عسل اسود
لقمه يملي معدته علشان يسد جوعه....
يرد مصري ايوا يعني هي دى مالها ومال ريقي.... متقول فطرت... فطرت بس كده
يرد عم راضي...
لااااا دانت علي الله حكايتك...
بوص انت هتسمع كلام كتير اوي عجيب هنا
متستغربش
واحده واحده هتفهم وتتعود
زى ماحنا اتولدنا ولقينا كده واتعودنا....
مصري....وهو يهز راسه
طيب...طيب....
تدخل السياره الي الشارع وتتوقف امام منزل سيد العربي وينزل مصري من السياره وينظر الي اليافطه ويمسح عليها وهو ينظر الي الاعلى ويجد حماصه ينظر من النافذه ويصيح...
مصلي لجع...مصلي لجع...
يدخل مصري الي العماره ويصعد السلم ويقابله سعيد وخلفه حماصه ويحضنه سعيد ويبقي قائلا...
انا كنت حاسس... كنت حاسس انك هترجع يا مصري..
وحماصه يمسك ببنطال مصري وينظر الي الاعلي قائلا...
مس اولتلك يا مصلي انك لما تسلب من مية النيل هتلجع تاني واهو لجعت...
وبنظر مصري الي حماصه وهو يلامس ويداعب راسه مبتسما.....
المشهد مصري يجلس مع عائلة ام سعيد وهم يتناولون الشاي....
ام سعيد....
يرد حماصه...
هو لجع عسان ان سلبتو ميه من الحنفيه....
مس صح يا مصلي صح....
يرد مصري....
صح يا حماصه....
ويضحك الجميع....
وتخرج ام سعيد مفتاح الشقه وتمد يدها الي مصري قائله...
طيب يامصري يابني طالما انت رجعت تبقي تاخد مفتاح شقتك اهو لسه معايا....
مصري ينظر لها معاتبا...
انتي بتقولي ايه بس مفتاح ايه اللي اخدو بعد ما ادتهولك....
رجعي المفتاح رجعيه خلاص دى بقت شقة منصف وابتسام....
وانت يامصري يابني تقعد فين في الشارع.... لالالالا يامصري لا يابني دي مهما كان شقتك برضو امسك يا مصري امسك....
خلاص بقي والله ماهو راجع انا خلاص دبرت حالي هقعد في شقتنا الجديده التانيه اللي كان والدي الله يرحمه كان شاريها....
يرد منصف....
امسك يامصري مفتاح شقتك انا مقدم علي شقه في الاسكان وان شاء الله هستلمها ونقعد فيها....
ترد نوسه شقة ايه يا منصف دانت مقدم عليها بقالك سبع سنين ولسه حتي مردوش عليك....
مصري متعجبا... وووووات.. سبع سنين.... ليه كل ده هو فيه مشاكل في شركة اللي بتبني المساكن دي....
لا يا مصري انا افهم...
انت هنا في مصر لما ينزل اعلان شقق تقدم عليه سنتين تخلص ورق وسنتين زيهم تدفع اقساط وسنتين تلاته اربعه عشره تستنى دورك عشان تستلم وعلى ماتستلم تكون خلاص انتقلت الي رحمة الله....
يرد مصري....ايه ايه ايه كل داا الحاجات دي كلها لازم تتغير...
سعيد... هههههه تتغير كان غيرك اشطر....
مصري ليييبه ليه كلكو كده ليه السلبيه دي انا هعلمكو تبقو ايجابيين ازاي....
مصري....
ادي المفتاح لمنصف يا ام سعيد وانا دلوقت هروح اشوف الشقه علي فكره هي قريبه من هنا هبقي ازوركم كل شويه وينهض مصري...
يدخل سعيد الي غرفته ويخرج بالكاميرا ويعطيها لمصري قائلا...
الكاميرا بتعتك يا مصري....
مصري....
اي ده يا سعيد انت كمان..
خلاص الكاميرا دي بقت بتاعتك...
وينظر سعيد الي الارض وهو يحتضن الكاميرا نظرة انكسار....
مصري....
يلا هبقي اجيلكو تاني.....
المشهد مصري مع عم راضي في السياره...
عم راضي...
علي فين العزم ان شاء الله....
مصري...
امشي امشي بس كده علطول واخر الشارع يمين.....
وتنطلق السياره في الاتجاه الذي اشار اليه مصري....
تصل السياره الي نهاية الشارع ويشير مصري الي العم راضي....
باااااس بس بس بس هنا هنا ياراضي هنا....
وتتوقف السياره....
ينزل مصري من السياره ويصعد السلم الي الدور الثاني ويخرج المفتاح ويوجد في الدور اربع شقق ولا يوجد عليهم ارقام....
مصري يقف حائرا وبعدييييين بعدين ياتري انهو فيهم الشقه هو كان قالي بس انا نسيت... ممممم ايه الحل يامصري ايه الحل مممممم ايوة انا هخبط والشقه اللي حد هيرد عليا فيه تبقى دى مش شقتنا...
ويتجه مصري الي اول شقه ويطرق الباب مره اثنين ثلاثه.... ويخرج له رجل ضخم ويلبس فانله حمالات داخليه بيضاء وكثيف الشعر في جسده....
وينظر الي مصري من اسفله الي اعلاه...
قائلا....
انت مين بقي انت راخر بتاع زباله ولا بتاع ديريفري وتايه قرفتونا وقلتو منامنا....
مصري يرد....
زباله هم هنا بيبيعو الزباله....
يرد الرجل...
انت باين عليك عبيط ولا ايه وقبل ان يرد عليه مصري يغلق الرجل الباب في وجه مصري وهو يقول يارب ريحنا بقي من الاشكال دي....
مصري....
ايه ده هو ماله...
يقف مصري حائرا مره اخرى وهو واضعا اصبع على فمه....
مممممم كده فاضل تلاته....
ويتجه
