عسل اسود
انت في الصفحة 1 من 4 صفحات
فيلم_عسل_اسود.. الجزء الثاني
الفقره الاولى... بقلم حماده فاروق هاشم
فيلم عسل اسود الجزء الثاني...
تأليف حماده فاروق هاشم
............
المشهد الطائره وهي تهبط مدرج المطار بعد تظاهر مصري باعياء شديد وابراز جواز السفر الامريكي بعد ان علم ان هذا هو الحل الوحيد لاجبار الطائره علي العودة الي المطار وكان بداخله ضيق وحزن شديدين علي هذه الاحوال التي آلت اليها بلده المحبوب مصر....
الطائره تهبط وبانتظارها سيارة الاسعاف والاطباء ينتظرون بقلق وتوتر وكأن المړيض الذي بالطائره هو رئيس امريكا وليس مجرد مواطن عادي....
المشهد داخل سيارة الاسعاف ومصري ممدد علي السرير ويحاول فتح عينيه بالتدريج ليجد احد الاطباء بجواره....
مصري متظاهرا....
ايييه دا دا دا ده انا فين ايه اللي حصل.... الطبيب بقلق وارتباك... وهو يحاول تثبيت جهاز التنفس علي فم مصري بعد ازالته...
اهدى يافندم اهدى انت حاسس بايه دلوقت انت كويس....
شووور انا كويس انا مفيش حاجه اصلا انا مش تعبان....
الطبيب متفاجئ...
ايييه انت بتقول ايه... مش عيان....
مصري....
ايوااا مش عيان حتى شايف ويرفع يديه وقدميه وهو يحركهما حركات كوميديه ليثبت للطبيب انه غير مريض....
الطبيب...
طب ليه يافندم عملت كده....
مصري وهو يعتدل جالسا علي السرير....
شووف يا دكتور انا اكتشفت شيء فظيع هنا بعد مانزلت مصر بعد 20 سنه وكنت راسم صوره خياليه عن الحياه هنا في مصر وبعد ما نزلت مصر اكتشفت ان الصوره الخياليه الحلوة اللي كنت راسمها طلعت برضو صوره خياليه بس وحشه...
تصدق يا دكتور علشان اجبرهم يرجعو بالطياره اتطريت اقولهم اني انا امريكاني....
الطبيب مبتسما...
طيب وايه الغريب في كده... انت كده عملت الصح...
صح ايه صح ايييه بس يادكتور....
وليه... ليه هو الامريكاني ده انسان والمصري ده كائن تاني مهو انسان برضو....
الطبيب مبتسما... ابتسامه صفراء...
خليني ساكت يافندم بالله عليك متقطعشي عيشي انا عاوز اربي عيالي....
مصري...
بص حتي انت كمان يادكتور.... ليييبه... ليه كلكو سلبيين كده.... ليه مش عاوزين تكونو ايجابيين....
شكلك مش فاهم حاجه في اي حاجه....
بص مش انت رجعت اهو تاني لمصر حاول انت بقي تبقي ايجابي وشوف اللي هيحصلك.....
مصري....
ايوة انا هكون ايجابي مش هحاول..
لا هكون ايجابي
ايه اللي هيحصل اصلا
وهخليكو انتو كمان ايجابيين يكون في علمك....
وتتوقف السياره امام المستشفي وينظر الطبيب الي مصري....
طب بس بس اسكت علشان وصلنا ونام يلا علي السرير نام...
مصري وهو ما زال جالسا...
لا انا حلو كده مش هنام انا.... مهو انا امريكي....
ويصعد موظفي الاسعاف وينقلون مصري وهو جالس علي السرير وينظر حوله وينظر زوار المستشفي علي المصري باستغراب وهو جالس علي السرير بطريقه كوميديه وهو يخرج هاتفه الجوال ويتصل بعم راضي...
الوووو ايوه ايوه يا راضي انت فين....
انا مصري يا راضي انت لحقت تنساني...
ايوا ايو انا رجعت تاني....
هبقي احكيلك بس تعالالي عند مستشفي مستشفي وينظر حوله لعله يرى اسم المستشفي وينظر الي موظف الاسعااف الذي ينطق بدوره...
مستشفي السلام يابيه....
مصري يكمل للعم راضي قائلا...
مستشفي السلام يابيه...
الموظف ضاحكا لا لا مستشفي السلام وبس....
ينظر مصري الي موظف الاسعاف...
هي مستشفي السلام يابيه ولا مستشفى السلام وبس.... انا مش فاهم...
موظف الاسعاف بتعجب يرد...
مستشفي السلام... مستشفي السلام من غير بيه ولا بس....
مصري يرد طب يا اخي متقول كدا....
ويكمل مصري... للعم راضي...
مستشفي السلام عارفها...
طططط طيب طيب ياعم راضي متتاخرش...سلام....
المشهد الثاني يدخل العم راضي الي فناء المستشفى بالسيارة ويجد مصري في انتظاره....
يقترب مصري من السياره ويفتح الباب ويركب....
المشهد الثالث السياره في الطريق والعم راضي يتحدث مع مصري....
بس ايه اللي غير رايك تاني يا مصري مش كنت... ويقاطعه مصري قائلا...
برضو تاني مصري لحقت تنسي لحقت تنسي كل حاجه...
يرد عم راضي....
متاخذنيش يا استاذ مصري ايه بقي اللي رجعك تاني...
انا رجعت علشان ابقي ايجابي واغير ايه رايك ياعم راضي تغير معايا....
يرد العم راضي...
لا يا استاذ مصري انا لسه مغير الصبح....
يرد مصري متعجبا...
لسه مغير الصبح!!!! غيرت ايه....
يرد العم راضي...
غيرت ريقي....
مصري متعجبا.... غيرت ريقي يعني ايه ريقي....
يضحك عم راضي قائلا ايوا ايوا انا نسيت ان انت متعرفش الكلام ده...
بوص يا استاذ راضي....
الواحد مننا لما بيقوم الصبح بيبقي علي لحم بطنه جعان يعني ولازم الواحد ياكله
