يسالو كتير انا مغلوبة على أمري ومش هعرف اربي الولاد لوحدي
وفي اوضتة الولاد كان احمد بيتفق مع امجد ابن عمه اصلهم في سن بعض وبيتفقوا انهم ينزلو يسهروا برة من غير ماحد يعرف
امجد
انت بتقول ايه يا أحمد دي مامتي لو عرفت دي تخلي يومي مش معدي لا لا ياعم مش نازل معاك
انت هتفضل طول عمرك جبان كده وپتخاف منها متكبر بقا يابني وتخليك راجل
امجد
انت متعرفش يا أحمد ماما صعبة قد ايه انا واخواتي عايشين معاها وعارفنها كويس دي حتى مش بتسيب اخويا زياد الكبير يتأخر بره
أحمد
محڼا مش هنتاخر دي كلها ساعة هننزل نلعب بلاي ستيشن في الكافية ونرجع ولا حد هيحس بحاجة
امجد
لا لا روح انت لوحدك انا مليش دعوة بيك
أحمد
خليك كده طول عمرك جبان انا كنت هاخدك وننزل ومفيش حد برة هيشوفنا كلهم في أوضهم حتى اخوك زياد مش موجود يبقا مفيش مشكله
وفكر امجد شوية كده وقالة
طيب انا جاي معاك عشان بس اثبتلك اني مش جبان يا أحمد
رجع زياد من برة ملقاش اخوه ولا احمد في الاوضة خبط على البنات عشان يسالهم فتحتله
مروة
خير يازياد عايز حاجة
زياد
متعرفيش أحمد وامجد فين يامروة اصلهم مش موجودين في الاوضة
مروة
لا
