اكتشفت خېانه جوزي من شعره علي قميصه _كامله_بقلم هويدا زغلول

اكتشفت خېانة جوزي من شعره علي قميصه
بتبدا قصتنا
في الشركه وبالتحديد في مكتب حازم بتدخل على السكرتيره ريهام ومعاها فنجان القهوه
ريهام بدلع
اتفضل يا حازم بيه انا جبت لك القهوه بتاعتك بنفسي
حازم ببرود
امال عم عثمان الفراش فين واللي هو ماجابش القهوه
ريهام
ده انا عملتلك القهوه من البن بتاعي وعارفه انك هتحبها
حازم
تاني مره ما تبقيش تعملي حاجه من دماغك.. وما لكيش دعوه باي حاجه في الشركه هنا غير شغلك وبس ده لو كنت عايزه تكملي معانا..
ريهام 
انا بس كنت..
حازم
بلاكونتي بلا ما كنتيش.. اتفضلي روحي على مكتبك يا انسه وخدي القهوه معاكي.. بتطلع من ريهام من المكتب وهي متغاظه وبينها وبين نفسها بتقول طيب يا حازم لو ما خليتك ټندم على اللي عملته ده مابقاش انا ريهام...

عند حازم في البيت كان بيتكلم هو وسماح مراته
حازم بعصبية
هو احنا كل شهر يا سماح هنعمل تحاليل ما هي النتيجه واحد ولا هي خساره فلوس وخلاص
سماح
قول بقى ان همك على الفلوس والمصاريف ومش بتفكر في الخلفه
حازم
وبعدين بقى انت عايزه تقلبي الترابيزه عليا مش الدكتوره قالت ان احنا مش هنعمل تحاليل تاني قبل تلات شهور ايه لازمتها بقى كل شهر نروح نعمل تحليل
سماح
وانت يعني كنت دخلت في علم الغيب مش يمكن لما نعمل تحليل الهرمونات ده يكون في تحسن..
حازم بيحاول يمسك اعصابه
سماح يا حبيبتي انا عارف أن نفسك تخلفي بس صدقيني ما فيش حاجه بتيجي بالطريقه دي الخلفه والاولاد زيهم زي الفلوس بالظبط رزق وكل حاجه بتيجي في وقتها ومهما عملنا ولا مهما استعجلنا برده اللي كاتبه ربنا هيكون
سماح بدموع مكتومة
احنا بقالنا 8 سنين متجوزين وانا بصراحه تعبت من الدكاتره ومن الادويه ونفسي افرح ويبقالي طفل منك..
حازم
شفتيه اهو انت بنفسك قلت تعبتي.. يبقى نعمل ايه نستنى ونصبر ونسمع كلام الدكتوره. وبعدين يا ستي انا كمان نفسي في طفل منك بس زي ما قلتلك مش هقدر اتدخل في إرادة ربنا
سماح
يعني انت مش هيجي اليوم اللي تزهق مني وتقول عايز اتجوز عليك
حازم بتوتر
ها.. معقوله يا سماح انا اقول كده امال لو مش كنت عارفه ان انا بحبك قد ايه.. وانا لو لفيت الدنيا كلها مش هلاقي واحده زيك.. ويلا بقى يا ستي عشان هنخرج نتعشى مع بعض..
سماح
خلاص انا هجهز نفسي بس ليا طلب صغير عندك. انا بكره هروح اقضي اليوم مع اختي شيماء وانت اول ما تخلص شغل تبقى تعدي تاخدني من عندها والصبح توصلني معاك ليها
حازم
رغم اني مش بحب اختك شيماء دي عشان كل مره بتيجي من عندها متغيره وبتقلبي علي بس برده حاضر مش هرفضلك طلب... ممكن بقى تدخلي تجهزي عشان ننزل
وفي اليوم الااني بيوصل مراته سماح عند اختها شيماء
شيماء
يعني لو ما كنتش اقولك تعالي قضي اليوم معايا ما تجيش ده حتى جوزك ماطلعش يكلف خاطره ولا يسلم عليا
سماح
اصله كان متاخر على الشغل بس ما تقلقيش يعني اكيد وهو راجع هيسلم عليكي
شيماء
وانا ايه اللي يقلقني وبعدين ما انا عارفه انه مش بيطيقني ولا بيطيق سيرتي عشان ما كنتش موافقه على جوازه منك
سماح
وبعدين بقى يا شيماء انا جاي اقضي معاكي اليوم ولا انت تفضلي تقلبي في القديم والجديد
شيماء
ولا اقلب ولا اعدل المهم عملت ايه في الموضوع اللي قلتلك عليه جبت زي ما قلتلك
سماح
ايوه جبت لك فرده من شرابه بس انتي متاكده ان الشيخ مبروك ده سر باتع زي ما بتقولي ولا هيطلع زيه زي اللي قبله
شيماء
طبعا متاكده انا ليا واحده صاحبتي فضلت 15 سنه مش بتخلف واول ما راحت عنده يا دوب شهرين وطلعت حامل المهم حازم جوزك ما يعرفش اي حاجه عشان العمل ما يفكش ويبقى كانك يا ابو زيد ماغزيت
سماح
من الناحيه دي اطمني المهم يبقى بفايده.
شيماء
طيب انا هدخل البس دلوقتي عشان ننزل نروح للشيخ قبل ما جوزك يرجع من الشغل.. وفعلا بيروحوا للشيخ اللي اسمه مبروك
مبروك
حي اشتاتا اشتوت احضر انت وهو وبسرعه عليا فوت
سماح
يا ماما انا خاېفة
شيماء
اسكتي ما تخوفنيش انا جتتي مش خالصه... خلصني يا شيخ مبروك احنا جايينلك بسبب سيرتك
مبروك
كله مقدر ومكتوب المهم تنفذه من المطلوب
شيماء
قول كل طلباتك واحنا علينا التنفيذ
مبروك
هيبقى معاك طفل وهنرجع شمل الاحباب المهم تديني فرده