ذئب الحلقه 11لحد 15بقلم محمد مالك
انت في الصفحة 1 من 5 صفحات
رواية ذئب تخصص ارامل
البارت الحادي عشر
للكاتب المصري محمد مالك
جميع الحقوق محفوظة
اميرة .. انت !!
عبد الباسط مرتبك .. روح انت خلاص يا بكر وانا هبقي اتصل بيك
بكر مرتبك ايضا .. ماشي يا دكتور .. سلاموا عليكم
اميرة بتعجب شديد .. مين دا !
عبد الباسط .. دا بكر فني صيانه شغال مع شركة الصيانة اللي بتابع الاجهزة هنا في المستشفي .. بس ايه واد خطېر بجد احسن من اكبر مهندس صيانه في الشركة .. بمجرد انه يبص للجهاز يعرف علطول العطل اللي فيه سببة ايه
اميرة .. بس ده انا اول مرة اشوفه هنا !! وبعدين هو احنا عندنا اجهزة عطلانه هنا في المستشفي !! ما اظنش
اميرة .. بس دا يشبة الراجل اللي صدم مني بالعربية !!
عبد الباسط .. مني مين !!
اميرة .. مني السكرتيرة بتاعتك
عبد الباسط .. يا دكتورة .. يخلق من الشبة اربعين
اميرة .. بس هو لية مرتبك ومش علي بعضه .. زي مايكون عامل عملة
عبد الباسط .. خجلان مني مش اكتر .. وبعدين كفاية اسئلة ممكن !!
اميرة .. ماشي يا دكتور تحت امرك بعد ازنك
ثم تنظر له نظرة ذات معني وتنصرف
اميرة .. نعم
عبد الباسط .. هو انتي كنتي جاية عندي ليه !!
اميرة بسخرية واضحة .. عشان اشوف بكر واعرف اد ايه انت بتساعد الناس وبتقف جمبهم وبتداري عليهم .. في الخير طبعا .. بعد ازنك يا دكتور
وفي المساء تعود اميرة الي الفيلا ثم تنادي
اميره .. فايزة .. فايزة .. انتي يا زفته
فايزة .. ايوا يا ست هانم
اميرة .. ايه نايمة علي ودانك ولا ايه !!
فايزة .. تحت امرك يا ست هانم .. يعني جيتي بدري حضرتك
اميرة .. وانتي مال اهلك !! تقي فين
فايزة .. اتعشت ونامت من بدري
فايزة ترتبك ولا تتحرك
اميرة تتعجب .. مالك يا بت واقفة ليه !! مسمعتيش قلتلك ايه !!
فايزة .. سمعت يا ست هانم .. بس ...
اميرة .. بس ايه !!
فايزة .. هو حضرتك لازم تاخدي الشاور بتاعك دلوقتي !!
اميرة .. ليه .. هو فيه حد في الحمام !! هو الدكتور عبد الباسط رجع
فايزة .. لا لسة
اميرة .. امال ايه !! اوعي من سكتي
اميرة تتعجب .. انتي مين !!
المرأة ترتبك ثم تجري مسرعة نحو غرفتها .. وهي احدي الغرف المغلقة واميرة تطاردها
اميرة .. استني عندك
اميرة .. غوري من وشي
ولكن المرأة تكون اسرع من اميرة وتصل الي غرفتها في وقت قياسي وتدخل الغرفة بسرعة وتغلق الباب وخلفها اميرة التي تحاول فتح الباب فتجده مغلق من الداخل
اميرة تطرق الباب بشدة .. افتحي الباب بقلك .. افتحي الباب
ثم تقول ل فايزة .. مين دي !! انطقي
فايزة .. مين يا ست هانم !! مفيش حد
اميرة .. نعم يا روح امك انتوا عايزين فعلا تجنوني بقي !! مين دي يا بت اللي دخلت الاوضة وقفلت علي نفسها!!
ثم تجذبها بقوة من شعرها وفايزة تتألم
فايزة .. اه .. سيبي شعري يا ست هانم .. صدقيني مفيش حد دخل جوة . انتي بتهيآلك والله
اميرة .. بيتهيآلي يا بنت الكلب!! .. خلاص هتطلعوني مجنونه رسمي !! .. انطقي يا بت احسنلك .. ايه اللي بيحصل في الفيلا دي بالظبط !! ومين دي !
فايزة .. انا مليش دعوة ومعرفش حاجة .. سيبي شعري يا ست هانم
ثم يأتي عم محمد غاضب ويقول
محمد .. سيبي البت يا ست انتي
اميرة .. يعني انت بتتكلم اهوه !! امال عامل نفسك اخرص ليه ولا انا كمان بيتهيآلي انك واقف قدامي اهوه وبتتكلم كمان !!
محمد .. ايوا انا بتكلم .. ارتاحي بقي .. وعرفة لو مسكتيش وبطلتي تحشري مناخيرك في اللي ميخصكيش هيحصلك ايه
