حمايا. عيال سلفتي_كامله _بقلم هويدا زغلول
انت في الصفحة 1 من 7 صفحات
كنت فاكره راجل عينه زايغه لما قالي ارفعي هدومك وبعدها حصل
قبل مابدا حكايتي اعرفكم بنفسي انا اسمي قمر عندي 21 سنة عايشه مع خالتي مانا مليش حد غيرها بعد امي وابويا ماراحو
وفي يوم لقيت خالتي
صباح
انتي يابت هو انتي هتفضلي قاعدالي كده من شغله ولا مشغله
قمر
اعمل ايه بس ياخالتي وهو انا لقيت شغل وقولت لا ماهو على يدك كل حاجة
وانا مالي بالكلام ده انتي تنزلي وتدوري تاني لحد متلاقي منا مش هفضل اصرف عليكي والبسك واهيئك وكل ده منين من معاشي اللي مبقاش يكفي
قمر بتقول لنفسها بصوت واطي
يووووه الاسطوانه بتاعت كل دي اللي مش هنخلص منها
صباح
بتقولي حاجة يامنيلة
قمر
لا ياخالتي مبقولش حاجة بقول يعني هبقا انزل ادور وفجأه لقيت الباب بيخبط بفتح لقيت
هو انت
فتحي
بقا دي مقابلة برضو تقابليني بيها ياقمري
قمر
لخص وقول جاي في ايه
صباح
واقفة مع مين على الباب ياقمر
فتحي
ده انا فتحي ياخالتي
صباح
عايز ايه يامنيل وايه اللي جايبك على الصبح كده
فتحي
لا ابدا مفيش دنا جاي اطمن عليكو واشوفكو لو عايزين حاجه
قمر
انا داخلة جوه ياخالتي لحسن النفس خلص من الصالة هنا وسبتهم ودخلت اوضتي
بشوقك ياقمر
هو انتي بقا ياخالتي مش ناوية تجوزيني قمر دنا خلاص مش قادر وعايز نتلم انا وهي في بيت واحد
صباح
وهي قمر بطيقك ولا بتتصورك قدامها ياواد دي حتى مش بطيق تسمع سيرتك
فتحي
والله ياخالتي وماليكي عليا حلفان قمر دي لو وافقت عليا لاتقلها بالدهب وانتي كمان
منين ياحسرة وهو انت حيلتك حاجة ياروح خالتك
فتحي
انا قدامي شغلانة سوقع ياخالتي ادعيلي بس أفلح فيها وانتي هتشوفي فتحي تاني خالص
صباح
ها خلينا ورا الكداب
فتحي
هي بس تقول ااه وملكيش دعوة بالباقي مش هخليكي تشيلي همها ولا تجبيلها فتله في الجهاز
صباح
والله ياخويا ياريت احب على قلبي انها تغور وتروح بيت العدل
خلاص يبقا اتفقنا هي بس كلها كام يوم واجي اطلب ايديها رسمي ونقرا الفاتحة اطير انا بقا
وسبها ومشي وانا خرجت من جوه وبقولها
قمر
هو جاي عايز ايه ياخالتي وعمال يرغي معاكي في ايه كل ده
صباح
يابت الواد فتحي شاريكي وعايزك ده واد مجدع وكسيب ياعبيطة اسمعي مني
قمر
مين ده اللي كسيب ياخالتي ده حرامي وكل الحتة عارفة عنه كده عايزة تجوزيني واحد حرامي
يابت حرامي ايه ده غلبان وانتي عارفه الناس مبتسبش حد في حالة هو انتي لسه هتعرفي يعنى ياقمر
قمر
بقولك ايه ياخالتي انا مش هوافق على الزفت ده حتى لو حكمت أعيش عانس ولا اني اتجوزة انتي سامعة ولا لا
صباح
طيب ياضنايا يبقا تنزلي تدوري على شغل بدل ما انتي قاعدة كده ليل نهار مبتعمليش حاجة
قمر
حاضر ياخالتي هانزل
وفعلا نزلت ولفيت البلد كلها على اني الاقي شغل مفيش حد عايز
طيب اعمل ايه انا لو رجعت لخالتي من مكون اشتغلت مش بعيد ترميني برة البيت دي مفترية وانا عارفاها
عديت على وردة صاحبتي ومتربيه معايا في نفس المنطقه ورحت عندها البيت
وردة
اهلا يا قمر ده ايه النور ده يابت وحشانى
قمر
ازيك ياوردة و امك عاملة ايه وهو اخوكي لسه مرجعش من السفر
وردة
لسه ياقمر ياقمر وامي هتتجنن عشانه ربنا برجعة بالسلامة بقا
قمر
يارب ماهو برضو بقاله فترة كبيرة غايب وامك غلبانة ومريضه ومش بتستحمل
وردة
هيعمل ايه يعني ماهو الحال واقف هنا ومفيش شغل يلا هنقول ايه المهم انتي عاملة ايه وايه اللي فكرك بيا دنا قولت انك نسياني
قمر
ازاى يابت انتي علطول في بالي بس انتي عارفه خالتي مش بتسبني اروح عند حد خالص
وردة
انتي هتقوليلي على خالتي صباح الله يكون في عونك منها
قمر
هعمل ايه نصيبي كده بقا الا بقولك ياوردة متعرفيش حد
