حماتي حامل _الجزء الاول_بقلم هويدا زغلول
عماد قاعد
عماد _ ايه كل ده مش قولتي هتروحي تشوفي وترجعي على طول
ثريا _ امك فاكره لسه نفسها عيله صغيره بتحمل وهتخلف من جديد انا مش عارفه والله امك دي دماغها فاضيه ازاي عماد اول لما سمع
كده قام وقف
عماد _ الكلام الفارغ اللي انتي بتقوليه ده معقول امي حامل ازاي ومحدش قالي ليه
ثريا _ بقولك ايه ما لكش دعوه انت بالموضوع ده احنا ما بصدق نكسب امك وكفايه القرشين اللي بتديهملنا كل شهر وبعدين هو انت الوحيد
عماد _ انا مش قادر اصدق والله الكلام ده
ثريا _ اسمع مراتك مش طايقه هنا مرات
اخوك وشكلها كده ناويه تطفشها
عماد _ امي برده اني مش طايقاها ولا انتي اللي عايزه تطفشيها عشان محمد يتجوز اختك
ثريا _ وفيها ايه نفكر في مصلحه اختي وبعدين هو اخوك هيلاقي زيها فين اه ينعم هي مطلقه
عماد _ عارف دماغك والله يا ثريا
ثريا _ ملكش انت دعوه بالحوار. ده سبني
انا وامك نتصرف معاها
وفي شقه هنا كانت قاعده عامله تتوجع
محمد _ حبيبتي ما فيهاش احراج لو شغل ماما تقيل عليكي قوليلها انك مش قادره تعملي
هنا _المشكله ان مامتك بتخلق شغل من تحت الارض يعني حاجه ما بتبقاش عايزه تعمله مامتك بتصمم انها تتعمل
هنا _ ربنا يخليكلي يا حبيبي وما يحرمني منك ابدا
وبعدها الحما قاعده ودخل سيد جوزها
سيد _ الكلام اللي انا سمعته ده يا كوثر انتي صحيح حامل
كوثر _ شوفت ربنا عايز يكون لينا بنت
سيد _ انتي يا وليه بتهزري ده انتي جده
وقريب هتكوني جده بقولك اي الموضوع
كوثر _ تف من بوقك انت عايزني اعمل
حاجه غلط والله ما يحصل ولا مش عجبك
كل واحد يروح ل حاله
سيد _ بقي كده ده اخر كلام عندك عنيا الاتنين
حاضر هعملك. اللي انتي عايزه وهمشي
واسيب البيت ليكي كمان
كوثر _ الباب يفوت جمل برحتك وبعدها مشي
وهي كلمت أسامه ابن أختها و اللي بيشتغل عندو ابنها محمد
كوثر _ بقولك اي أنا عايزه محمد يروح فرع
الشركه اللي فيه بورسعيد من بكره
اسامه _ ده ليه يا خالتي هو مش مرتاح
في الشركه هنا ولا اي
كوثر _ اسمع الكلام بس اللي بقولك عليه
لو بتحب خالتك تعمل كده يا اسامه
اسامه _ عنيا ليكي يا خالتي اللي تشوفيه
انا هعمله وبعدها قفل معاها وكان قاعد
فاطمه _ خير يا اسامه خالتك كانت عايزه منك ايه دي حتى ما قالتلكش اديني امك اسلم عليها
أسامه _ شكل العروسه الجديده مش عاجبه خالتي وعايزه توريها العين الحمراء عايزاني انقل ابنها في بورسعيد
فاطمه _ بقولك ايه مالكش دعوه
