حماتي حامل _الجزء الاول_بقلم هويدا زغلول

بيدخل محمد وبيكون الدكتور خارج من الاوضه 
محمد بيقولوا
محمد _ اي ده انت مين وبتعمل اي هنا
الدكتور _ انا دكتور وجيه مبروك المدام حامل
بيدخل يجري ويقابل هنا مراته وبيقولها
بفرحه الف الف مبروك يا حبيبتي بجد متعرفيش
انا فرحان ازاي ان هكون اب بس انتي ازاي 
وافقه كده تعالي نامي علي السرير
هنا _ مش انا اللي حامل دي امك امك 
حامل حامل يا محمد 
وقبل ما نبدا قصتنا اعرفكم بالبطله هنا 
بتحب جوزها محمد اللي كان زميلها 
في الكليه وبعد ما اتجوزوا بشهر حماتها تعبت 
وجابت ليها هنا الدكتور وقال انها حامل

ولما محمد سمع الخبر ده اغم عليه 
وفضلت هنا تفوق فيه
هنا _ قوم يا احمد ارجوك مالك
محمد _ اوعي كده وراك لامه وقالها
ازاي ده حصل يا امي
الام _ قدر ربنا يا عين امك اي هنعترض 
عليه ولا اي بدل ما تفرح أن لما مراتك 
تحمل ب اذن الله يكون في ونيس لابنك
محمد _ انتي اكيد بتهزري وناويه تقولي 
للناس اي بقي حرام عليكي قربت منه هنا 
وقالت
هنا _ مينفعش طريقه الكلام ده اهدي 
شويه يا محمد ارجوك تعالي نطلع شقتنا 
نتكلم وفي الوقت ده حماتها قالت ليها
الحما _ تطلعي فين يا حبيبتي ومين 
هيعمل الاكل انا تعبانه ومحتاجه اكل 
دلوقتي
هنا _ حاضر يا حماتي هاكل محمد بس 
وانزلك وطلعت هنا ولما نزلت لقت حماتها 
لما السجاد كله
هنا _ اي ده يا ماما فين السجاد
الحما _ في الحمام يا قلب ماما يلا بقي 
ادخلي اغسلي معرفش ليه شما ريحه تراب
هنا _معقول يا ماما ده انا مش قادره والله
الحما _ اخس عليكي مينفعش تقولي كده 
ده انا زي امك برضه وبعدها دخلت هنا 
وجت ثريا سلفه هنا
ثريا _ ازيك يا حماتي عامله اي معقول 
الكلام اللي قولتي ليا ده
الحما _ اه يا بت يا ثريا حامل وبعدين هو انتي 
هتعملي نفسك متفجاه ولا اي مش انتي
اللي قولتي ليا
ثريا _ وطي صوتك يا حماتي اه طبعا 
لازم تخلفي انتي لسه صغيره
الحما _ واي اللي جابك دلوقتي ده انا خليتها 
تدخل تغسل السجاد كله ومش عايزه 
تخرج تقول ليكي تعالي اعملي معايا
ثريا _ مين انا ضيفه وعيب عليها يعني لما 
تقولي كده وبعد ساعه خرجت هنا من الحمام 
وقالت
هنا _ خلاص يا ماما غسلت السجاد كله وسبته 
يصفي بس شويه اي ده هو انتي هنا 
يا ثريا
الحما _ اه موجوده ياختي ومش لاقيه حد 
يعملها حتي كوبيا شاي
ثريا _ شاي اي يا حماتي ده انا عايزه 
اتغدا عايزين ناكل من ايدك يا عروسه
هنا _ اه ومالو يلا بينا يا حبيبتي علي المطبخ 
علشان نعمل سوا
الحما _ انتي يابت قليله الذوق ليه كده بقولك 
دي ضيفه عايزه تخليها تقف في المطبخ 
اه يا بطني مش قادره
ثريا _ براحه يا حماتي مينفعش العصبيه 
دي علشان صحتك ما تخلصي
تدخلي بقي هي مش عايزه عصبيه وبعدها 
دخلت هنا ولما خلصت الغدا روحت ثريا 
البيت وكان جوزها