عملوا حاجه في بائعه الجبنه

عملوا في فلاحه بائعه الجبنه والذبده كارثه ورد فعل بنتها الكبيره صادمه
وقبل ما نبدأ حكايتنا اعرفكم بنفسي انا اسمي سمية عندي 35 سنة جوزى راح وسبلي بنتين الكبيره امل عندها 19 سنة والصغيرة سعاد عندها 15 سنة وفي يوم لقيت عم البنات بيزعق نزلت من شقتي لقيته بيقول
منصور
انتي بتعلي صوتك عليا يابت انتي اټجننتي ولا ايه هي دي التربية اللي امها ربتهالك
امل
امي ربتني احسن تربية ياعمي وحضرتك عارف كده كويس
منصور 
انتي كمان بتردي عليا تاني
سمية 
في ايه يامنصور بتزعق للبنت كده ليه هي عملت ايه في ايه يا امل
منصور 

تعالي ياست هانم يلي سايبة بنتك تسرح من صباحية ربنا وانتي سيباها ولا على بالك
سمية 
يعني ايه تسرح دي متحسن ملافظك يامنصور ايه الكلام الفارغ بتاعك
منصور 
اه مانتي سيباها دايرة على حل شعرها
امل 
ياعمي حرام عليك الكلام ده انا نزلت السوق النهارده بدل امي لما لقيتها تعبانة ومش قادرة تنزل بالجبنة والزبدة عملت ايه انا عشان تقول عليا كده
سمية 
بقولك ايه يا منصور انت ملكش دعوة ببناتى عشان انا مربياهم وعارفه اخلاقهم كويس وبنتي كتر خيرها قالت تريحني النهارده وتنزل هي السوق معملتش چريمة
منصور 
وتسيبها ليه تنزل السوق وانتي عارفة انك بنتك حلوه وفيها الطمع وبعدين دي بنت المرحوم اخويا واخاڤ عليها
سمية 
بنت المرحوم اخوك من امتى ده ان شاء الله مانت سيبني انا وبنات المرحوم اخوك شقيانين وشاربين المر عمرك جيت وقولت اساعد بنات المرحوم اخويا
منصور 
ما حنا سايبينك قاعدة في شقة يرمح فيها الخيل عشان خاطر بناتك ياسمية ولا هتنكري
سمية 
لا مش هنكر بس الشقة مش هتاكلني ولا تشربني انا وبناتي يامنصور وياريت تلم نفسك عني وبناتي ومتدخلش في حياتنا عشان محدش بيصرف عليهم غيري ووسعي كده خليني اطلع شقتي يلا يا امل
منصور وقف يقول لنفسة 
بقا كده ياسمية طيب انا هوريكي
امل 
انا اسفة ياماما اني خليت عمي يزعق
سمية 
وانتي ذنبك ايه يا امل ملكيش ذنب ياحبيبتي اصل انا عارفه عمك بيعمل كده ليه
سعاد 
ليه ياماما مع انه المفروض يبقا مكان بابا الله يرحمة ويعوضنا عن حنانه
سمية 
مفيش حد هيبقا حنين عليكم بعد ابوكم الله يرحمة يابنات
امل 
طيب هو عايز مننا ايه
سمية 
عايز يرمينا برة البيت الكبير ده عشان عرفت انه جيابلة مبلغ كبير وعايز يبيعة ومش هيعرف يعمل كده غير لما اخرج منه انا وانتم
امل 
طيب ماهو عمي محمد قاعد هو كمان فوقينا مش بيعمل معاه كده ليه
سمية 
عشان عمك محمد الصغير وبيسمع كلام اخوه واكيد اول ماهيقولو اطلع من البيت هيسمع كلامة علطول
امل 
طول عمره قاسې علينا حتى ايام بابا عايش الله يرحمة
سمية 
سيبكم منه وقومو يلا نعمل لقمة ناكلها
وتحت عند منصور مراتة قالتله 
بقا مش عارف تجيب البت من شعرها يامنصور حتة بت زي دي تعلي صوتها عليك
منصور 
اسكتي ياهانم انا مش ناقصك انتي كمان
هانم 
اهيه وانا مالي ياخويا انت معرفتش ترد على سمية وبنتها هطلعة عليا انا انا ماشية من قدامك
منصور اتصل علي حد في التليفون
الو ايوه يا استاذ اشرف انت مش ناوي تخلصلي في موضوع البيت ده بقا انا عايز اخلص
اشرف
لسه ماشين في الورق يا حج منصور انت عارف حاجة زي دي عايزة وقت
منصور
يا استاذ اشرف انا محتاج الفلوس اللي هبيع بيها البيت ده ولازم اخرج اللي فيه بأسرع وقت
اشرف
انت قولتلي عندك سكان قد ايه في البيت
منصور
عندي ساكن في الدور الأرضي وساكن في الدور التاني وشقه فيها اخويا الصغير هو ومراتة وشقة فيها مرات اخويا وبناتها عايز اغورهم كلهم وافضي البيت
اشرف
طيب محلولة ياحج لو جات على اخواتك هيطلعو علطول