اكتشفت خېانه جوزي من شعره علي قميصه _كامله_بقلم هويدا زغلول

باله منه غير مراته وهي بتغسل القميص...
وكمان حطيت معاها كم شعرايه طويله عشان تبقى كل حاجه مظبوط
ريهام بسعادة
تسلم ايدك يا عم ايمن عقبال ما تخلصلنا الشغلانه الكبيره
صاحب المغسلة
احنا تحت امرك المهم تظبطينا في الفلوس وانا هعملك شغل الجن الازرق يحتار فيه
ريهام
اتفضل يا عم ايمن دي الفلوس اللي طلبتها مني وكمان بزياده حبتين...بعد شوية بترجع ريهام علي الشركة
ريهام
اتفضل يا حازم بيه القميص اهه وقبل نص ساعة كمان
حازم
معقول انا مش مصدق لحقتي
ريهام
طبعا أنا عارفة انا بقول اي....بتبص علي الارض بتمثل الحزن وانا آسفة علي اللي حصل صدقني ڠصب عني
حازم
مافيش داعي للاسف حصل خير أنا يادوب الحق الإجتماع دلوقتي...
ريهام
اتفضل يا حازم بيه ...بعد شوية بيخلص الاجتماع وبيرجع حازم علي مكتبه... وبعدها بتدخل ريهام
ريهام
المره دي حازم بيه مش هتكسفني وهتشرب القهوه من ايدي بدل القهوه اللي انا دلقتها وصدقني مش هتندم
حازم بتأفف من أسلوبها
حاضر يا ريهام مش هكسفك المره دي بس اعملي حسابك دي اول واخر مره
ريهام بثقة
ما اعتقدش حازم بيه اللي يدوق القهوه بتاعه ريهام لازم نكررها تاني تقدر تقول كده عامله زي ميه النيل اللي يشرب منه لازم يرجع له
حازم
يا ترى جايبة الثقه دي كلها من فين.. الظاهر انك لسه ما تعرفيش مين هو حازم
ريهام
بالعكس اعرفك كويس قوي يا حازم بيه وعارفه انا اللي بقوله
حازم
لو فعلا بتعرفيني زي ما بتقولي ما كنتيش تتكلمي بالثقه دي.... بيخلص حازم شغله في الشركة بيرجع على البيت وهناك بتكون مراته سماح مستنياه على الغدا
سماح
انا ملاحظه ان اليومين دول بقيت تتاخر في الشغل
حازم
ما انت عارفه يا قلبي ان احنا في اخر الشهر وانا لازم اقفل الحسابات وكمان انت عارفه احنا لازم افتح فرع الشركة الجديد قبل السنه ما تخلص
سماح
خلاص خدني معاك انزل الشغل انت كذا مره توعدني انك هتنزلني امسك الشغل معاك واساعدك بس بترجع في كلامك تاني
حازم
ان شاء الله لما نفتح فرع الشركه الجديد همسكك هناك مدير ةالشؤون لان انت خريجه حقوق وده انسب مكان ممكن تشتغلي فيه
سماح
ايوه كده كل بعقلي حلاوه وقت الجد هلقاك مشغل واحد من اصحابك معاك وانا هتقولي اي حجه وعشان انا طيبه وبحبك مش هزعل منك
حازم بحب
هو عشان كلامك الحلو ده وعد مني ما فيش حد هيمسك مدير الشؤون الشركه الجديده غيرك انتي.. يلا بقى عشان انا واقع من الجوع وريحه الاكل بتاعك جوعتني اكتر...... بعد ما بيخلصوا الغدا بيدخل حازم يستريح شويه وفي الوقت ده بتتصل شيماء باختها سماح
شيماء
ها طمنيني عملتي اللي قلتلك عليه
سماح
وعملته بالحرف الواحد كان اول يوم امبارح وشرب زي ما قال الشيخ مبروك...
شيماء
اوعي تغلطي قدامه وتقولي حاجه عشان لو ده حصل السحر مفعوله هيروح
سماح
اطمني انا مش هقول اي حاجه بس خلي بالك عشان حازم بدا يشك بس ولمح بالكلام ان احنا بنروح لشيوخ
شيماء
سيبيه لما براحته المهم انت ما توقعيش قدامه باي كلمه... هو بس بيقول كده عشان يوقعك ما تبقيش عبيطه وتقوليله اي حاجه... انا هقفل دلوقتي عشان حسام جوزي جه وهبقى اكلمك في وقت تاني
حسام
اكيد طبعا كنت بتكلمي اختك سماح وطبعا كالعاده كنت بتسخنيها على جوزها المهم نطلع بمصلحة من وراها
شيماء بضحكة
ما تخافش امبارح وديتها لواحد اسمه مبروك وانا كنت متفقه معاه ولهفنا منها 5000 جنيه هو اخد 2000 جنيه وانا اخدت 3000 جنيه
حسام
طبعا دفعت من غير تفكير كالعادة
شيماء
ربنا يكتر من المغفلين...... اختي سماح وجوزها حازم الفلوس عندهم زي الرز يعني ال 5000 جنيه اللي دفعتها دي كانها 5 جنيه....
حسام
والله بدأت اشك ان هي اختك من اللي انت بتعمليع فيها ده انت متاكده انكم اخوات..
شيماء
بقولك ايه يا اخويا مش عاجبك اللي انا بعمله يبقى خلاص اسكت ما تطلبش مني اي فلوس تاني.. ولا ضميرك صحي دلوقتي
حسام
بصراحه ضميرس صحي وما فيش حاجه ممكن تنومي تاني غير باكو ب 1000 جنيه... يفضل صاحي ولا ينام
شيماء
ما ينفعش ياخد 500 جنيه ويعمل نفسه نايم
حسام
كان بودي والله بس انت عارفه اني اقل حاجه بتنوم ضميري 1000 جنيه وعلى فكره الاسعار دي ليكي انت بس عشان انت مراتي حبيبتي لكن لو حد تاني ما كنتش هقبل اقل 2000 جنيه..
شيماء
هدخل اجيبلك ال 1000