جوز اختي _الثانيه_بقلم هويدا زغلول

وبدأ يوسف يفتكر اللي حصل زمان 
لما دخل باب الشقه وكانت الهام تعبانه
الهام _ كويس انك جيت يا يوسف بجد انا تعبانه 
وبحس لما باخد العلاج بتعب اكتر معرفش ليه
يوسف _ بطلي دلع بقي كل شويه تقولي 
كده وعامل اغير في دكاتره وعماله اصرف عليك قد كده وكل شويه تعبانه تعبانه تعبانه حرام عليكي بقى
الهام _ طيب ما تخليني اروح للدكتور محمد صاحب زميلتي بتقول عليه ان هو شاطر

يوسف _ قولتلك لا مش هيحصل وبعدين هي زي اختك عارفه ان انتي تعبانه ومش جايه تقعد معاكي يعني
الهام _ والله يا يوسف على طول بتكلمني ان هي تيجي تقعد معايا وانا بقولها لا هبقى كويسه مش عايزه اشيلها همي برده
يوسف _ هو انتي ايه غاويه شايلين انا همك اوعي كده من وشي انا اتخنقت
وبعدها دخل الاوضه وكلم الممرضه وقالت
الممرضه _ ها العلاج جاب نتيجه خلاص
اجهز العبايه السمرا
يوسف _ انتي تخرسي خالص مش عايزه اسمع صوتك دي ما بيحصلهاش اي حاجه كل شويه تقولي تعبانه بس وانا عمال ادفع في مصاريف علاج
الممرضه _ هو مش انت اللي عايز ان ما يبانش أنه ب فعل فعل اللي عمل كده
ما تصبر بقى
يوسف _ اديني صابر علشان حب عمري
الممرضه _ المهم اول ما يحصل اللي احنا متفقين عليه تتصل بيا وتكلمني عشان اجي اخد الحلاوه
يوسف _ يحصل بس من عيني ليكي
رجوع
يوسف _ اه لو تعرفي يا سهام انا بحبك 
ازاي كنتي هتحبني اوي والله
وفي الاتليه كنت وافقه مع شيماء
والبنت صاحبه الاتليه وانا قولت
سهام _ انا مش قادره اصدق والله معقول الاسعار اللي انتي بتقولي عليها دي وهقدر كمان اخد الفستان اللي انا عايزه بجد مش عارفه اشكرك ازاي
البت _ حبيبتي لا ليه كله تحت امرك انتي ما تعرفيش شيماء غاليه علينا ازاي
سهام _ بجد باين عليها انسانه محترمه وكويسه جدا طيب الفرح بكره باذن الله
البنت _ خلاص تسيبي عربون علشان خاطر احجزلك الحاجه وهستناكي بكره باذن الله
سهام _ شكرا ليكي وبعدها روحت شقتي 
ولقيت الباب بيخبط وفتحت وكان يوسف
سهام _ خير يا يوسف عايز مني ايه تاني مش خلاص بقي لحد كده
يوسف _ بجد انا حسيت قوي ان انا غلطان وجاي اعتذرلك على اللي انا عملته ياريت ما تزعليش مني
سهام _ وده من امتى بقى ان شاء الله ده ناسي اللي انت عملته فيا ولا ايه ده انت لغيتلي المواعيد كلها
يوسف _ بجد انا كنت انسان اناني مش بفكر الا في نفسي وبس حقك عليا ما تزعليش
سهام _ ما فيش مشكله بس للاسف انت مش هتقدر تحضر فرحي لو انت بتعمل كل ده علشان خاطر تيجي الفرح
يوسف _ خالص والله كل اللي عايزه انك 
تسامحني علي اي حاجه عملتها