عملوا حاجه في بائعه الجبنه
انما السكان تديهم قرشين وتسكتهم
منصور
لا مرات اخويا هي اللي معصلجة شويتين بس انا بقا هكسر عنيها وقفل معاه
وتاني يوم جهزت شغلي اللي بعملة من الزبدة والقشطة واللبن ونزلت على السوق الصبح بدري خلصت الشغل وقبل مارجع البيت قولت اعدي على امي اشوف طلبتها لأنها ست كبيرة واخويا عايش معاها
سمية
مساء الخير يا أمي مش محتاجة حاجة اعملهالك
الام
لا يابنتي مش عايزة حاجة وبعدين مرات اخوكي هنا اهيه مخلياني مش عايزة حاجة
لقيت مرات اخويا خارجة من المطبخ بتقولي
منال
عاش من شافك ياسمية ايه ياختي هو انتي مش ليكي ام والمفروض تيجي تطلي عليها
معلش يامنال انا عارفة اني متقلة عليكي بقعدة امي معاكي بس انتي عارفه انا طول النهار في السوق وامي عايزة رعاية والبنات مش هيقدروا عليها لوحدهم
منال
مانتي عشان مدلعاهم ومش عارفة تخليهم يعملوا كل حاجة وبعدين يعنى امك اهي قاعده في البيت معززة مكرمة والدور والباقي على اللي هيترمو في الشارع ومش هيلاقو مكان يقعدوا فيه
سمية
قاصدك ايه بالكلام ده يامنال
منال
ولا قصدي حاجة بس سمعنا ان عم البنات عايز يطلعكم من البيت ومكلم محامي كبير اوي عشان يخلص الموضوع ده
سمية
منال
ههههه وانا مالي انتي بتقولي لي انا ليه انا بقولك الكلام اللي داير في البلد كلتها والناس ملهاش سيرة غير الموضوع ده
سمية
انا هخلي كل واحد يحط لسانة جوه بوقة
الام
متعمليش مشاكل مع حد ياسمية يابنتي ولو حصل حاجة هاتي البنات وتعالي هنا البيت مفتوحلك لحسن منصور ده شړاني ومش هيسيبك في حالك
منال
تيجي فين هو البيت مكفيني انا وعيالي وانتي وابنك لما هتيجي سمية بعيالها كمان
سمية
انا لا جاية ولا رايحة يامنال وقبل ماتتكلمي متنسيش ان البيت ده بيت ابويا وانا ليا فيه زي ماجوزك ليه فيه
لا ياحبيبتي ده بيت جوزى وبيتي وكفاية اني مستحمله امك معانا واحدة غيري كانت رمتهالك من زمان بس انا بنت أصول وسيبها معانا اخد فيها ثواب
سمية
ينهارك مش فايت يابنت بتاعت الفجل انا هوريكي ولما سمعت الكلام ده من مرات اخويا كنت قايمة اضړبها بس امي اللي حاشتني عنها
الام بټعيط
خلاص ياسمية عشان خاطري يابنتي استهدي بالله
منال
ايه انتي كمان جاية تضربيني في بيتي طيب لما يجي جوزى وسبتنا ودخلت
سمية بصوت عالي
واديكي على دماغك كمان بس امي اللي حاشتك مني ويامنال انتي ليكي راجل يترد عليه لما يرجع سامي اخويا يشوفله صرفة معاكي قال بنت أصول قال نسيت نفسها بنت بياعة الفجل
خلاص بقا ياسمية يابنتي يعنى ادعي على نفسي عشان ربنا ياخدني وترتاحو مني
سمية
بعد الشړ عليكي ياما متقوليش كده دانتي الخير والبركة انا هسيبك وامشي ولو البت دي اتكلمت معاكي ولا زعلتك اتصلي عليا يلا فوتك بعافية
ورجعت على البيت وكان منصور قاعد قدام البيت كالعادة
منصور
حمد الله على السلامة يامرات اخويا
سمية
ااه ماهي نقصاك انت كمان
منصور
بتقولي حاجة يا ام البنات
سمية
لا مبقولش يامنصور وسبني اطلع شقتي عشان راجعة مش شايفة قدامي من كتر التعب
منصور
ما انتي بايدك ترتاحي من ده كله يابنت الناس
سمية
قصدك ايه يامنصور
منصور
قصدي انتي عارفاه كويس ياسمية وعارفه اني لسه شاريكي ورايدك في الحلال بدل المرمطة اللي انتي فيها انتي والبنات دي
سمية
قولتلك نجوم السما اقربلك مني يامنصور
منصور
يعنى الحق عليا اني عايز اريحك من الشغل والتعب واخلي ست الستات وهجيبلك بيت من بابه ليكي انتي وبناتك
سمية
انا عايزة الشغل والتعب ده والفكرة اللي في دماغك دي تشيلها خالص انت سامع ولا لا وبعدين ياراجل اختشي على دمك وركز مع عيال ومع مراتك اللي
