علاقه جوزي ب امي _الحلقه الاولي _بقلم هويدا زغلول
عارف انت عملت ايه
سليمان
الله يخليكي يا هند انا كنت في يومين صعبين جدا انطقي على طول ماما مالها
هند
طب ماما تيجي تعزي مراتك وانت ما يهونش عليك تجيبها لحد هنا تسيبها ماشيه لوحدها
سليمان
مين قال بس ان انا عملت الكلام اللي انت بتقولي عليه ده وانا مش وقفتلك تاكسي يا ماما حسبتلك عليه كمان
الام
ده بدل ما تقول ليا اجيبك لحد البيت هنا يا امي وابقى ارجعلهم ثاني
سليمان
يا ماما بجد انا مش شايف قدام مني خالص وربنا يعلم اليوم ده عدى عليا ازاي ولازم اروح الشركه الصبح عشان ورايا شغل كثير جدا
الله يرحمك يا بابا من بعد ما رحت محدش بقى شايل همنا خالص
سليمان
بالله عليك يا هند بلاش تولعي الدنيا حقك عليا يا ماما انا اسف ممكن تسيبيني بقى اقوم انام شويه انا طالع شقتي
الحما
وشقتك ليه يا حبيبي ما تخش تنام في اوضتك جوه
سليمان
تصدقي يا ماما انا فعلا ضايقك جدا ومش قادر اطلع لحد فوق انا اخش انام شويه وبعد كده هطلع عشان لازم اغير هدومي بكره باذن الله قبل ما انزل الشغل وبعدها دخل
هند
برده مش هنعرف نوقع ما بينه وما بيننا بصراحه ربنا انا مبحبش مرات ابنك دي
الحما
اصبري بس يخلص عزا ابوها وبعدين نشوف
هنعمل اي معاها وبعدها دخلت نامت
وانا بليل دخلت عند ماما لقيتها
لابسه لبس الوان
مروه
ماما انا كنت بسخن كوبايه لبن وبعدين لقيت واقفه قدام المرايه ايه ده يا ماما وانتي قلعتي الاسود ولا ايه
الام
جرى ايه يا مروه ما توطي صوتك ما انت عارفه ان انا كده كده ما بعرفش انام بالاسود اصلا
مروه
بس انا كنت فاكراكي ان انتي زعلانه على بابا جدا
الام
وهو الاسود بقى لما انا قلعته خلاص ما بقتش زعلانه عليه يا بنتي انا عندي حساسيه من اللون الاسود اه سخليني كوبايه لبن ويا ريت لو تعملي ليا اي سندوتشات اكلها
حاضر يا ماما اللي تشوفي وبعدها لقيت
هند بترن
مروه
الو ايوه يا هند خير في حاجه ولا ايه بترني في وقت متاخر زي كده ليه
هند
معلش يا مروه انا كنت عايزه الباسورد بتاع فودافون كاش بتاع سليمان علشان كنت محتاجه فلوس ضروري من عنده
مروه
طيب هو انت متصله تاخديه مني انا ليه اللي اداكي الموبايل يقولك على الباسورد
هند
ما هو يا حبيبي من ساعه ما جه وهو نايم جوه وانا مش عايزه ازعجه ما تقولي الباسورد ما انت اكيد عارفاه
مروه
ايه ده هو نايم عندكم تمام ماشي هراجع بس الوتساب لان انا مش فاكراه وهبعته ليكي
هند
ربنا يخليكي يا حبيبتي وما اتحرم منك ابدا
مروه
هو انا ممكن اعرف انتي عايزه فلوس في ايه دلوقتي اكيد مش هتنزلي تجيبي حاجه يعني
هند
لا يا حبيبتي كنت عايزه حاجات اون لاين ولازم ادفع عربون
